Tej Tswvyim Uas Tus Ntsuj Plig Dawbhuv Pub

1 Cov kwvtij, kuv xav kom nej nkag siab txog tej tswvyim uas Tus Ntsuj Plig Dawbhuv pub. 2 Nej yeej paub tias thaum nej tsis tau los ntseeg, nej raug cab yuam kev mus pe tej dab mlom uas tsis txawj hais lus.

3 Vim li no, kuv thiaj qhia nej paub tias, tsis muaj leejtwg uas yuav hais hauv Abba (יחוח)Yahweh tus Ntsuj Plig tias, cia (יהושע)Yahshua raug foom tsis zoo. Thiab tsis muaj leej-twg hais tau tias, (יהושע)Yahshua yog tus Cawmseej, tsuas yog Tus Ntsuj Plig Dawb-huv qhia thiaj hais tau xwb. 4 Tej tswvyim uas Tus Ntsuj Plig Dawbhuv pub, muaj ntau yam, tiamsis muaj tib Tug Ntsuj Plig Dawbhuv xwb, 5 thiab tej haujlwm uas ua koom tu Abba (יחוח)Yahweh muaj ntau yam, tiamsis muaj tib tug (יהושע)Yahshua Messiah xwb, 6 thiab tej haujlwm muaj ntau yam, tiamsis muaj tib tug Abba (יחוח)Yahweh ua kom txhua tus ua tau txhua yam haujlwm xwb. 7 Abba (יחוח)Yahweh pub Tus Ntsuj Plig Dawbhuv los tshwm rau hauv txhua tus xwv thiaj muaj nuj nqis rau sawvdaws. 8 Abba (יחוח)Yahweh kom Tus Ntsuj Plig Dawbhuv pub ib tug txawj hais tej lus muaj tswvyim, thiab kom tib Tug Ntsuj Plig Dawb-huv ntawd, pub dua ib tug hais tej lus txawj ntse, 9 thiab kom tib Tug Ntsuj Plig Dawbhuv ntawd, pub dua ib tug, muaj kev ntseeg, thiab kom tib Tug Ntsuj Plig Dawbhuv ntawd, pub dua ib tug, muaj tswvyim kho tau mob, 10 thiab pub dua ib tug, ua tau tej txujci phimhwj, thiab pub dua ib tug, cev Abba (יחוח)Yahweh lus, thiab dua ib tug, txawj tshuaj saib tej ntsuj plig, thiab pub dua ib tug, txawj hais lus txawv txawv, thiab dua ib tug, txawj txhais tej lus txawv txawv ntawd. 11 Tib Tug Ntsuj Plig Dawbhuv ua tej no huvsi rau nyias muaj nyias raws li Tus Ntsuj Plig Dawbhuv lub siab nyiam.

 

Lub Cev Muaj Ntau Yam Koom Ua Ke

12 Zoo ib yam li lub cev, yog tib lub xwb tiamsis muaj ntau yam nyob hauv sib koom ua ke, thiab txhua yam ntawm lub cev ntawd, txawm yog muaj ntau yam lus, los tseem koom ua tib lub cev xwb, (יהושע)Yahshua Messiah kuj zoo ib yam li ntawd. 13 Vim tias peb sawvdaws tsis hais cov Yahdaim, cov Greek, cov uas ua qhev, thiab cov uas nyob ywj pheej, peb puavleej tau ua kevcai raus dej hauv tib Tug Ntsuj Plig Dawbhuv los koom ua ib lub cev, thiab muaj tib Tug Ntsuj Plig Dawbhuv pub rau peb haus. 14 Lub cev tsis yog muaj tib yam xwb, tiamsis muaj ntau yam. 15 Yog kotaw hais tias, Kuv tsis yog tes ces kuv tsis koom lub cev, vim qhov uas hais li no kotaw txawm tsis koom lub cev los yeej tsis tau li. 16 Yog qhov ntsej hais tias, Kuv tsis yog qhov muag ces kuv tsis koom lub cev, vim qhov uas hais li no, qhov ntsej txawm tsis koom lub cev los yeej tsis tau li. 17 Yog lub cev huvsi ua qhov muag tag lawm, qhov uas hnov tau yuav nyob qhovtwg? Yog lub cev huvsi ua qhov ntsej, qhov uas hnov ntxhiab yuav nyob qhovtwg? 18 Tiamsis Abba (יחוח)Yahweh pub txhua yam rau lub cev nyias nyob nyias chaw raws li Abba (יחוח)Yahweh lub siab nyiam. 19 Yog txhua yam ntawm lub cev ua tib yam xwb, lub cev yuav muaj tau li cas? 

20 Qhov tseeb muaj ntau yam ntawm lub cev tiamsis yeej yog tib lub cev xwb. 21 Lub qhov muag hais tsis tau rau txhais tes tias, Kuv tsis yuav koj, lossis lub taubhau hais tsis tau rau txhais kotaw tias, Kuv tsis yuav koj.

22 Tsis yog li ntawd, tiamsis tej yam ntawm lub cev uas xav tias tsis muaj zog, tseem yog yam uas muaj zog tshaj, 23 thiab tej yam uas peb xav tias tsis tseem ceeb pes tsawg, peb yimhuab ua kom tseem ceeb tuaj, thiab yam uas tsis zoo nkauj, peb ua tib zoo tu, 24 mas yam uas ua tib zoo saib lawm, tsis tas yuav tu li. Tiamsis Abba (יחוח)Yahweh pub lub cev muaj txhua yam koom ua ke thiab pub koob meej ntau dua rau yam uas tsis tseem ceeb, 25 kom thiaj tsis pub lub cev sib faib, tiamsis txhua yam ntawm lub cev, ib yam yuav mob siab rau ib yam. 26 Yog lub cev ib qho twg mob, txhua yam ntawm lub cev, kuj mob thiab. Yog lub cev ib qho twg tau koob meej, txhua yam ntawm lub cev, kuj zoo siab xyiv fab. 27 Nej yog (יהושע)Yahshua Mes-siah lub cev, thiab nej txhua tus ib leeg yog ib yam ntawm lub cev.

28 Abba (יחוח)Yahweh tsa qee leej rau hauv pawg ntseeg, pab ib yog cov tubtxib, pab ob yog cov uas cev Abba (יחוח)Yahweh lus, pab peb yog cov xibhwb qhuab qhia, dua li ntawd yog cov uas ua tau txujci phimhwj, thiab cov uas Abba (יחוח)Yahweh pub tswvyim txawj kho mob, thiab cov uas pab lwm tus, cov uas txawj coj, thiab cov uas hais tau ntau yam lus txawv txawv. 29 Txhua tus ua tubtxib lov? Txhua tus cev Abba (יחוח)Yahweh lus lov? Txhua tus ua xibhwb qhuab qhia lov? Txhua tus ua tau txujci phimhwj lov? 30 Txhua tus muaj tswvyim kho mob zoo lov? Txhua tus hais tau lus txawv txawv lov? Txhua tus txhais tau tej lus txawv txawv lov? 31 Nej yuav tsum siv zog nrhiav tej tswvyim uas loj dua. Thiab kuv yuav qhia nej paub txojkev uas zoo tshaj plaws.

​