1 Cov pov thawj es, nimno tej lus qhuab qhia no yog hais rau nej ntag.

2 (יחוח)Yahweh  uas muaj hwjchim loj kawg nkaus hais tias, yog nej tsis mloog, thiab yog nej tsis muab siab rau ua kom kuv lub npe tau koob meej, kuv yuav tso tej lus tsawm foom los raug nej, thiab kuv yuav tsawm foom tej lus uas nej foom koob hmoov. Kuv twb tsawm foom tej koob hmoov ntawd lawm lauj, rau qhov nej tsis muab siab rau ua. 3 Kuv yuav cem nej cov tub ki, thiab muab tej tsiaj uas nej muab xyeem cov quav pleev nej lub ntsej muag, thiab kuv yuav coj nej tawm ntawm kuv xubntiag nrog cov quav ua ke mus. 4 Nej thiaj paub tias, tej lus qhuab qhia no yog kuv hais rau nej, kom kuv tej lus uas kuv cog tseg rau Levis thiaj li nyob ruaj. (יחוח)Yahweh  uas muaj hwjchim loj kawg nkaus hais li no ntag.

5 Tej lus uas kuv cog tseg rau nws ntawd, yog tej lus cog tseg uas pub txojsia thiab nyob kaj siab lug. Kuv muab tej lus cog tseg no rau nws kom nws thiaj paub ntshai kuv. Ces nws txawm paub ntshai kuv thiab hwm kuv lub npe.

6 Nws lub qhov ncauj muaj tej lus qhuab qhia uas tseeb, nws tus nplaig tsis hais tej lus txhaum kiag li. Nws ua lub neej nrog kuv sib haum xeeb thiab ua ncaj ncees, thiab nws coj tau ntau leej tig ntawm txojkev txhaum txim.

7 Cov pov thawj tus nplaig tsim nyog zov txojkev paub, thiab tsim nyog tibneeg nrhiav tej lus qhuab qhia ntawm lawv lub qhov ncauj, rau qhov lawv yog (יחוח)Yahweh  uas muaj hwjchim loj kawg nkaus cov tubtxib.

8 Tiamsis nej cov pov thawj tau tig ntawm txojkev ntawd mus lawm, nej tej lus qhuab qhia ua rau ntau leej dawm. Nej rhuav tej lus uas cog tseg rau Levis lawm. (יחוח)Yahweh  uas muaj hwjchim loj kawg nkaus hais li no ntag.

9 Vim li no, kuv thiaj ua rau nej raug saib tsis taus thiab raug poob qes tab meeg cov pejxeem sawvdaws rau qhov nej tsis tuav rawv kuv txhua txojkev, nej tseem saib tibneeg ntsej muag qhuab qhia.

Yahdah Tsis Xib Rau (יחוח)Yahweh

10 Peb sawvdaws tsis yog koom tib leeg txiv lov? Tsis yog tib tug (יחוח)Yahweh  tsim peb los lov? Ua cas peb tseem yuav rhuav tej lus uas ib leeg cog rau ib leeg thiaj ua txhaum rau tej lus uas cog tseg rau peb tej poj koob yawm txwv?

11 Yahdah kuj fav xeeb rau tej lus cog tseg lawm, thiab ua qias vuab tsuab rau hauv Ixayees tebchaws thiab hauv Yeluxalees, rau qhov Yahdah tau ua qias puas tsuas lub chaw pe hawm (יחוח)Yahweh  uas (יחוח)Yahweh  nyiam, thiab mus yuav lwm tebchaws tej dab cov ntxhais.

12 Yog tus txivneej twg ua li no ces thov (יחוח)Yahweh  rhuav tshem tus ntawd tawm hauv Yakhauj tej tsev ntaub mus, txawm yog lawv coj qhov txhia chaw tuaj xyeem rau (יחוח)Yahweh  uas muaj hwjchim loj kawg nkaus kuj xij.

13 Nej kuj ua li no thiab. Nej muab kua muag ywg (יחוח)Yahweh  lub thaj, nej quaj thiab ntsaj laws vim (יחוח)Yahweh  tsis quav ntsej thiab tsis zoo siab txais tej uas nej txhais tes coj tuaj xyeem li lawm. 14 Nej nug tias, ua cas nws tsis txais? Twb yog vim (יחוח)Yahweh  ua timkhawv rau koj thiab koj tus pojniam uas thaum tseem hluas, koj yuav nws. Txawm yog nws ua koj txij nkawm thiab ua koj pojniam raws li koj cog lus, los koj tseem fav xeeb rau nws.

15 (יחוח)Yahweh  ua rau ob tug koom ua ib tug los tsis yog? Lub cev, lub siab huvsi yog (יחוח)Yahweh  li. Qhov uas (יחוח)Yahweh  ua li no, nws xav tau abtsi? Yog xav tau tub ki uas hwm (יחוח)Yahweh . Vim li no, nej yuav tsum ceev faj tib zoo, tsis txhob cia leejtwg fav xeeb rau tus pojniam uas nws yuav thaum hluas. 16 Ixayees Tus Tswv (יחוח)Yahweh  hais tias, kuv ntxub qhov uas sib nrauj thiab qhov uas ua limhiam ntais ntuj. (יחוח)Yahweh  uas muaj hwjchim loj kawg nkaus hais li no ntag. Vim li no cia li ceev faj tib zoo tsis txhob ua tibneeg fav xeeb.

​

Hnub Uas Teem Txim Los Ze Lawm

17 Nej tej lus ua rau (יחוח)Yahweh  dhuav siab los nej tseem hais tias, peb ua rau nws dhuav siab li cas? Kuj yog tej lus uas nej hais tias, (יחוח)Yahweh  pom tias txhua tus uas ua phem kuj yog tibneeg zoo thiab nws txaus siab rau cov tibneeg ntawd. Thiab nej tseem nug tias,(יחוח)Yahweh  uas ua ncaj nyob qhovtwg?