Ixayees Cov Tub

1 Ixayees cov tub yog li no, Lunpees, Xime‑oos, Levis, Yahdah, Ixakhas, Xe-npuloos,

2 Daj, Yahxej, Npeeyamees, Natha-lis, Nkas thiab Asaws.

Yahdah Caj Ces

3 Yahdah cov tub yog Ws, Aunas thiab Selas. Peb tug no yog Npasuvas uas yog tibneeg Khana‑as yug rau nws. (יחוח)Yahweh pom tias Ws uas yog Yahdah tus tub hlob phem kawg li, (יחוח)Yahweh thiaj muab nws tua lawm.

4 Yahdah tus nyab Thamas yug Peles thiab Xelag rau nws.  Tag nrho Yahdah muaj tsib tug tub.

5 Peles cov tub yog Hexaloos thiab Hamus.

6 Xelag cov tub yog Xilis, Ethas, Hemas, Khakhaus thiab Dalas, huvsi muaj tsib leeg.

7 Khamis tus tub yog Akhas uas coj kev kub ntxhov los rau cov Ixayees, vim nws muab tej qhov txhia chaw uas muab cais rau (יחוח)Yahweh lawd los zais cia.

8 Ethas tus tub yog Axayah.

​

Hexaloos Caj Ces

9 Hexaloos cov tub uas nws muaj yog li no, Yelame‑ees, Las thiab Khelunpais.

10 Las yog Aminadas txiv, Aminadas yog Nasoos txiv, Nasoos yog tus thawj hauv Yahdah cov tub.

11 Nasoos yog Xamas txiv, Xamas yog Npau‑as txiv,

12 Npau‑as yog Aunpes txiv, Aunpes yog Yisais txiv.

13 Yisais cov tub mas Elias yog nws tus tub hlob, Anpinadas yog tus ob, Samas yog tus peb,

14 Nethanees yog tus plaub, Ladais yog tus tsib,

15 Auxees yog tus rau, Daviv yog tus xya.

16 Thiab lawv ob tug muam yog Xeluyah thiab Anpikes. Xeluyah muaj peb tug tub, yog Anpisais, Yahas thiab Axahees.

17 Anpikes yug Amaxas. Amaxas txiv yog Yethaws uas yog tibneeg Yisama‑ees. 18 Hexaloos tus tub Khalej ib tug pojniam yog Axunpas, ib tug yog Yeli‑aus.  Axunpas cov tub yog Yesaws, Saunpam thiab Adoos.

19 Thaum Axunpas tuag lawm, Khalej yuav Efathas los ua pojniam, yog tus uas yug Hawj rau nws.

20 Hawj yog Ulis txiv, Ulis yog Npexalees txiv.

21 Dhau ntawd thaum Hexaloos hnub nyoog muaj rau caum xyoo, nws yuav Makhis uas yog Kile‑as txiv tus ntxhais ua pojniam mas yug tau Xekus rau Hexaloos.  

22 Xekus yog Ya‑is txiv, Ya‑is muaj nees nkaum peb lub moos hauv Kile‑as tebchaws.

23 Tiamsis cov tibneeg Kesus thiab cov tib neeg Alas txeeb tau lub moos Havauya‑is thiab lub moos Khenaj thiab tej zej zog ib ncig, huvsi rau caum lub moos. Cov no huvsi yog Makhis uas yog Kile‑as txiv caj ces.

24 Thaum Hexaloos tuag hauv lub moos Khalej Efathas lawm, Hexaloos tus pojniam Anpiyah yug tau Asus uas yog Thekhau‑as txiv.

​

Yelame‑ees Caj Ces

25 Hexaloos tus tub hlob Yelame‑ees cov tub yog li no, Las yog tus tub hlob, thiab Npunas, Aulees, Auxees thiab Ahiyah.

26 Yelame‑ees muaj dua ib tug pojniam lub npe hu ua Atha-las. Nws yog Aunas niam.

27 Yelame‑ees tus tub hlob Las cov tub yog Ma‑as, Yamis thiab Ekhaws.

28 Aunas cov tub yog Samais thiab Yadas. Samais cov tub yog Nadas thiab Anpi-sus.

29 Anpisus tus pojniam hu ua Anpiha‑is, mas nws yug tau Anpas thiab Maulis rau Anpisus.

30 Nadas cov tub yog Xeles thiab Apa‑is. Thaum Xeles tuag nws tsis muaj menyuam.

31 Apa‑is tus tub yog Isis. Isis tus tub yog Sesas, Sesas tus tub yog Alais.

32 Samais tus kwv Yadas cov tub yog Yethaws thiab Yahnathas, mas thaum Yethaws tuag nws tsis muaj menyuam.

33 Yahnathas cov tub yog Pelej thiab Xaxas. Cov no yog Yelame‑ees caj ces.

34 Sesas tsis muaj tub, nws muaj ntxhais xwb.  Sesas muaj ib tug qhev yog tibneeg Iziv hu ua Yahas.

35 Sesas txawm muab nws tus ntxhais rau nws tus tub qhe Yahas yuav ua pojniam, mas yug tau Athais.

36 Athais yog Nathas txiv, Nathas yog Xanpas txiv,

37 Xanpas yog Efas txiv, Efas yog Aunpes txiv,

38 Aunpes yog Yahus txiv, Yahus yog Axaliyah txiv,

39 Axaliyah yog Heles txiv, Heles yog Ele‑axas txiv,

40 Ele‑axas yog Xismais txiv, Xismais yog Salus txiv,

41 Salus yog Yekhamiyah txiv, Yekhamiyah yog Elisamas txiv.

​

Khalej Caj Ces

42 Yelame‑ees tus kwv Khalej cov tub yog li no, nws tus tub hlob Mesas yog Xis txiv, Xis yog Malesas txiv, Malesas yog Henploos txiv.

43 Henploos cov tub yog Khaulas, Thapu-as, Lekhees thiab Semas.

44 Semas yog Lahas txiv, Lahas yog Yaukhe‑as txiv. Lekhees yog Samais txiv. 45 Samais tus tub yog Ma‑oos, Ma‑oos yog Npexuv txiv.

46 Khalej tus niam yau Efas yug Halas, Mauxas thiab Kaxes. Halas yog Kaxes txiv.

47 Yadais cov tub yog Lekees, Yahthas, Kesas, Peleb, Efas thiab Sa‑as.

48 Khalej tus niam yau Ma‑akhas yug tau Senpaws thiab Thihanas.

49 Nws yug Sa‑as uas yog Mamanas txiv, thiab Sevas uas yog Manpenas thiab Kinpe‑as txiv. Khalej tus ntxhais yog Axav.

50 Cov no yog Khalej caj ces. Efathas tus tub hlob Hawj cov tub yog Saunpas uas yog Khiliyas Ye‑alis txiv,

51 Xamas uas yog Npelehees txiv, thiab Hales uas yog Npekadaws txiv.

52 Khiliyas Ye‑alis txiv Saunpas kuj muaj dua tub yog Falau‑es thiab cov Menuhaus ib nrab.

53 Khiliyas Ye‑ alis tej cum yog cum Ithalas, cum Puthais, cum Sumas thiab cum Milas. Ntawm cov cum no muaj cov tibneeg Xaulas thiab cov tibneeg Etha‑oos tshwm los.

54 Xamas cov tub yog Npelehees, cov Nethaufas, Athaus Npeyau‑as thiab cum Manahas ib nrab thiab cov Xaulas.  

55Cov no yog cov tub teev ntawv uas nyob hauv lub moos Yanpes tej cum, yog cum Thilas, cum Sime‑as thiab cum Xukhas. Cov no yog cov Khenais uas los ntawm Hamas uas yog cov Lekhaj txiv.