1 CORINTHIANS 11

1 Nej cia li yoog raws li kuv, ib yam li kuv yoog raws li (יהושע)Yahshua Messiah.

Kev Pe Hawm Abba (יחוח)Yahweh

2 Kuv qhuas nej, vim nej nco txog kuv rau txhua yam thiab nej tuav rawv tej lus qhia raws li uas kuv muab cob rau nej. 3 Kuv xav kom nej nkag siab tias, (יהושע)Yahshua Messiah yog txhua tus txivneej lub taubhau, tus txiv yog tus pojniam lub taubhau thiab Abba (יחוח)Yahweh yog (יהושע)Yahshua Messiah lub taubhau. 4 Txhua tus txivneej, uas thov Abba (יחוח)Yahweh lossis cev Abba (יחוח)Yahweh lus, yog nws ntoo phuam, kuj yog saib tsis taus nws lub taubhau, 

5 tiamsis txhua tus pojniam uas thov Abba (יחוח)Yahweh lossis cev Abba (יחוח)Yahweh lus, yog nws tsis kauv taubhau, kuj yog saib tsis taus nws lub taubhau, ib yam li nws plaubhau raug muab chais tag lawm. 6 Yog tus pojniam tsis kauv taubhau, tsim nyog muab nws cov plaubhau txiav, tiamsis yog qhov uas txiav plaubhau lossis chais plaubhau ntawd, ua rau tus pojniam poob ntsej muag, kuj cia nws kauv taubhau.

7 Tus txivneej tsis tsim nyog ntoo phuam rau qhov nws yog Abba (יחוח)Yahweh tus yam ntxwv thiab yog Abba (יחוח)Yahweh lub meej mom, tiamsis tus pojniam yog tus txiv lub meej mom. 8 Rau qhov tsis yog tsim txiv-neej ntawm pojniam los, tiamsis tsim pojniam ntawm txivneej los, 9 thiab tsis yog tsim txivneej rau pojniam tiamsis tsim pojniam rau txivneej. 10 Vim li no, pojniam yuav tsum kauv taubhau thiaj muaj cai thov, vim yog saib rau cov tubtxib saum ntuj.

11 Txawm li cas los xij, nyob hauv Abba (יחוח)Yahweh yog tsis muaj txivneej, kuj tsis txawj muaj pojniam, yog tsis muaj pojniam, kuj tsis txawj muaj txivneej, 12 vim tias ib yam li pojniam tsim ntawm txivneej los, txivneej kuj yug ntawm pojniam los ib yam nkaus. Tiamsis txhua yam puavleej los ntawm Abba (יחוח)Yahweh los. 13 Nej cia li sim xav saib qhov uas pojniam tsis kauv taubhau rau thaum thov Abba (יחוח)Yahweh tsim nyog lov? 14 Raws li ib txwm, nej yeej paub tias yog txivneej tseg plaubhau ntev, kuj yog nws raug txaj muag los tsis yog? 15 Tiamsis yog pojniam tseg plaubhau ntev, kuj yog meej mom rau nws los tsis yog? Rau qhov cov plaubhau yog pub rau nws npog taubhau. 16 Yog leejtwg yuav cav, mas peb thiab Abba (יחוח)Yahweh cov pawg ntseeg, tsis muaj dua lwm txoj kevcai dhau tej uas hais no.

​

Noj (יהושע)Yahshua Rooj Mov

(Mth. 26:26-29; Ych. Mk. 14:22-25; Lk. 22:14-20)

17 Tej lus nkaw no, kuv yuav qhuas nej tsis tau, rau qhov thaum nej tuaj txoos ua ke, tsis yog tuaj ua tau qhov zoo, tiamsis yog tuaj ua tau qhov phem. 18 Thawj qhov, kuv hnov tias thaum nej tuaj txoos ua ke rau hauv pawg ntseeg, nej tawg ua pab ua pawg. Kuv ntseeg tias muaj tseeb ib txhia, 19 vim yeej yuav tsum muaj kev sib faib hauv nej li ntawd, kom thiaj pom nej cov uas ua raug cai tshwm tuaj. 20 Thaum nej tuaj txoos ua ke tsis yog tuaj noj Abba (יחוח)Yahweh rooj mov.

21 Vim tias thaum noj mov ntawd, nyias taus nyias noj tsis sib tos, muaj ib txhia tseem tshaib ib txhia twb haus tsau lawm. 22 Nej tsis muaj vag tsis muaj tse noj haus lov? Lossis nej saib tsis taus Abba (יחוח)Yahweh pawg ntseeg thiab ua rau cov uas tsis muaj abtsi noj txaj muag lov? Kuv yuav hais li cas rau nej? Kuv yuav qhuas nej txog zaj no lov? Kuv yuav tsis qhuas kiag li. 23 Tej uas kuv muab cob rau nej lawm, kuv tau txais ntawm Abba (יחוח)Yahweh los, yog hmo uas luag fav xeeb rau tus Cawmseej (יהושע)Yahshua, nws muab lub ncuav los. 24 Thaum nws ua Abba (יחוח)Yahweh tsaug tag lawm, nws txawm muab ntais thiab hais tias, no yog kuv lub cev uas muab pub rau nej. Cia li ua li no, thiaj nco ntsoov kuv. 25 Thaum noj hmo tag lawd, nws txawm muab lub khob los ua ib yam nkaus thiab hais tias, Lub khob no, yog lo lus cog tseg tshiab hauv kuv cov ntshav. Thaum twg nej haus lub khob no, nej yuav tsum haus ua lub chaw nco ntsoov kuv. 26 Vim tias thaum twg nej noj cov ncuav no, thiab haus lub khob no, nej kuj qhia (יהושע)Yahshua txojkev tuag mus txog tha-um nws rov qab los.

27 Yog li ntawd, yog leejtwg lam noj lub ncuav lossis lam haus (יהושע)Yahshua lub khob, ua yam uas tsis tsim nyog, nws kuj ua txhaum (יהושע)Yahshua lub cev thiab nws cov ntshav. 28 Txhua tus yuav tsum tshuaj saib nws tus kheej mam li noj lub ncuav thiab haus lub khob. 29 Rau qhov tus uas noj thiab haus tsis xav txog (יהושע)Yahshua lub cev, kuj noj thiab haus ua rau nws tus kheej raug txim. 30 Vim li no, nej cov muaj coob leej thiaj li qaug zog thiab muaj mob muaj nkeeg, thiab qee leej kuj tuag lawm. 31 Tiamsis yog peb tshuaj saib peb tus kheej, peb yuav tsis raug txiav txim.

32 Thaum Abba (יחוח)Yahweh txiav txim rau peb, kuj yog Abba (יחוח)Yahweh nplawm peb kom peb thiaj tsis nrog lub ntiajteb raug txim.

33 Vim li no, kuv cov kwvtij, thaum nej tuaj txoos ua ke noj mov ntawd, nej yuav tsum sib tos. 34 Yog leejtwg tshaib plab, cia nws noj mov hauv nws tsev ua ntej xwv thaum tuaj txoos ua ke, nej thiaj tsis raug rau txim. Dua li lwm zaj cia thaum kuv tuaj txog nej, kuv li qhia.

​