Adas Caj Ces

(Xwmtxheej Taug Kev 1:1-4)

1 Ntawm no mus yog hais txog Adas caj ces. Thaum (יחוח)Yahweh tsim tibneeg, nws tsim raws li (יחוח)Yahweh tus yam ntxwv. 

2 Nws tsim kom muaj txivneej thiab pojniam, thiab foom koob hmoov rau lawv, thiab nws tis npe hu ua tibneeg rau hnub uas nws tsim lawv. 

3 Thaum Adas muaj ib puas peb caug xyoo, nws muaj ib tug tub zoo li nws, thiab raws li nws tus yam ntxwv, thiab tis npe hu ua Xej. 

4 Thaum Adas muaj tus tub Xej lawm, nws nyob tau yim pua xyoo ntxiv, mas nws tseem muaj tub muaj ntxhais ntxiv.

5 Adas li hnub nyoog huvsi muaj cuaj pua peb caug xyoo nws li tuag. 

6 Xej hnub nyoog muaj ib puas tsib xyoo li muaj tus tub Enaus.  

7 Thaum Xej muaj tus tub Enaus lawm, nws tseem nyob tau yim pua xya xyoo, thiab muaj tub muaj ntxhais ntxiv. 

8 Xej li hnub nyoog huvsi muaj cuaj pua kaum ob xyoos nws li tuag. 

9 Enaus hnub nyoog muaj cuaj caum xyoo li muaj tus tub Khenas. 

10 Thaum Enaus muaj tus tub Khenas lawm, nws tseem nyob tau yim pua kaum tsib xyoos, thiab muaj tub muaj ntxhais ntxiv. 

11 Enaus li hnub nyoog huvsi muaj cuaj pua tsib xyoo nws li tuag.

12 Khenas hnub nyoog muaj xya caum xyoo li muaj tus tub Mahalalees. 

13 Thaum Khenas muaj tus tub Mahalalees lawm, nws tseem nyob tau yim pua plaub caug xyoo, thiab muaj tub muaj ntxhais ntxiv.

14 Khenas li hnub nyoog huvsi muaj cuaj pua kaum xyoo nws li tuag.

15 Mahalalees hnub nyoog muaj rau caum tsib xyoos li muaj tus tub Yales.  

16 Thaum Mahalalees muaj tus tub Yales lawm, nws tseem nyob tau yim pua peb caug xyoo, thiab muaj tub muaj ntxhais ntxiv.

17 Mahalalees li hnub nyoog huvsi muaj yim pua cuaj caum tsib xyoos nws li tuag.

18 Yales hnub nyoog muaj ib puas rau caum ob xyoos li muaj tus tub Enauj.

19 Thaum Yales muaj tus tub Enauj lawm, nws tseem nyob tau yim pua xyoo, thiab muaj tub muaj ntxhais ntxiv.

20 Yales li hnub nyoog huvsi muaj cuaj pua rau caum ob xyoos nws li tuag.

21 Enauj hnub nyoog muaj rau caum tsib xyoos li muaj tus tub Methuxelas. 

22 Thaum Enauj muaj tus tub Methuxelas lawm, nws tseem nrog nraim (יחוח)Yahweh tau peb puas xyoo, thiab muaj tub muaj ntxhais ntxiv.

23 Enauj li hnub nyoog huvsi muaj peb puas rau caum tsib xyoos. 

24 Enauj nrog nraim (יחוח)Yahweh mas cia li ploj ntais lawm, rau qhov yog (יחוח)Yahweh coj nws mus lawm. 

25 Methuxelas hnub nyoog muaj ib puas yim caum xya xyoo li muaj tus tub Lames. 

26 Thaum Methuxelas muaj tus tub Lames lawm, nws tseem nyob tau xya pua yim caum ob xyoos, thiab muaj tub muaj ntxhais ntxiv. 

27 Methuxelas li hnub nyoog huvsi muaj cuaj pua rau caum cuaj xyoos nws li tuag. 

28 Lames hnub nyoog muaj ib puas yim caum ob xyoos li muaj ib tug tub.  

29 Nws tis tus tub npe hu ua Nau‑as thiab nws hais tias, tus no yuav coj txojkev tau so ntawm peb tej haujlwm, thiab tau so ntawm tej uas peb txhais tes ua khwv khwv li hauv cov av uas raug (יחוח)Yahweh foom tsis zoo lawm.

30 Thaum Lames muaj tus tub Nau‑as lawm, nws tseem nyob tau tsib puas cuaj caum tsib xyoos, thiab muaj tub muaj ntxhais ntxiv.

31 Lames li hnub nyoog huvsi muaj xya pua xya caum xya xyoo nws li tuag. 

32 Nau‑as hnub nyoog muaj tsib puas xyoo li muaj peb tug tub hu ua Xeeb thiab Has thiab Yafes.