Tibneeg Tej Kev Phem Kev Qias

1 Thaum tibneeg huaj vam coob rau hauv lub ntiajteb thiab muaj ntxhais,  

2 mas (יחוח)Yahweh cov tub pom tias tib­neeg tej

ntxhais zoo nkauj heev, lawv txawm tuaj yuav cov uas lawv nyiam ua pojniam.

3 (יחוח)Yahweh thiaj hais tias, kuv tus ntsuj plig yuav tsis nyob hauv tibneeg mus ib txhis. Rau qhov tibneeg yog nqaij tawv, lawv hnub nyoog yuav nyob ib puas nees nkaum xyoo xwb. 

4 Thaum ntawd thiab yav tom qab, muaj cov tibneeg Nefilis nyob hauv lub ntiajteb, yog thaum (יחוח)Yahweh cov tub nrog tibneeg tej ntxhais pw, es yug tau menyuam. Cov Nefilis ntawd yog cov tibneeg siab loj siab tuab, thiab muaj koob meej thaum ub.

5 (יחוח)Yahweh pom tias, tibneeg tej kev phem loj kawg rau hauv lub ntiajteb, thiab pom tias, lawv tsuas yog pheej xav qhov phem rau hauv lub siab tas li xwb. 

6 (יחוח)Yahweh khuvxim qhov uas nws tau tsim tibneeg rau hauv lub ntiajteb, thiab nws tu siab heev.

7 (יחוח)Yahweh thiaj hais tias, kuv yuav muab cov tib­neeg uas kuv tau tsim los lawm, ntxuav pov tseg hauv lub ntiajteb, tsis hais tib­neeg, thiab tsiaj txhu, thiab tej tsiaj uas nkag hauv av, thiab tej nas noog saum nruab ntug huvsi, rau qhov kuv tu siab qhov uas kuv tau tsim lawv los. 

8 Tiamsis Nau‑as yog tus uas (יחוח)Yahweh txaus siab rau.

​

Nau‑as Ua Lub Nkoj

9 Ntawm no mus yog Nau‑as caj ces. Nau‑as yog tus uas ncaj ncees thiab hauv nws tiam neej, nws tib leeg ua zoo. Nau‑as nrog nraim (יחוח)Yahweh. 

10 Nau‑as muaj peb tug tub, Xeeb, Has thiab Yafes. 

11 (יחוח)Yahweh pom tias, tag nrho lub ntiajteb phem tag huvsi, thiab ua lim hiam, ntais ntuj puv nkaus ntiajteb. 

12 (יחוח)Yahweh saib ntsoov lub ntiajteb mas pom tias phem kawg li, vim yog ib tsoom tibneeg ua lawv lub neej phem tag rau hauv lub ntiajteb.

13 (יחוח)Yahweh thiaj hais rau Nau‑as tias, kuv txiav txim siab lawm tias, kuv yuav ua rau tej tibneeg puam tsuaj tag huvsi, vim yog muaj kev lim hiam ntais ntuj puv nkaus lub ntiajteb, vim yog tim tibneeg. Saib maj, kuv yuav ua kom lawv thiab lub ntiajteb puam tsuaj ua ke. 

14 Koj cia li muab ntoo thuv kaufaws ua ib lub nkoj. Thiab muab kem ua tej chav, thiab muab roj ntoo luam sab hauv, sab nraud huvsi. 

15 Koj ua lub nkoj raws li no, yog ntev peb puas tshim, dav tsib caug tshim, siab peb caug tshim. 

16 Tseg kiag ib kab saum lub npoo nkoj siab li ib tshim, ua lub qhov rooj nkoj rau ib sab, thiab ua peb txheej, ua txheej ib, txheej ob, txheej peb. 

17 Rau qhov kuv yuav tso dej los nyab lub ntiajteb, yuav ua kom txhua yam uas ciaj sia, ua pa, puam tsuaj tag nrho huvsi hauv lub qab ntuj. Txhua yam uas nyob hauv lub ntiajteb, yuav tuag tag huvsi. 

18 Tiamsis kuv yuav cog lus ruaj rau koj. Koj thiab koj pojniam, koj tej tub, tej nyab, huvsi yuav nkag rau hauv lub nkoj. 

19 Coj txhua yam uas muaj txojsia, ib yam ib nkawg, ib tug maum, ib tug txiv, nkag rau hauv lub nkoj, kom thiaj dim txojsia nrog koj nyob. 

20 Txhua yam noog raws li nws yam, thiab txhua yam tsiaj raws li nws yam, thiab txhua yam tsiaj uas nkag hauv av, raws li nws yam, ib yam ib nkawg, yuav los cuag koj kom thiaj dim txojsia. 

21 Koj yuav sau qoob loo, mov noj txhua yam, khaws cia rau koj, thiab rau tej tsiaj txhu nas noog noj. 

22 Nau‑as ua txhua yam raws li (יחוח)Yahweh kom nws ua.