1 Nej cov uas yog lospav, cia li ua ncaj sib luag zos rau nej cov qhev, vim nej kuj paub tias nej muaj ib tug Tswv nyob saum ntuj.

​

Tej Lus Qhuab Ntuas

2 Cia li siv zog thov Abba (יחוח)Yahweh mus li, thiab thaum thov, cia li zov tos thiab ua Abba (יחוח)Yahweh tsaug.

3 Thiab thov Abba (יחוח)Yahweh pab peb kom nws qheb qhov rooj rau peb qhia txoj hmoo zoo, yog qhia txog (יהושע)Yahshua Messiah zaj uas Abba (יחוח)Yahweh muab npog cia tob tob lawd, vim qhov no, kuv thiaj raug kaw.

4 Thov pab kom kuv qhia tau zaj no meej raws li uas tsim nyog qhia. 5 Cia li siv tswvyim xyaum rau cov uas nyob sab nraud, thiab siv txhua lub sijhawm kom muaj nuj nqis. 6 Cia li hais nej tej lus muaj kev hlub thiab qab zib, xwv nej thiaj paub tias tsim nyog teb txhua tus li cas.

​

Tej Lus Sib Fim Thaum Kawg

7 Thikhikas, uas yog ib tug kwvtij uas kuv hlub thiab muaj siab xib ua haujlwm, thiab nrog kuv koom ua Abba (יחוח)Yahweh tes haujlwm, nws yuav qhia rau nej paub txhua yam txog kuv. 8 Qhov uas kuv txib nws tuaj cuag nej, twb yog kuv xav kom nej paub tias, peb nyob li cas thiab xav kom nws txhawb tau nej lub siab, 9 thiab Auneximas, uas yog ib tug kwvtij uas kuv hlub thiab yog tus uas tso siab tau, yog ib tug hauv nej cov ntag, yuav nrog tuaj thiab. Nkawv yuav qhia rau nej paub txog txhua yam xwm txheej ntawm no.  

10 Alithakhas, uas nrog kuv raug kaw, xa lus nco txog nej, thiab Yahchanan Mark uas yog Barnabas tus Kwvtij, kuj nco txog nej thiab. Nej twb txais tej lus hais txog Yahchanan Mark lawm, yog nws tuaj txog, cia li tos txais nws.

11 Thiab (יהושע)Yahshua uas hu ua Yuxathas, kuj xa lus nco txog nej. Cov uas koom nrog kuv ua haujlwm rau Abba (יחוח)Yahweh lub tebchaws, tsuas yog cov no thiaj ua kevcai txiav lawm xwb, thiab lawv txhawb kuv lub zog. 12 Epafas uas yog ib tug hauv nej cov, thiab ua (יהושע)Yahshua Messiah ib tug tub qhev, kuj xa lus nco txog nej. Nws siv zog thov Abba (יחוח)Yahweh pab nej tsis tu li, kom nej nyob ruaj, hlob tiav thiab muaj siab ruaj rau txhua yam uas Abba (יחוח)Yahweh lub siab nyiam. 13 Kuv ua timkhawv tau tias, nws ua haujlwm hnyav pab nej thiab cov uas nyob hauv lub moos Laodicea, thiab lub moos Hialapolis. 14 Tus Kws tshuaj Luke, uas kuv hlub thiab Demas, xa lus nco txog nej. 15 Thov nej xa tej lus nco txog mus rau cov kwvtij uas nyob hauv lub moos Laodicea thiab xa rau tus pojniam Nifas thiab pawg ntseeg hauv nws tsev.

16 Thaum nej nyeem tsab ntawv no tag lawm, thov nej xa mus rau pawg ntseeg hauv Laodicea tau nyeem thiab. Thiab tsab ntawv uas tuaj hauv lub moos Laodicea tuaj, nej muab los nyeem thiab.

 17 Thiab hais rau Akhipas tias, tes haujlwm uas koj lees ua hauv Abba   (יחוח)Yahweh, cia li rau siab ua kom tiav. 18 Tej lus nco txog no yog kuv Sha-ul txhais tes sau. Thov nej nco txog txoj saw hlau uas khi kuv. Thov Abba (יחוח)Yahweh txojkev hlub nrog nraim nej.