Hosheyah Tus Pojniam Thiab Cov Menyuam

1 Ntawm no yog (יחוח)Yahweh tej lus uas hais tuaj rau Hosheyah uas yog Npe-awlis tus tub, yog ncua sijhawm uas Uxiyas, Yauthas, Ahas thiab Hexekhiyas ua vajntxwv kav Yahdah, thiab ncua sijhawm uas Yelaunpau‑as uas yog Yau‑as tus tub ua vajntxwv kav Ixayees.

2 Thawj zaug uas (יחוח)Yahweh kom Hosheyah hais nws tej lus, mas (יחוח)Yahweh hais rau Hosheyah tias, cia li mus, mus yuav ib tug pojniam uas nyiam deev hluas nraug thiab yug tej menyuam hluas nraug, rau qhov lub tebchaws no deev hluas nraug loj heev yog qhov uas tso (יחוח)Yahweh tseg.

3 Nws txawm mus yuav Kaumaws uas yog Dilais tus ntxhais los ua pojniam. Kaumaws thiaj xeeb menyuam thiab yug tau ib tug tub rau nws.

4 (יחוח)Yahweh txawm hais rau Hosheyah tias, cia li tis tus tub lub npe hu ua Yile-ees, rau qhov tshuav tsis ntev kuv yuav teem txim rau Yehus caj ces vim yog tim tej ntshav uas los ntawm lub moos Yile-ees, thiab kuv ua rau Ixayees tebchaws tej vajntxwv tu noob nrho.

5 Hnub ntawd kuv yuav lov Ixayees rab hneev rau hauv lub hav Yile-ees.

6 Kaumaws rov xeeb dua menyuam mas yug tau ib tug ntxhais. (יחוח)Yahweh hais rau Hosheyah tias cia li tis tus mentxhais ntawd lub npe hu ua Lauluhamas, rau qhov kuv yuav tsis khuvleej Ixayees caj ces dua li lawm, kuv yuav tsis zam lawv lub txim kiag li lawm.

7 Tiamsis kuv yuav khuvleej Yahdah caj ces, thiab kuv uas yog (יחוח)Yahweh, uas yog lawv Tus Tswv, kuv tus kheej yuav tso lawv dim. Kuv yuav tsis siv hneev tsis siv ntaj, tsis siv kev ua rog, tsis siv nees lossis tub rog caij nees cawm lawv dim.

8 Thaum Lauluhamas tseg mis lawd, Kaumaw rov xeeb dua menyuam thiab yug tau ib tug tub.

9 Mas (יחוח)Yahweh hais tias, cia li tis tus tub ntawd lub npe hu ua Lau-amis, rau qhov nej tsis yog kuv haiv neeg thiab kuv tsis yog nej Tus Tswv lawm.

10 Txawm li cas los cov Ixay-ees yuav coob yam nkaus li tej xuab zeb ntawm ntug hiavtxwv uas luj tsis tag suav tsis txheeb. Hauv lub chaw uas txeev hais rau lawv tias, nej tsis yog kuv haiv neeg, kuj yuav rov hais rau lawv tias, nej yog (יחוח)Yahweh uas muaj txojsia nyob cov tub.

11 Cov Yahdah thiab cov Ixayees yuav rov sib sau ua ke, thiab lawv yuav tsa ib tug ua lawv tus thawj, mas lawv yuav ua ke tawm hauv lub tebchaws ntawd, rau qhov Yile-ees lub caij lub nyoog yuav tseem ceeb heev.