1 Yog ib tug xibhwb cev (יחוח)Yahweh lus lossis ib tug uas ua yog toog pom tom hauv ntej tshwm los rau hauv nej thiab qhia ib yam txujci loj thiab tseem ceeb rau koj,

2 thiab yog tej txujci loj tseem ceeb uas nws hais ntawd muaj tshwm los tiag tiag ces nws thiaj hais tias, cia peb pe hawm thiab ua koom tu luag tej dab, uas koj tsis tau paub dua,

3 mas koj tsis txhob ntseeg tus xibhwb cev lus lossis tus uas ua yog toog ntawd tej lus. Rau qhov (יחוח)Yahweh uas yog nej Tus Tswv sim nej lub siab saib nej hlub (יחוח)Yahweh uas yog nej Tus Tswv kawg nej lub siab lub ntsws los tsis hlub.

4 Nej yuav tau ua lub neej raws li (יחוח)Yahweh uas yog nej Tus Tswv thiab hwm thiab paub ntshai nws thiab tuav rawv nws tej lus cob qhia thiab mloog nws lus, thiab nej yuav tau ua koom tu nws thiab nrog nws tsheej xeeb.

5 Tus uas cev lus thiab tus uas ua yog toog ntawd yuav tau raug muab tua pov tseg, vim yog nws qhia kom ntxeev siab rau (יחוח)Yahweh uas yog nej Tus Tswv uas coj nej tawm hauv Iziv tebchaws los thiab txhiv nej dim hauv txojkev ua qhev los. Tus ntawd ua rau nej tig kiag ntawm txoj kev uas (יחוח)Yahweh uas yog nej Tus Tswv kom nej mus. Ua li no nej thiaj ntxuav tau tej kev phem no tawm hauv nej mus.

6 Yog koj ib tug kwvtij uas nrog koj koom niam lossis koj li tub li ntxhais lossis koj tus pojniam ntawm koj xub ntiag lossis koj tus kwv luag uas nrog koj koom ib lub siab yaum twj ywm tias, cia peb mus ua koom tu lug tej dab, uas koj thiab koj tej poj koob yawm txwv tsis tau puab dua,

7 uas yog tej haiv neeg uas nyob ib ncig nej tej dab tsis hais deb los ze, txij ntua sab ntuj no mus txog sab ntuj kawg tim ub,

8 los koj tsis txhob yeem swb nws thiab mloog nws hais, koj lub qhov muag tsis txhob hlub nws, tsis txhob tseg nws txojsia li, tsis txhob npog nws kiag li.

9 Koj yuav tau muab nws tua pov tseg. Koj yuav tau nqis tes ua ntej rau txim tua nws, mas sawvdaws mam li nqis tes tom qab. 

10 Koj yuav tau xuas pob zeb ntaus kom nws tuag, rau qhov nws ntxias coj koj tawm hauv (יחוח)Yahweh uas yog koj Tus Tswv uas coj nej tawm hauv Iziv tebchaws hauv txojkev ua qhev los.

11 Mas cov Ixayees sawvdaws thiaj tau hnov thiab ntshai thiaj tsis ua tej kev phem no rau hauv nej nruab nrab dua li lawm.

12 Yog koj hnov tias hauv nej tej moos uas (יחוח)Yahweh uas yog nej Tus Tswv pub rau nej nyob lawd, tsis hais lub twg,

13 muaj tibneeg phem qee leej tawm hauv nej mus ntxias cov tibneeg hauv lub moos nawd hais tias, cia peb mus ua koom tu luag tej dab, uas nej tsis tau paub dua,

14 mas koj yuav tau tshuaj saib thiab tshawb nrhiav thiab ua tib zoo nug. Yog muaj tseeb thiab pom tseeb tias tej uas qias vuab tsuab no tshwm rau hauv nej nruab nrab,

15 mas koj yuav tau xuas hniav ntaj muab cov tibneeg hauv lub moos ntawd tua.  Koj yuav tau xuas hniav ntaj ua kom puam tsuaj tu noob nrho, tsis hais tej tibneeg thiab tej tsiaj txhu hauv lub moos huvsi.

16 Koj yuav tau sau cov tibneeg ntawd tej qhov txhia chaw huvsi tuaj tso ua ke hauv tshav puam thiab muab lub moos ntawd thiab tej qhov txhia chaw huvsi hlawv pov tseg thiaj yog hlawv huvsi xyeem rau (יחוח)Yahweh uas yog koj Tus Tswv. Lub moos ntawd yuav nyob do cuas cia mus ib txhis, tsis txhob rov ua dua tshiab.

17 Tsis txhob cia tej uas caiv ntawd ib yam abtsi lo koj txhais tes, xwv (יחוח)Yahweh thiaj li thim nws txojkev npau taws heev thiab zam txim thiab hlub koj, thiab pub koj huaj vam coob, raws li nws cog lus ruaj khov cia rau koj tej poj koob yawm txwv lawm,

18 vim nej mloog (יחוח)Yahweh uas yog nej Tus Tswv tej lus, yog qhov uas tuav rawv nws tej lus cob qhia huvsi uas hnub no kuv muab cob rau koj thiab ua tej uas ((יחוח)Yahweh uas yog koj Tus Tswv pom tias raug cai.