Cov Thawj Ntaus Tswvyim Txov (יהושע)Yahshua

(Yahchanan Mark 14:1-2;Luke 22:1-2;Yahchanan 11:45-53)

1 Thaum (יהושע)Yahshua hais tej lus no huvsi tag lawm nws txawm hais rau nws cov thwjtim tias,  2 Nej yeej paub lawm tias tshuav ob hnub xwb ces txog lub caij ua kevcai Hla Dhau, mas Neeg Leej Tub yuav raug muab cob rau luag teem rau saum ntoo ntsia tes. 3 Thaum ntawd cov pov thawj hlob thiab cov kev txwj laus tuaj ua ke rau hauv tus tuam pov thawj hlob Khayafa lub tsev,  4 thiab lawv sablaj ntaus tswvyim yuav ntes (יהושע)Yahshua twjywm thiab muab nws tua pov tseg. 5 Lawv hais tias, tsis txhob ntes nws rau lub sijhawm uas ua kevcai no tsam ces muaj kev kub ntxhov rau hauv cov pejxeem.

​

Tus Pojniam Hliv Roj Rau (יהושע)Yahshua Taubhau

(Yahchanan Mark 14:3-9;Yahchanan 12:1-8)

6 Thaum (יהושע)Yahshua nyob hauv Simon uas mob ruas lub tsev hauv lub zos Npethani, 7(יהושע)Yahshua tseem pheeb ntawm rooj mov  txawm muaj ib tug pojniam nqa ib hwj  roj tsw qab muaj nqes heev tuaj cuag (יהושע)Yahshua ces txawm muab hliv rau saum (יהושע)Yahshua taubhau. 8 Thaum cov thwjtim pom li ntawd lawv chim txawm hais tias, Ua cas yuav nkim tej roj no?  9 Cov roj no yog muab muag tau nyiaj ntau coj mus pub rau cov tibneeg pluag kuj tau.

10(יהושע)Yahshua kuj paub ces nws txawm hais rau lawv tias, nej ua rau tus pojniam no ntxhov siab ua abtsi? Nws ua yam uas zoo heev rau kuv. 11 Yeej yuav muaj cov tibneeg pluag nrog nej nyob mus li, tiamsis nej yuav tsis muaj kuv nrog nej nyob mus li. 12 Qhov uas nws hliv roj rau saum kuv lub cev twb yog nws tu kuv lub cev cia rau hnub uas faus kuv.

13 Kuv hais tseeb rau nej tias, tshaj tawm txoj xov zoo no tawm mus thoob ntiajteb txog qhovtwg, qhov uas tus pojniam no ua yuav nrov ncha mus txog qhov ntawd ua lub chaw nco txog nws.

​

Yahdah Fav Xeeb Rau (יהושע)Yahshua

(Yahchanan Mark 14:10-11;Luke 22:3-6)

14 Thaum ntawd kaum ob tug thwjtim tus uas npe hu ua Yahdah Ikhali‑ au txawm mus cuag cov pov thawj hlob,  15 thiab hais tias, yog kuv muab (יהושע)Yahshua cob rau nej, nej yuav muab abtsi rau kuv? Lawv txawm suav peb caug lub nyiaj rau nws. 16 Txij thaum ntawd los Yah-dah nrhiav sijhawm yuav muab (יהושע)Yahshua cob rau lawv.

​

(יהושע)Yahshua Npaj Noj Kevcai Hla Dhau

(Yahchanan Mark14:12-21;Luke 22:7-13,21-23;Yahchanan 13:21-30)

17 Thawj hnub uas ua kevcai Noj Ncuav tsis Xyaw Keeb cov thwjtim los hais rau (יהושע)Yahshua tias, yuav cia peb npaj kevcai Hla Dhau  rau koj noj qhovtwg?  18 Nws hais tias, cia li mus cuag ib tug yawg hauv lub nroog thiab hais rau nws tias, tus xibhwb hais tias, Lub sij-hawm uas teem rau kuv los ze lawm. Kuv yuav nrog kuv cov thwjtim ua kevcai Hla Dhau rau hauv koj lub tsev. 19 Cov thwjtim kuj ua raws li (יהושע)Yahshua hais, lawv txawm mus npaj ua kevcai Hla Dhau txhij zog. 20 Thaum tsaus ntuj (יהושע)Yahshua nrog kaum ob tug thwjtim nyob pheeb ntawm rooj mov ua ke.

21 Thaum lawv tabtom noj, nws txawm hais tias, Kuv hais tseeb rau nej tias, nej cov no muaj ib tug yuav fav xeeb rau kuv. 22 Lawv kuj ntxhov siab heev lawv nyias taus nyias pib nug tias, Tus Tswv, yog kuv lov?  23(יהושע)Yahshua teb tias, tus uas cev nws txhais tes nrog kuv koom ntsw ib lub tias yog tus uas yuav fav xeeb rau kuv.

24 Neeg Leej Tub yuav mus raws li tej uas muaj sau cia hais txog nws, tiamsis tus uas fav xeeb rau Neeg Leej Tub yeej yuav raug txom nyem kawg. Tsis txhob yug nws los kuj zoo dua. 25 Yahdah uas fav xeeb rau (יהושע)Yahshua txawm hais tias, Xibhwb, yog kuv lov? (יהושע)Yahshua teb nws tias, Koj hais yog lawm.

​

(יהושע)Yahshua Rooj Mov

(Yahchanan Mark 14:22-26;Luke 22:14-20;1 Corinthians 11:23-25)

26 Thaum lawv noj mov, (יהושע)Yahshua txawm muab ib lub ncuav los foom koob hmoov rau mas muab ntais cev rau cov thwjtim thiab hais tias, cia li txais mus noj, no yog kuv lub cev. 27 Thiab nws muab ib lub khob los ua Abba (יחוח)Yahweh tsaug tag muab cev rau lawv hais tias, nej txhua tus cia li haus lub khob no. 28 No yog kuv cov ntshav uas nias hom thawj rau tej lus cog tseg, uas raug muab nchuav daws tibneeg coob coob lub txim. 29 Kuv hais rau nej tias kuv yuav tsis haus cawv txiv hmab no dua li mus txog hnub uas kuv nrog nej haus cawv txiv hmab tshiab hauv kuv leej Txiv lub tebchaws. 30 Thaum lawv hu ib zaj nkauj tag lawv tawm mus rau pem roob Txiv Aulib.

​

Kepha Yuav Tsis Lees Paub (יהושע)Yahshua

(Yahchanan Mark 14:27-31;Luke 22:31-34;Yahchanan 13:36-38)

31 Thaum ntawd (יהושע)Yahshua hais rau lawv tias, Hmo no nej txhua tus yuav tso kuv tseg, vim muaj lus sau cia hais tias, Kuv yuav tua tus yug yaj, mas pab yaj yuav tawg ua sab ua sua mus. 32 Tiamsis thaum kuv raug muab tsa ciaj sawv rov los lawm, kuv yuav ua nej ntej mus rau Kalilais. 33 Petus txawm hais rau (יהושע)Yahshua tias, txawm yog lawv sawvdaws tso koj tseg los kuv yuav tsis tso koj tseg kiag li.  34(יהושע)Yahshua hais rau nws tias, Kuv hais tseeb rau koj tias, hmo no ntag thaum qaib tsis tau qua koj yuav tsis lees paub kuv peb zaug. 35 Petus hais rau nws tias, txawm yog kuv yuav tsum nrog koj tuag, los kuv yuav tsis hais tias kuv tsis paub koj. Cov thwjtim sawvdaws puavleej hais li ntawd.

​

(יהושע)Yahshua Thov Abba (יחוח)Yahweh Hauv Kexemanes

(Yahchanan Mark 14:32-42;Luke 22:39-46)

36 Ces (יהושע)Yahshua txawm nrog nws cov thwjtim mus rau ib qho chaw uas hu ua Kexe-manes, mas nws hais rau lawv tias, cia li zaum ntawm no rau thaum kuv mus thov Abba -(יחוח)Yahweh lawm tod. 37 Nws coj Kepha thiab Xenpedis ob tug tub nrog nws mus. (יהושע)Yahshua pib txhawj thiab ntxhov siab kawg. 38(יהושע)Yahshua hais rau lawv tias, Kuv lub siab ntxhov kawg twb yuav tuag. Nej cia li nyob ntawm no thiab nrog kuv zov tos. 39(יהושע)Yahshua txawm mus rau tom ntej mentsis mas nws khwb nkaus rau hauv pem teb thov hais tias, Au kuv leej Txiv, yog ua tau, thov cia lub khob no dhau ntawm kuv mus. Txawm li cas kuj xij, thov tsis txhob cia ua raws li kuv lub siab tiamsis cia ua raws li koj lub siab. 40 Nws rov los rau ntawm cov thwjtim pom lawv pw tsaug zog tag. Nws thiaj hais rau Kepha tias, nej nrog kuv zov tos ib nyuag teev tsis taus li lov?  41 Nej yuav tsum zov tos thiab thov Abba (יחוח)Yahweh xwv nej thiaj tsis raug kev sim siab. Lub siab npaj txhij lawm tiamsis lub cev tsis muaj zog. 42(יהושע)Yahshua txawm rov mus thov Abba (יחוח)Yahweh zaum ob hais tias, Au kuv leej Txiv, yog lub khob no dhau ntawm kuv mus tsis tau, yog kuv yuav tsum haus xwb, mas thov cia ua raws li koj lub siab.

43(יהושע)Yahshua rov los pom lawv pw tsaug zog dua ib zaug vim lawv qheb tsis taus qhov muag. 44 Nws txawm ncaim lawv rov mus thov Abba (יחוח)Yahweh zaum peb ib yam li thov thawj ob zaug. 45 Nws txawm rov los rau ntawm cov thwjtim thiab hais rau lawv tias, nej tseem pw tsaug zog thiab so los siav lov? Lub sijhawm twb los txog lawm, mas Neeg Leej Tub twb raug muab cob rau hauv cov tibneeg txhaum txhais tes lawm. 46 Cia li sawv tsees, peb mus. Saib maj, tus uas fav xeeb rau kuv tuaj ze lawm.

​

Ntes (יהושע)Yahshua

(Yahchanan Mark 14:43-50;Luke 22:47-53;Yahchanan 18:3-12)

47 Thaum (יהושע)Yahshua tseem tabtom hais lus, ces Yahdah uas yog ib tug thwjtim hauv kaum ob leeg ntawd txawm tuaj txog, thiab muaj tibneeg coob coob coj ntaj coj qws nrog nws tuaj, yog cov pov thawj hlob thiab cov kev txwj laus txib tuaj. 48 Tus uas fav xeeb ntawd twb qhia rau lawv ua ntej tias, Kuv nwj tus twg mas yog tus ntawd ntag. Cia li ntes kiag nws. 49 Tamsim ntawd Yahdah txawm los rau ntawm (יהושע)Yahshua thiab hais tias, nyob zoo, xibhwb, thiab nwj (יהושע)Yahshua. 50(יהושע)Yahshua hais rau nws tias, Kwvluag, cia li ua raws li koj xav tseg lawm. Ces cov tibneeg ntawd txawm los ntsiab nkaus (יהושע)Yahshua muab nws ntes.

51 Thaum ntawd muaj ib tug uas nrog nraim (יהושע)Yahshua txawm cev tes rho kiag ntaj los tib ntag tus tuam pov thawj hlob tus tub qhe txiav nws ib sab nplooj ntseg tu nrho.

52(יהושע)Yahshua hais rau nws tias, cia li muab koj rab ntaj ntxig rau hauv lub hnab, vim tias txhua tus uas siv ntaj yeej yuav tuag rau hniav ntaj. 53 Nej xav tias kuv yuav thov kuv leej Txiv tsis tau lov? Mas nws yuav tso tubtxib saum ntuj coob dua kaum ob pab tub rog  los pab kuv tamsim ntawd. 54 Yog ua li ntawd mas tej lus uas hais tias yuav tsum muaj li no, yuav tiav tau li cas?  

55 Thaum ntawd (יהושע)Yahshua hais rau cov tibneeg tias, nej coj ntaj coj qws tuaj ntes kuv ib yam li tawm mus ntes tub sab lov? Kuv niaj hnub zaum hauv lub tuam tsev qhuab qhia, los nej ho tsis ntes kuv.

56 Tiamsis tej xwm txheej no huvsi tshwm los thiaj tiav raws li tej lus uas cov xibhwb cev lus sau cia. Ces cov thwjtim sawvdaws txawm tso (יהושע)Yahshua tseg khiav tag lawm.

​

(יהושע)Yahshua Nyob Ntawm Cov Thawj Lub Rooj Sablaj

(Yahchanan Mark 14:53-65; Luke 22:54-55,63-71;Yahchanan 18:13-14,19-24)

57 Cov uas ntes (יהושע)Yahshua txawm coj nws mus rau ntawm tus tuam pov thawj hlob Khayafas. Cov xibhwb qhia Abba (יחוח)Yahweh kevcai thiab cov kev txwj laus twb tuaj txoos ua ke rau qhov ntawd lawm. 58 Petus raws (יהושע)Yahshua qab deb deb mus txog lub tshav puam ntawm tus tuam pov thawj hlob lub tsev. Nws nkag mus nrog cov tub rog uas zov lub tuam tsev nyob ua ke rau hauv xauj, saib thaum kawg yuav zoo li cas. 59 Cov pov thawj hlob thiab tag nrho cov thawj lub rooj sablaj txawm nrhiav cuav timkhawv nkaug (יהושע)Yahshua xwv thiaj tua tau nws pov tseg.

60 Txawm yog muaj ntau leej los ua cuav timkhawv tom los nrhiav tsis tau keeb puam. Thaum kawg muaj ob leeg los,  

61 thiab hais tias, tus no hais tias, Kuv yuav rhuav Abba (יחוח)Yahweh lub tuam tsev pov tseg mas peb hnub xwb yuav ua tau dua tshiab. 62 Tus tuam pov thawj hlob txawm sawv tsees hais tias, Koj tsis muaj ib lo lus teb lov? Lawv kom koj txog abtsi?  63(יהושע)Yahshua nyob twjywm. Tus tuam pov thawj hlob txawm hais tias, Kuv cia koj tuav Abba (יחוח)Yahweh uas muaj txojsia nyob lub npe twv hais rau peb tias koj yog tus Messiah uas yog Abba (יחוח)Yahweh tus tub los tsis yog.

 64(יהושע)Yahshua hais rau nws tias, yog li koj hais. Tiamsis kuv hais rau nej tias, tom hauv ntej nej yuav pom Neeg Leej Tub zaum ntawm tus uas muaj hwjchim loj kawg sab xis, thiab nrog huab saum ntuj los.

65 Ces tus tuam pov thawj hlob txawm dua rhe nws lub tsho thiab hais tias, nws hais lus tuam mom Abba (יחוח)Yahweh lawm. Peb tseem yuav timkhawv ntxiv li cas thiab? Nej twb hnov nws hais tuam mom Abba (יחוח)Yahweh lawm. 66 Nej pom zoo li cas? Lawv teb tias, tsim nyog muab teem txim tuag.

67 Lawv txawm nto qaub ncaug rau (יהושע)Yahshua ntsej muag thiab ntaus nws thiab muaj qee leej xuas tawg ncuav rau (יהושע)Yahshua, 68 thiab hais tias, tus Messiah, cia li cev Abba (יחוח)Yahweh lus rau peb. Saib leejtwg ntaus koj?

​

Kepha Tsis Lees (יהושע)Yahshua

(Yahchanan Mark 14:66-72;Luke 22:56-62;Yahchanan 18:15-18,25-27)

69 Petus zaum nraum lub tshav puam. Muaj ib tug nkauj qhev los hais rau nws tias, koj twb nrog (יהושע)Yahshua uas yog tibneeg Kalilais ua ke los sas.

40 Tiamsis Kepha tsis lees tab meeg sawvdaws, nws hais tias, qhov uas koj hais kod kuv tsis paub li. 71 Thaum Kepha tawm mus rau ntawm rooj vag muaj dua ib tug nkauj qhev txawm pom nws ces txawm hais rau cov tibneeg uas nyob ib ncig ntawd tias, tus no yeej nrog (יהושע)Yahshua uas yog tibneeg Naxales nyob ua ke.

72 Petus rov tsis lees thiab twv hais tias, kuv yeej tsis paub tus ntawd li. 73 Tom qab ntawd mentsis cov tibneeg uas nyob ib ncig txawm los hais rau Kepha tias, Koj yeej yog lawv cov ntawd ib tug tiag tiag li, rau qhov koj lub suab seebchim yeej qhia rau peb paub lawm.

74 Petus txawm pib twv tsawm tawv tawv hais tias, kuv tsis paub tus ntawd kiag li. Tamsim ntawd qaib txawm qua.

75 Petus thiaj nco dheev txog tej lus uas (יהושע)Yahshua tau hais tias, thaum qaib tsis tau qua koj yuav tsis lees paub kuv peb zaug. Ces Kepha txawm mus rau sab nraud quaj nyuaj siab heev.