1 VAJ KEEB KWM 7

Ixakhas Caj Ces

1 Ixakhas cov tub yog Thaulas, Phu‑as, Yasus thiab Siloos, huvsi plaub leeg.

2 Thaulas cov tub yog Uxis, Lefayah, Yeli‑ees, Yamais, Yixas thiab Semu‑ees. Lawv ua thawj hauv lawv tej yim hauv Thaulas cum, lawv caj ces yog tub rog siab loj siab tuab mas thaum Daviv ua vajntxwv kav mas lawv muaj 22,600 leej. 3 Uxis cov tub yog Ilahiyah. Ilahiyah cov tub yog Mikha‑ees, Obadyah, Yahees thiab Isiyah, huvsi tsib leeg, puavleej ua cov thawj,

4 thiab lawv cov no caj ces raws li tej yim muaj cov tub rog 36,000 leej rau qhov lawv muaj pojniam thiab menyuam coob.

5 Tag nrho lawv cov kwvtij uas yog xeem Ixakhas huvsi muaj cov tub rog siab loj siab tuab 87,000 leej raws li uas sau cia hauv lawv li keeb kwm.

​

Npeeyamees Caj Ces

6 Npeeyamees cov tub yog Npelas, Npe-khaws thiab Yediya‑ees, huvsi peb leeg.

7 Npelas cov tub yog, Exanpoos, Uxis, Uxi‑ees, Yelimaus thiab Ilis, huvsi tsib leeg. Lawv ua thawj hauv lawv tej cum, lawv yog cov tub rog siab loj siab tuab, mas raws li uas sau cia rau hauv lawv li keeb kwm muaj 22,034 leej.

8 Npekhaws cov tub yog Xemilas, Yahas, Eliyexaws, Eeyahenais, Oolis, Yelemaus, Anpiyah, Anathaus thiab Alemes, puavleej yog Npekhaws cov tub.

9 Mas raws li lawv caj ces tej keeb kwm uas sau cia, cov thawj hauv lawv tej cum uas ua tub rog siab loj siab tuab muaj 20,200 leej.

10 Yediya‑ees cov tub yog Npihas. Npihas cov tub yog Ye‑us, Npeeya-mees, Ehuj, Khena‑anas, Xethas, Thasis thiab Ahisahas.

11 Cov no puav leej yog Yediya‑ees cov tub mas suav raws li lawv cov thawj hauv tej cum uas ua tau tub rog siab loj siab tuab muaj 17,200 leej uas npaj txhij yuav mus ua rog.

12 Supis thiab Hupis yog Ilab cov tub, Husis yog Ahaws tus tub.

​

Nathalis Caj Ces

13 Nathalis cov tub yog Yaxi‑ees, Kunis, Yexaws thiab Salus, yog Npihas cov tub ki.

​

Manaxes Caj Ces

14 Manaxes tus tub yog Ali‑ees, uas yog nws tus niam yau cov tibneeg Alas yug. Nws tseem yug tau Makhis uas yog Kile‑as txiv thiab.

15 Makhis nrhiav pojniam rau Hupis thiab Supis. Makhis tus muam hu ua Ma‑akhas.  Makhis muaj dua ib tug tub hu ua Xelaufehas. Mas Xelaufehas muaj ntxhais xwb.

16 Ma‑akhas uas yog Makhis tus pojniam yug ib tug tub mas muab hu ua Peles, mas Peles tus kwv hu ua Seles.  Seles cov tub yog Ulas thiab Lakhees.

17 Ulas tus tub yog Npedas. Cov no yog Kile‑as cov tub. Kile‑as yog Makhis tus tub, Makhis yog Manaxes tus tub.  

18 Kile‑as tus muam Hamaulekhes yug tau Isaj, Anpiyexaws thiab Mahalas.

19 Semidas cov tub yog Ahilas, Sekhees, Likhis thiab Ani-as.

​

Efa‑is Caj Ces

20 Efa‑is cov tub yog Suthelas, Suthelas tus tub yog Npeles, Npeles tus tub yog Thahas, Thahas tus tub yog Eladas, Eladas tus tub yog Thahas,

21 Thahas tus tub yog Xanpas, Xanpas tus tub yog Suthelas. Thiab Efa‑is muaj Exaws thiab Ele‑as, mas cov tibneeg Nkas uas yug hauv lub tebchaws ntawd tau muab tua lawm, vim nkawv mus lwg lawv tej tsiaj txhu.

22 Efa‑is uas yog nkawv txiv tau quaj ntsuag ntau hnub, mas nws cov kwvtij tuaj nplij nws lub siab.

23 Mas Efa‑is thiaj nrog nws tus pojniam pw, nws thiaj xeeb menyuam thiab yug tau ib tug tub. Efa‑is muab hu ua Npeliyas vim nws tsev neeg raug kev txom nyem.  

24 Efa‑is tus ntxhais hu ua Se‑elas. Se‑elas yog tus uas ua lub moos Npe Hauloos, yog lub pem roob thiab lub nras tiaj thiab lub moos Uxees Se‑elas.  

25 Efa‑is tus tub yog Lefas, Lefas tus tub yog Leses, Leses tus tub yog Thelas, Thelas tus tub yog Thahas,

26 Thahas tus tub yog Ladas, Ladas tus tub yog Amihus, Amihus tus tub yog Elisamas,

27 Elisamas tus tub yog Noos, Noos tus tub yog Yahshua.  

28 Thaj av thiab tej zej zog uas yog lawv li yog Npe‑ees thiab tej zej zog ib ncig thiab lub moos Na‑alas uas nyob sab hnub tuaj thiab lub moos Kexaws thiab tej zej zog ib ncig uas nyob sab hnub poob, lub moos Sekhees thiab tej zej zog ib ncig, thiab lub moos Ayas thiab tej zej zog ib ncig,

29 thiab ntawm xeem Manaxes tus ciam teb yog lub moos Npesas thiab tej zej zog ib ncig, lub moos Tha‑anas thiab tej zej zog ib ncig, lub moos Mekidaus thiab tej zej zog ib ncig, lub moos Daus thiab tej zej zog ib ncig.  Yahxej uas yog Ixayees tus tub tej tub ki nyob tej moos ntawd.

​

Asaws Caj Ces 

30 Asaws cov tub yog Yinas, Yisavas, Yisavis, Npeliyas thiab Xelag uas yog lawv tus muam.

31 Npeliyas cov tub yog Henpaws thiab Makhi‑ees. Makhi‑ees yog Npixavis txiv.

32 Henpaws cov menyuam yog Yafeb, Saumaws, Hauthas thiab Sua uas yog lawv tus muam.

33 Yafeb cov tub yog Paxas, Npihas thiab Asavas.  Cov no yog Yafeb cov tub.

34 Yafeb tus kwv Semaws cov tub yog Ahis, Laukas, Yekhunpas thiab Alas.

35 Yafeb tus kwv Helees cov tub yog Xaufas, Inas, Seles thiab Amas.

36 Xaufas cov tub yog Xu‑as, Hanefaws, Su‑as, Npelis, Ilag,

37 Npexaws, Hauj, Samas, Sisas, Ithalas thiab Npe‑elas.

38 Yethaws cov tub yog Yefunes, Pipas thiab Alas.

39 Ulas cov tub yog Aslas, Hani‑ees thiab Liyas.

40 Cov no puav leej yog cov thawj hauv tej cum xeem Asaws, lawv yog tub rog siab loj siab tuab uas txawj tshaj plaws, yog cov thawj tub rog. Raws li uas sau cia rau hauv lawv li ntawv keeb kwm es yuav mus ua tub rog, huvsi muaj 26,000 leej.