Tsis Txhob Pe Dab Mlom

1 Cov kwvtij, kuv xav kom nej nco ntsoov hais tias thaum peb tej pojkoob yawgkoob nrog Mauxes mus hauv teb chaws moj sab qhua, muaj ib tauv huab roos lawv thiab lawv puavleej hla dhau hiavtxwv Liab mus huv tibsi. 2 Qhov uas lawv nyob hauv tauv huab qab thiab mus hauv hiavtxwv, qhia hais tias, lawv yog Mauxes cov thwjtim. 3 Thiab lawv txhua tus puavleej tau noj cov mov uas Abba (יחוח)Yahweh pub saum ntuj los, 4 thiab lawv puavleej tau haus cov dej uas Abba (יחוח)Yahweh kom txhawv hauv lub pobzeb los. (יהושע)Yahshua Messiah yog lub pobzeb uas niaj hnub nrog lawv ua ke.

5 Txawm yog li ntawd los muaj ntau leej ua tsis haum Abba (יחוח)Yahweh siab, Abba (יחוח)Yahweh thiaj ua rau lawv tuag pawglug hauv teb chaws moj sab qhua. 6 Tej xwm txheej no yog ua yam ntxwv qhia rau peb kom peb tsis txhob ntshaw tej yam phem ib yam li lawv cov ntawd. 7 Nej tsis txhob pe dab peb mlom ib yam li lawv qee leej pe, raws li muaj lus sau cia hais tias, cov pejxeem kuj zaum noj haus thiab sawv dhia ua lomzem.(Khiavdim 32:6)

8 Peb tsis txhob ua nkauj ua nraug ib yam li lawv qee leej ua, mas tib hnub xwb, lawv tuag tag nrho nees nkaum peb txhiab leej. 9 Peb tsis txhob sim Abba (יחוח)Yahweh ib yam li lawv qee leej tau sim, es raug nab tom puam tsuaj.

10 Peb tsis txhob yws ib yam li lawv qee leej tau yws, es raug tus uas ua kom puam tsuaj muab tua pov tseg. 11 Tej xwm txheej no tshwm los raug lawv, ua lub chaw qhia thiab muab sau cia ntuas peb cov uas nyob ze lub sijhawm kawg.

12 Vim li no, tus uas xav tias nws nyob ruaj khov lawm, yuav tsum ceev faj tsam nws ntog. 13 Tsis muaj ib yam kev sim siab twg yuav tshwm los raug nej dhau tej uas txeev tshwm los raug ib tsoom tibneeg lawd. Abba (יחוח)Yahweh yog tus uas peb tso siab tau, mas nws yuav tsis cia nej raug kev sim siab dhau li uas nej thev tsis taus, tiamsis thaum raug kev sim siab, nws yuav qheb kev rau nej dim kom nej thiaj li thev taus. 14 Yog li no, cov uas kuv hlub, nej cia li khiav ntawm qhov uas pe dab pe mlom. 15 Kuv hais rau nej yam li hais rau cov tibneeg uas muaj tswvyim. Nej cia li tshuaj saib tej lus uas kuv hais. 16 Lub khob koob hmoov, uas peb thov koob hmoov ntawd, ua rau peb koom (יהושע)Yahshua Messiah cov ntshav los tsis yog? Lub ncuav uas peb muab ntais ntawd, ua rau peb koom (יהושע)Yahshua Messiah lub cev los tsis yog? 17 Muaj tib lub ncuav xwb, mas peb txawm muaj coob leej los peb koom ib lub cev xwb, vim peb txhua tus noj tib lub ncuav ntawd. 18 Cia li tshuaj saib cov Ixayees lub neej. Cov uas noj tej uas muab xyeem rau Abba (יחוח)Yahweh, kuj koom lub thaj xyeem ntawd, los tsis yog? 19 Yog li ntawd, kuv hais li cas? Tej uas muab xyeem rau dab mlom yog yam tseem ceeb lov? Lossis tej dab mlom ntawd tseem ceeb lov? 20 Tsis yog li ntawd, kuv tsuas hais tias, tej uas lawv muab xyeem ntawd, lawv xyeem rau dab xwb, tsis yog xyeem rau Abba (יחוח)Yahweh. Kuv tsis xav kom nej koom dab. 21 Nej yuav haus Abba (יחוח)Yahweh lub khob thiab dab lub khob tsis tau. Nej yuav noj Abba (יחוח)Yahweh rooj mov thiab dab rooj mov kuj tsis tau.

22 Peb yuav zes ua rau Abba (יחוח)Yahweh khib lov? Peb muaj zog heev dua nws lov?

Ua Rau Abba (יחוח)Yahweh Tau Koob Meej

23 Peb muaj cai ua txhua yam, tiamsis tsis yog txhua yam yuav muaj nuj nqis. Peb muaj cai ua txhua yam, tiamsis tsis yog txhua yam tsim tsa kom nyob ruaj. 24 Tsis txhob cia leejtwg xam pom nws tus kheej, yuav tsum xam pom lwm tus. 25 Txhua yam nqaij uas muag tom khw cia li noj, tsis txhob nug abtsi raws li nej lub siab ua xyem xyav. 26 Rau qhov Lub ntiajteb thiab txhua yam uas nyob hauv yog Abba (יחוח)Yahweh li. (Ntawv Nkauj 24:1)

27 Yog ib tug uas tsis ntseeg, hu nej mus noj mov thiab nej muaj lub siab mus, mas cia li noj txhua yam uas lawv rau rau nej, tsis txhob nug abtsi raws li nej lub siab ua xyem xyav.

28 Tiamsis yog leejtwg hais rau nej tias, yam no twb muab xyeem rau dab lawm, nej yuav tsum saib rau tus uas hais rau nej ntawd, es tsis txhob noj, thiab saib rau lub siab uas paub qhov zoo qhov phem, 29 kuv tsis yog hais txog nej lub siab tiamsis hais txog tus ntawd, lub siab. Ua li cas lwm tus lub siab uas paub qhov zoo qhov phem yuav txiav txim rau qhov uas kuv tau nyob ywj pheej? 30 Yog kuv ua Abba (יחוח)Yahweh tsaug li noj, ua li cas kuv yuav raug luag thuam, vim tim tej uas kuv twb ua Abba (יחוח)Yahweh tsaug lawd? 31 Vim li no, nej yuav noj yuav haus lossis yuav ua ib yam abtsi, cia li ua txhua yam rau Abba (יחוח)Yahweh tau koob meej. 32 Tsis txhob ua rau cov Yahdaim lossis cov Greek lossis Abba (יחוח)Yahweh pawg ntseeg dawm yuam kev. 33 Yuav tsum ua ib yam li kuv, uas ua txhua yam ua kom haum sawvdaws siab, tsis yog kuv xav nrhiav yam zoo rau kuv tus kheej xwb, tiamsis kuv nrhiav yam zoo rau txhua tus huv tibsi, kom lawv thiaj dim.

​