Qhov Uas Pub Lwm Tus

1 Nej yuav tsum ceev faj tsis txhob ua nej tej haujlwm uas ncaj ncees tab meeg rau tibneeg pom. Yog nej ua li ntawd nej yuav tsis tau nqe zog ntawm Abba (יחוח)Yahweh. 2 Vim li no, thaum koj pub rau cov tibneeg txom nyem, tsis txhob tshuab raj ua koj ntej ib yam li cov tibneeg ncauj lus zoo siab phem ua rau hauv tej tsev sablaj thiab tom tej kev kom luag qhuas. Kuv qhia tseeb rau nej tias, lawv twb tau lawv li nqe zog lawm. 3 Tiamsis thaum koj pub rau luag, tsis txhob cia koj txhais tes laug paub tias koj txhais tes xis ua abtsi, 4 xwv tej uas koj pub, koj thiaj pub tau twjywm xwb, mas Abba (יחוח)Yahweh uas pom tej uas ua twjywm yuav pub koob hmoov rau koj.

​

Kev Thov Abba (יחוח)Yahweh

(Luke 11:2-4)

5 Thaum nej thov Abba (יחוח)Yahweh, nej tsis txhob ua li cov tibneeg ncauj lus zoo siab phem. Rau qhov lawv nyiam sawv ntsug thov hauv tej tsev sablaj thiab tom tej kev tshuam rau tibneeg pom. Kuv qhia tseeb rau nej tias, lawv twb tau lawv li koob hmoov lawm. 6 Tiamsis thaum koj thov Abba (יחוח)Yahweh, cia li nkag rau hauv txaj thiab kaw rooj txag es thov Abba (יחוח)Yahweh uas tsis muaj leejtwg pom, mas Abba (יחוח)Yahweh uas pom tej uas ua twjywm yuav pub nqe zog rau koj. 7 Thaum nej thov Abba (יחוח)Yahweh, tsis txhob hais rov hais rais tib los qub yam li lwm haiv neeg ua, rau qhov lawv xav tias hais lus ntau ntau dab thiaj mloog. 8 Nej tsis txhob yoog li lawv rau qhov yam uas nej cheem tsum Abba (יחוח)Yahweh twb paub ua ntej uas nej tsis tau thov lawm. 9 Nej yuav tsum thov raws li no. Peb Abba (יחוח)Yahweh uas nyob saum ntuj, thov sawvdaws hwm koj lub npe kom dawb huv. 10 Thov cia koj lub tebchaws los. Thov cia muaj raws li koj lub siab nyiam rau hauv ntiajteb ib yam li muaj hauv lub nroog Yeluxalees. 11 Thov pub tej zaub mov uas peb niaj hnub noj rau peb hnub no.

12 Thov koj daws peb lub txim ib yam li peb zam cov uas ua txhaum rau peb.

13 Thov tsis txhob coj peb mus raug kev sim siab, thov cawm peb dim tej kev phem. 14 Yog nej zam luag tej kev txhaum, Abba (יחוח)Yahweh yuav zam nej tej kev txhaum thiab. 15 Tiamsis yog nej tsis zam luag tej kev txhaum, Abba

(יחוח)Yahweh yuav tsis zam nej tej kev txhaum thiab.

​

Kev Yoo Mov

16 Thaum nej yoo mov, tsis txhob ua ntsej muag mluas mlob yam li cov tibneeg ncauj lus zoo siab phem, vim lawv ua lawv ntsej muag mluas mlob kom luag thiaj pom tias lawv yoo mov. Kuv qhia tseeb rau nej tias, lawv twb tau lawv li koob hmoov lawm. 17 Tiamsis thaum koj yoo mov, koj yuav tsum muab roj ntaus taubhau thiab ntxuav muag, 18 kom luag thiaj tsis pom tias koj yoo mov, tiamsis Abba (יחוח)Yahweh ib leeg thiaj li pom xwb, mas Abba (יחוח)Yahweh yuav foom koob hmoov rau koj.

​

Nyiaj Txiag Saum Ntuj

(Luke 12:33-34)

19 Tsis txhob khaws nyiaj txiag cia rau nej hauv ntiajteb, qhov ntawd muaj kab ntsaum thiab xeb noj thiab tub sab tho qhov tsev mus nyiag. 20 Tiamsis nej yuav tsum khaws nyiaj txiag cia rau nej saum lub nroog Yeluxalees, qhov ntawd kab ntsaum thiab xeb tsis noj thiab tub sab tsis tho qhov tsev mus nyiag. 21 Rau qhov koj tej nyiaj txiag nyob qhovtwg, koj lub siab yeej nyob qhov ntawd.

​

Lub Teeb

(Luke 11:34-36)

22 Lub qhov muag yog lub teeb rau lub cev. Yog tias koj lub qhov muag nyob zoo, tag nrho koj lub cev kuj kaj lug.

23 Yog koj lub qhov muag tsis zoo, tag nrho koj lub cev yuav tsaus ntuj nti. Yog tias qhov kaj hauv koj tsaus nti lawm, mas yog tsaus ntuj nti kawg li lauj!

​

Abba (יחוח)Yahweh Thiab Nyiaj Txiag

(Luke 16:13,12:22-31)

24 Tsis muaj leejtwg yuav ua qhev tau rau ob tug lospav, rau qhov nws yeej yuav ntxub ib tug nyiam ib tug, lossis yuav npuab ib tug saib tsis taus ib tug. Nej yuav ua Abba (יחוח)Yahweh li qhev thiab ua nyiaj txiag li qhev ua ke tsis tau.

25 Vim li no kuv hais rau nej tias, tsis txhob txhawj txog nej txojsia tias yuav muab abtsi los noj muab abtsi los haus, thiab tsis txhob txhawj txog nej lub cev tias yuav muab abtsi los hnav. Txojsia tseem ceeb dua mov noj thiab lub cev tseem ceeb dua tej tsoos tsho los tsis yog? 26 Cia li saib tej nas noog saum nruab ntug, twb tsis tseb tsis hlais tsis sau los cia rau hauv txhab los Abba (יחוח)Yahweh tseem yug tej nas noog ntawd. Nej tsis tsim txiaj dua tej nas noog lov?

27 Nej cov muaj leejtwg txojkev txhawj yuav txuas tau nws txojsia ntev ib tshim ntxiv?

28 Thiab nej txhawj txog tej tsoos tsho hnav ua abtsi? Cia li tshuaj saib tej paj lilij tom teb saib tuaj hlob li cas, twb tsis ua haujlwm thiab tsis ntos ntaub.

29 Tiamsis kuv hais rau nej tias, txawm yog Xalaumoos hnav nws tej tsoos meej mom huvsi los twb zoo tsis cuag ib lub nyuag paj ntawd. 30 Tej nroj tsuag hauv teb uas nyob hnub no xwb, tagkis twb yuav muab pov rau hauv cub hluavtaws, yog Abba (יחוח)Yahweh twb pub rau hnav li ntawd, nej cov uas kev ntseeg yau es, nws yimhuab yuav pub rau nej hnav los tsis yog? 31 Yog li ntawd, tsis txhob txhawj hais tias, yuav muab abtsi noj? lossis Yuav muab abtsi haus? lossis Yuav muab abtsi hnav? 32 Rau qhov lwm haiv neeg yeej nrhiav tej no huvsi. Abba (יחוח)Yahweh yeej paub lawm tias nej cheem tsum tej no huvsi. 33 Tiamsis nej yuav tsum xub nrhiav Abba (יחוח)Yahweh lub tebchaws thiab nws txojkev ncaj ncees ua ntej, mas yuav muab tej no huvsi tsav ntxiv rau nej. 34 Vim li no tsis txhob txhawj txog tagkis rau qhov tagkis yeej muaj kev txhawj rau tagkis lawm. Txhua hnub li kev ceeblaj kuj txaus txhua hnub lawm.