Cov Tubtxib Muaj Cai

1 Kuv tsis nyob ywj pheej lov? Kuv tsis yog tubtxib lov? Kuv tsis tau pom (יהושע)Yahshua Messiah uas yog peb tus Cawmseej lov? Nej tsis yog tes haujlwm uas kuv ua rau Abba (יחוח)Yahweh lov? 2 Yog lwm tus tsis pom tias kuv yog tubtxib los nej kuj pom, rau qhov nej yog lub hom thawj uas nias rau qhov uas kuv ua Abba (יחוח)Yahweh tus tubtxib.

3 Yog leejtwg tshuaj saib kuv, kuv yuav hais daws kuv zaj li no. 4 Kuv tsis muaj cai noj thiab haus lov? 

5 Kuv tsis muaj cai coj pojniam uas ntseeg nrog kuv mus ib yam li lwm tus tubtxib thiab yam li (יהושע)Yahshua cov kwv thiab Kepha lov? 6 Lossis tsuas yog kuv thiab Npananpas xwb, thiaj tsis muaj cai tso tej haujlwm uas yug wb lub ncauj tseg lov?

7 Leejtwg ua tub rog es rov them nws tus nqe zog? Leejtwg cog vaj txiv hmab es tsis noj tej txiv hauv lub vaj ntawd? Leejtwg yug yaj es tsis haus tej kua mis? 

8 Kuv hais li no raws li tibneeg lub siab xav xwb lov? Phau kevcai kuj hais ib yam li no los tsis yog? 9 Rau qhov twb muaj lus sau cia rau hauv Mauxes phau kevcai hais tias, thaum nyuj tabtom tsuj nplej, nej tsis txhob muab tawb looj nyuj qhov ncauj. Yog Abba (יחוח)Yahweh txhawj txog tus nyuj xwb lov? 10 Abba (יחוח)Yahweh yeej hais rau peb los tsis yog? Tej lus ntawd yog sau cia rau peb ntag, rau qhov tus uas laij teb thiab tus uas ntaus nplej, nkawv yeej cia siab hais tias nkawv yuav tau tej qoobloos ntawd los noj. 11 Yog peb tseb sab ntsuj plig rau nej, peb sau sab nqaij tawv ntawm nej yog hnyav rau nej lov? 12 Yog lwm tus muaj cai tau ntawm nej, peb yimhuab muaj cai los tsis yog? Txawm li cas los peb tsis siv txoj cai no, tiamsis peb thev txhua yam kom peb thiaj tsis muab abtsi los cuam tshuam txog (יהושע)Yahshua Messiah txoj hmoo zoo. 13 Nej tsis paub lov? Cov uas ua haujlwm hauv lub tuam tsev, kuj noj lub tuam tsev li zaub mov, thiab cov uas ua haujlwm ntawm lub thaj, kuj tau tej uas faib ntawm lub thaj.

14 Ib yam li ntawd, (יהושע)Yahshua hais tias, tsim nyog cov uas qhia txoj hmoo zoo tau noj ntawm qhov uas qhia txoj hmoo zoo ntawd. 15 Tiamsis kuv tsis siv txoj cai no kiag li thiab qhov uas kuv sau tej no tsis yog hais kom luag pub li ntawd rau kuv, rau qhov kuv yeem tuag zoo dua cia luag rhuav qhov uas kuv khav. 16 Yog kuv qhia txoj hmoo zoo, kuv yeej tsis muaj chaw khav kiag li, rau qhov kuv yeej yuav tsum ua. Yog kuv tsis qhia txoj hmoo zoo, kuv kuj raug kev txom nyem. 17 Yog kuv zoo siab qhia txoj hmoo zoo, kuv yuav tau nqe zog. Yog kuv tsis zoo siab qhia los kuv yeej yuav tsum ua tej uas muab cob rau kuv lawm. 18 Tej nqe zog uas muab rau kuv yog abtsi? Kuj yog qhov uas qhia txoj hmoo zoo ntawd, kuv qhia tsis yuav nqe, kuv thiaj tsis siv txoj cai hauv txoj hmoo zoo kiag li. 19 Txawm yog kuv tau nyob ywj pheej tsis ua leejtwg qhev los kuv tseem ua txhua tus li qhev kom thiaj coj tau tibneeg los ntseeg coob zuj zus. 20 Kuv ua yam li ib tug Yahdaim rau hauv cov Yahdaim xwv thiaj coj tau cov Yahdaim los ntseeg. Kuv ua yam li tus uas nyob hauv Mauxes txoj kevcai rau hauv cov uas nyob hauv txoj kevcai (tiamsis kuv tus kheej tsis yog nyob hauv txoj qab kevcai) xwv thiaj coj tau cov uas nyob hauv txoj kevcai ntawd los ntseeg. 21 Kuv ua yam li tus uas tsis nyob hauv txoj kevcai rau hauv cov uas tsis nyob hauv txoj kevcai, (kuv tsis yog nyob dhau Abba (יחוח)Yahweh txoj kevcai tiamsis nyob hauv (יהושע)Yahshua Messiah txoj qab kevcai) xwv thiaj coj tau cov uas tsis nyob hauv txoj kevcai los. 22 Kuv ua yam li tus uas qaug zog rau hauv cov uas qaug zog, xwv thiaj coj tau cov uas qaug zog los. Kuv yeem ua txhua yam tibneeg rau txhua tus kom thiaj siv txhua txojkev pab tau qee leej dim. 23 Kuv ua txhua yam vim yog saib rau txoj hmoo zoo kuv thiaj li muaj feem tau tej uas txoj hmoo zoo pub. 24 Nej tsis paub lov? Cov uas sib tw khiav sawvdaws yeej khiav, tiamsis tsuas yog tib tug thiaj tau tshav ntuj xwb. Nej yuav tsum khiav tiag kom tau tshav ntuj. 25 Txhua tus uas sib tw khiav yuav tsum tswj lawv lub cev rau txhua fab. Lawv ua kom tau lub mom paj ntoos uas txawj zeeg, tiamsis peb ua kom tau lub mom paj ntoos uas tsis txawj zeeg. 26 Yog li ntawd, kuv tsis yog lam khiav tsis muaj hom phiaj, kuv tsis yog ntaus nrig yam li tus uas ntaus cua xwb. 27 Tiamsis kuv ntaus kuv lub cev thiab tswj cia, ntshai tsam thaum kuv tshaj tawm txoj hmoo zoo rau lwm tus lawm, kuv tus kheej tsis nrog luag tau tej tshav ntuj ntawd.

​