Hais Cov Lus Txawv Txawv Thiab Cev Abba (יחוח)Yahweh Lus

1 Cia li tsom ntsoov nrhiav kev hlub thiab siv zog nrhiav tej tswvyim uas Tus Ntsuj Plig Dawbhuv pub, thiab nrhiav qhov uas cev Abba (יחוח)Yahweh lus kom ntau tshaj plaws. 2 Rau qhov tus uas hais lus txawv txawv, tsis yog hais rau tibneeg, yog hais rau Abba (יחוח)Yahweh, rau qhov tsis muaj leejtwg nkag siab, nws hais tej uas muab npog cia raws li Tus Ntsuj Plig Dawbhuv qhia 3 Tiamsis tus uas cev Abba (יחוח)Yahweh lus, yog hais rau tibneeg kom cov ntseeg thiaj li loj hlob thiab muaj kev txhawb siab thiab nplij siab xwb. 4 Tus uas hais lus txawv txawv, kuj ua rau nws tus kheej loj hlob xwb, tiamsis tus uas cev Abba (יחוח)Yahweh lus, ua rau pawg ntseeg loj hlob.

5 Kuv xav kom nej sawvdaws txawj hais lus txawv txawv, tiamsis qhov loj tshaj ntawd, kuv xav kom nej cev Abba (יחוח)Yahweh li lus. Tus uas cev Abba (יחוח)Yahweh lus, kuj loj tshaj tus uas hais lus txawv txawv. Qhov uas hais lus txawv txawv, yuav tsum muaj tus uas txhais tau xwv pawg ntseeg thiaj loj hlob.

6 Cov kwvtij, yog kuv tuaj cuag nej kuv hais lus txawv txawv xwb, kuv tsis hais tej lus uas Abba (יחוח)Yahweh qhia tshwm los lossis tej lus txawj ntse lossis cev Abba (יחוח)Yahweh tej lus lossis tej lus qhuab qhia, kuv yuav pab tau nej li cas? 7 Txawm yog tej cuab yeej tsis muaj sia uas ua tau suab xws li raj thiab nkauj nog ncas, yog tsis muaj suab siab suab qes uas txawv tibneeg yuav paub lub suab uas tshuab thiab ntaus tau li cas? 8 Yog raj xyu nrov tsis meej, leejtwg yuav txawj npaj ua rog? 

9 Nej kuj zoo ib yam li ntawd. Yog nej hais lus txawv txawv tsis siv tej lus uas nkag siab tau, tibneeg yuav nkag siab tej lus ntawd tau li cas? Nej tej lus yuav ploj raws cua mus. 10 Hauv ntiajteb no yeej muaj ntau yam lus. Tsis muaj ib yam lus twg uas tsis muaj lub ntsiab. 11 Tiamsis yog kuv tsis paub tej lus ntawd lub ntsiab kuv kuj yog lwm haiv neeg rau tus uas hais ntawd, thiab tus uas hais ntawd yog lwm haiv neeg rau kuv. 12 Nej kuj ib yam li ntawd. Vim nej siv zog nrhiav tej uas Tus Ntsuj Plig Dawbhuv pub, cia li nrhiav tej tswvyim nplua mias uas ua rau pawg ntseeg loj hlob. 13 Yog li no, tus uas hais lus txawv txawv, kuj yuav tsum thov kom nws txhais tau thiab. 14 Yog kuv hais lus txawv txawv thov Abba (יחוח)Yahweh, kuv tus ntsuj plig kuj thov tiag tiamsis kuv txojkev xav tsis muaj nuj nqis. 15 Vim li no kuv yuav ua li cas? Kuv yuav siv kuv tus ntsuj plig thiab siv kuv txojkev xav thov Abba (יחוח)Yahweh. Thiab kuv yuav siv tus ntsuj plig thiab siv kuv txojkev xav hu nkauj.

16 Yog tsis ua li ntawd, yog koj siv tus ntsuj plig qhuas Abba (יחוח)Yahweh mas cov tibneeg uas tsis nkag siab yuav hais Amen rau tej lus uas koj ua Abba (יחוח)Yahweh tsaug ntawd tau li cas, rau qhov lawv tsis paub tias koj hais abtsi? 

17 Txawm yog koj ua Abba (יחוח)Yahweh tsaug zoo npaum li cas, los lwm tus tsis paub cov lus koj hais ntawd ces kuj tsis pab nws kom los ntseeg. 18 Kuv ua Abba (יחוח)Yahweh tsaug, kuv hais lus txawv txawv ntau dua nej sawvdaws.

19 Tiamsis hauv pawg ntseeg kuv xav hais tsib lo lus uas kuv twb xav cia lawm xwb, kom thiaj qhia tau lwm tus, zoo dua li hais kaum txhiab lo lus txawv txawv. 20 Cov kwvtij, nej tsis txhob xav li tej menyuam yaus xav. Qhov uas ua phem, cia li ua li tej menyuam mos ab ua xwb, qhov uas xav, cia li xav ib yam li tus tibneeg laus xav. 21 Hauv txoj kevcai muaj sau cia hais tias, Kuv yuav siv lwm yam lus thiab siv lwm haiv neeg lub qhov ncauj hais rau cov tibneeg no. Txawm li ntawd los lawv yuav tsis mloog kuv hais. Abba (יחוח)Yahweh hais li no ntag.

22 Yog li no, qhov uas hais lus txawv txawv, tsis yog txujci rau cov uas ntseeg, tiamsis yog txujci rau cov uas tsis ntseeg. Qhov uas cev Abba (יחוח)Yahweh lus, tsis yog muaj rau cov uas tsis ntseeg, tiamsis yog muaj rau cov uas ntseeg.

23 Yog li no yog tag nrho pawg ntseeg tuaj sablaj ua ke thiab txhua tus nyias taus nyias hais lus txawv txawv nyias mas muaj cov uas tsis paub lossis cov uas tsis ntseeg tuaj rau hauv, lawv yuav hais tias, nej vwm lawm los tsis yog? 

24 Tiamsis yog txhua tus cev Abba (יחוח)Yahweh lus, mas ib tug uas tsis ntseeg lossis ib tug uas tsis paub tuaj rau hauv, mas nws raug txhua tus ntuas thiab sawvdaws taw nws qhov txhaum, 25 thiab tej uas muab zais rau hauv nws lub siab yuav raug muab nthuav tshwm los thiab nws yuav khwb nkaus hauv pem teb pe Abba (יחוח)Yahweh hais tias, Abba (יחוח)Yahweh nrog nraim nej tiag tiag li.

 

Ua Txhua Yam Raws Li Kevcai

26 Yog li ntawd, cov kwvtij es, yuav ua li cas thiaj zoo? Thaum nej tuaj ua ke pehawm Abba (יחוח)Yahweh, yuav tsum muaj ib tug coj hu nkauj, ib tug qhuab qhia, ib tug qhia tej uas Abba (יחוח)Yahweh kom nws qhia, ib tug hais cov lus txawv txawv, thiab ib tug txhais tej lus txawv txawv ntawd. Nej yuav tsum ua txhua yam no thiaj pab tau pawg ntseeg kom loj hlob. 27 Yog leejtwg yuav hais cov lus txawv txawv, tsuas cia ob leeg lossis heev kawg, peb leeg hais xwb, cia ib tug hais tag ib tug mam li hais, thiab yuav tsum muaj ib tug txhais tej lus uas lawv hais ntawd. 28 Tiamsis yog tsis muaj leejtwg txawj txhais, tus uas hais lus txawv txawv ntawd, cia nws hais twjywm hauv nruab siab thiab hais rau Abba (יחוח)Yahweh xwb. 29 Cia ob tug lossis peb tug cov uas cev Abba (יחוח)Yahweh lus los qhia xwb, dua li lwm tus, cia lawv mloog thiab xav saib tej lus ntawd qhia txog ab tsi.

30 Yog Abba (יחוח)Yahweh qhia tshwm rau dua ib tug uas zaum ua ke ntawd, kuj cia thawj tug nyob twjywm tso, tus ntawd mam los qhia. 31 Nej cov uas qhia Abba (יחוח)Yahweh txojlus, cia nej ib tug qhia tas tso ib tug mam li qhia, cov uas mloog thiaj yuav kawm tau thiab tej uas nej qhia ntawd, thiaj yuav txhawb tau sawvdaws lub zog. 32 Cov uas cev Abba (יחוח)Yahweh lus, lawv yeej muaj Tus Ntsuj Plig Dawbhuv nyob hauv lawv, tswjhwm lawv. 33 Abba (יחוח)Yahweh tsis yog tus Tswv uas nyiam kev kub ntxhov, tiamsis nws yog tus uas nyiam kev ywjpheej xwb. Ib yam li cov tibneeg uas dawb huv uas nyob rau hauv txhua pawg ntseeg. 34 Lawv cia cov pojniam nyob twjywm hauv lub chaw sablaj, vim tias tsis tso cai rau lawv hais lus, lawv yuav tsum txo hwjchim raws li txoj kevcai hais tseg. 35 Yog lawv xav paub abtsi, kuj cia lawv nug tus txiv tom tsev, vim tias qhov uas pojniam yuav hais lus hauv chaw sablaj kuj txaj muag.

36 Abba (יחוח)Yahweh txojlus tshwm hauv nej cov los lov? Abba (יחוח)Yahweh txojlus tuaj txog nej tib cov xwb lov?

37 Yog leejtwg xav tias nws yog tus cev Abba (יחוח)Yahweh lus lossis nws muaj Tus Ntsuj Plig Dawbhuv, kuj yuav tsum lees tias tej lus uas kuv sau tuaj txog nej no, yog Abba (יחוח)Yahweh tej lus qhia. 38 Yog leejtwg tsis quav ntsej tej lus no, yuav tsis quav ntsej tus ntawd. 39 Yog li no, kuv cov kwvtij, cia li siv zog rau qhov uas cev Abba (יחוח)Yahweh lus, thiab tsis txhob txwv qhov uas hais lus txawv txawv. 40 Cia li ua txhua yam raws li tsim nyog ua thiab raws li txoj kevcai.