(יהושע)Yahshua Ciaj Sawv Rov Los

1 Cov kwvtij, kuv xav kom nej nco txog txoj hmoo zoo uas kuv txeev qhia rau nej, thiab nej twb txais yuav thiab nyob ruaj rau hauv lawm. 2 Nej yuav tau dim, vim muaj txoj hmoo zoo ntawd, tsuav yog nej tuav rawv tej lus uas kuv qhia rau nej. Yog nej tsis tuav rawv li ntawd, nej kev ntseeg tsis muaj qabhau. 3 Rau qhov kuv twb muab zaj uas tseem ceeb kawg nkaus uas kuv tau txais los ntawd, cob rau nej lawm, yog qhov uas (יהושע)Yahshua Messiah tuag vim yog tim peb lub txim raws li sau cia rau hauv Abba (יחוח)Yahweh phau ntawv, 4 thiab nws raug muab faus lawm, hnub peb, nws raug tsa sawv rov los raws li sau cia rau hauv Abba (יחוח)Yahweh phau ntawv 5 thiab nws los tshwm rau Kepha thiab tshwm rau kaum ob tug thwjtim pom. 6 Dhau ntawd, nws los tshwm rau cov kwvtij coob, txog li tsib puas leej pom rau tib lub sijhawm, cov uas pom ntawd, feem coob nimno tseem muaj txojsia nyob, tsuas yog qee leej tsaug zog lawm xwb.

7 Dhau ntawd, nws los tshwm rau Yaaqob thiab cov tubtxib sawvdaws pom.

8 Thaum kawg nws los tshwm rau kuv pom, kuv zoo li tus menyuam uas tsis tau txog caij yug cia li yug lawm. 9 Vim tias, kuv yog tus tubtxib uas qes dua txhus tus huvsi, thiab tsis tsim nyog tau lub npe hu ua tubtxib rau qhov kuv tsim txom Abba (יחוח)Yahweh pawg ntseeg. 10 Vim yog Abba (יחוח)Yahweh txojkev hlub, kuv thiaj tau nyob qhov chaws uas kuv nyob no, thiab qhov uas Abba (יחוח)Yahweh hlub kuv, muaj nuj nqis heev. Kuv ua haujlwm khwv dua lawv sawvdaws, tiamsis tsis yog kuv tus kheej ua xwb, nws yog Abba (יחוח)Yahweh lub hwjchim uas nrog nraim kuv ua. 11 Vim li no, txawm yog kuv thiab lawv, los peb puavleej tshaj tawm zaj no thiab nej ntseeg zaj no.

 

Qhov Uas Cov Tuag Sawv Rov Los

12 Yog peb tshaj tawm tias, (יהושע)Yahshua Messiah raug tsa ciaj sawv hauv qhov tuag rov los lawm, ua cas nej cov qee leej tseem hais tias, qhov uas sawv hauv qhov tuag rov los tsis muaj tseeb?  13 Yog qhov uas sawv hauv qhov tuag rov los tsis muaj, (יהושע)Yahshua Messiah kuj tsis raug tsa sawv rov los. 14 Yog (יהושע)Yahshua Messiah tsis tau raug tsa sawv rov los, qhov uas peb tshaj tawm ntawd, kuj tsis muaj qab-hau, thiab qhov uas nej ntseeg kuj tsis muaj qabhau.

15 Tibneeg yuav pom tias peb ua cuav timkhawv txog Abba (יחוח)Yahweh vim peb twb ua timkhawv tias Abba (יחוח)Yahweh tsa (יהושע)Yahshua Messiah sawv rov los lawm, tiamsis yog tibneeg tuag tsis raug tsa sawv rov los, Abba (יחוח)Yahweh kuj tsis tsa (יהושע)Yahshua Messiah sawv rov los thiab. 16 Yog cov tibneeg tuag tsis raug tsa sawv rov los, (יהושע)Yahshua Messiah kuj tsis tau raug tsa sawv rov los. 17 Yog (יהושע)Yahshua Messiah tsis tau raug tsa sawv rov los, nej txojkev ntseeg kuj tsis muaj qabhau thiab nej tseem nyob hauv nej lub txim.

18 Yog li ntawd cov tibneeg uas tsaug zog rau hauv (יהושע)Yahshua Messiah, kuj puam tsuaj mus lawm. 19 Yog peb muaj siab vam rau ntawm (יהושע)Yahshua Messiah rau tiam no xwb, peb kuj yog cov uas ntxim khuvleej dua ib tsoom sawvdaws. 20 Tiamsis nimno (יהושע)Yahshua Messiah twb raug tsa hauv qhov tuag sawv rov los lawm, yog thawj tug hauv cov uas tsaug zog lawm. 21 Vim tias txojkev tuag tshwm ntawm ib tug tibneeg los li cas, mas qhov uas ciaj sawv hauv qhov tuag kuj tshwm ntawm ib tug tibneeg los ib yam nkaus li ntawd. 22 Vim tias txhua tus nyob hauv Adas thiaj li tuag, mas txhua tus uas nyob hauv (יהושע)Yahshua Messiah yuav ciaj sawv rov los ib yam li ntawd. 23 Tiamsis yuav tsum sawv raws ib qeb zuj zus. (יהושע)Yahshua Messiah yog thawj tug uas raug tsa sawv hauv qhov tuag rov los. Dhau ntawd thaum (יהושע)Yahshua Messiah rov qab los, cov uas yog (יהושע)Yahshua Mes-siah tug yuav sawv rov los.

24 Thaum ntawd yog lub sijhawm kawg uas (יהושע)Yahshua Messiah muab lub tebchaws cob rau Abba (יחוח)Yahweh, uas yog Leej Txiv, yog thaum (יהושע)Yahshua Messiah twb rhuav tshem txhua tus timtswv uas kav thiab tej hwjchim thiab tej dab huvsi lawm. 25 Rau qhov (יהושע)Yahshua Messiah yuav tsum kav mus kom txog thaum Abba (יחוח)Yahweh muab txhua tus yeeb ncuab txo nyob hauv (יהושע)Yahshua Messiah qab xib taws. (Ntawv Nkauj 110:1)

26 Tus yeeb ncuab kawg uas yuav muab ua kom puam tsuaj yog txojkev tuag.

27 Rau qhov Abba (יחוח)Yahweh muab txhua yam tso rau hauv nws qab xib taws. Nqe lus uas hais tias, muab txhua yam tso rau hauv nws qab xib taws ntawd, tsis tau hais txog Abba (יחוח)Yahweh tus uas muab txhua yam tso rau (יהושע)Yahshua Messiah kav. (Ntawv Nkauj 8:7)

28 Thaum txhua yam muab tso rau (יהושע)Yahshua ua tus kav lawm, thaum ntawd (יהושע)Yahshua uas yog Leej Tub kuj yuav cia Abba (יחוח)Yahweh uas yog Leej Txiv ua tus kav nws thiab, Abba (יחוח)Yahweh yuav yog tus uas kav txhua yam ntawd huv tibsi.

29 Yog li ntawd, cov uas ua kevcai raus dej mus pab rau cov uas tuag lawd yuav ua li cas? Yog cov uas tuag lawm tsis ciaj sawv rov los li, ua cas tseem muaj tibneeg ua kevcai raus dej mus pab cov uas tuag thiab? 30 Thiab ua cas peb yuav raug kev ceeblaj txhua lub sij-hawm? 31 Cov kwvtij, kuv niaj hnub ntsib kev tuag. Kuv hais li no, vim kuv khav txog nej rau hauv (יהושע)Yahshua Messiah uas yog peb tus Cawmseej. 32 Yog kuv tawm tsam tsiaj qus hauv lub moos Efexaus, thiab muaj siab vam ib yam li ib tsoom tibneeg xwb, kuv yuav muaj nuj nqis abtsi? Yog cov tibneeg tuag tsis txawj sawv rov los, kuj cia peb noj tiag haus tiag rau qhov tagkis peb yuav tuag. (Isayah 22:13)

33 Tsis txhob yuam kev. Qhov uas nrog cov tibneeg phem ua ke, yeej yuav rhuav qhov uas yus ua zoo. 34 Cia li rov qab feeb meej ua lub neej zoo, tsis txhob ua txhaum dua li lawm, rau qhov muaj qee leej, tsis paub Abba (יחוח)Yahweh. Kuv hais li no kom nej paub txaj muag.

​

Lub Cev Uas Ciaj Sawv Rov Los

35 Tiamsis yuav muaj tibneeg nug hais tias, cov tibneeg tuag yuav ciaj sawv rov los li cas? Lawv yuav muaj lub cev zoo li cas los? 36 Au, niag tibneeg ruam. Yam uas nej muab tseb, yog tsis tuag ua ntej yuav tsis txawj tuaj dua tshiab. 37 Yam uas nej muab tseb ntawd, tsis hais nplej lossis lwm yam qoob, tsis yog nej muab kiag tsob qoob mus tseb, tiamsis nej coj noob qhuav qhuav mus tseb xwb.

38 Abba (יחוח)Yahweh pub lub cev rau lub noob raws li nws pom zoo, thiab pub txhua yam noob nyias muaj nyias lub cev. 39 Txhua yam nqaij tsis sib thooj, tibneeg muaj dua ib yam nqaij, tsiaj txhu muaj dua ib yam nqaij, nas noog muaj dua ib yam nqaij thiab ntses muaj dua ib yam nqaij. 40 Lub cev saum ntuj kuj muaj, lub cev hauv ntiajteb kuj muaj. Lub cev saum ntuj muaj dua ib yam meej mom, lub cev hauv ntiajteb kuj muaj dua ib yam meej mom. 41 Lub hnub muaj dua ib yam meej mom, lub hli muaj dua ib yam meej mom, thiab tej hnub qub kuj muaj dua ib yam meej mom. Ib lub hnub qub li meej mom zoo tsis thooj lwm lub hnub qub li meej mom.

42 Qhov uas tibneeg tuag ciaj sawv rov los, kuj zoo ib yam nkaus. Lub cev uas muab tseb txawj lwj tag, lub cev uas sawv rov los tsis txawj lwj. 43 Yam uas muab tseb lawd, tsis muaj koob meej, yam uas sawv rov los muaj meej mom. Yam uas muab tseb tsis muaj zog, yam uas sawv rov los muaj zog. 44 Yam uas muab tseb yog lub cev nqaij, yam uas sawv rov los yog lub cev ntsuj plig. Yog muaj lub cev nqaij lawm, yeej muaj lub cev ntsuj plig.

45 Raws li muaj lus sau cia tias, thawj tug tibneeg uas yog Adas thiaj li ciaj sia, tiamsis tus Adas uas los tom kawg yog tus ntsuj plig uas pub txojsia. (Chivkeeb 2:7)

46 Thawj lub cev tsis yog lub cev ntsuj plig, yog lub cev nqaij tawv, lub cev tom qab thiaj yog lub cev ntsuj plig.

47 Thawj tug tibneeg yog tawm hauv ntiajteb los yog tibneeg av, tus tibneeg uas ob los saum ntuj los. 48 Tus tibneeg av ntawd zoo li cas, tej tibneeg av kuj zoo ib yam li ntawd. Tus tibneeg saum ntuj zoo li cas, tej tibneeg saum ntuj kuj zoo ib yam nkaus li ntawd. 49 Yam nkaus li peb twb muaj yam ntxwv zoo li tus tibneeg av, peb kuj yuav muaj yam ntxwv zoo li tus tibneeg saum ntuj.

50 Cov kwvtij, kuv hais tias, nqaij thiab ntshav tsis muaj feem tau Abba (יחוח)Yahweh lub tebchaws, thiab yam uas txawj lwj tsis muaj feem tau yam uas tsis txawj lwj. 51 Saib maj, kuv yuav qhia ib zaj uas muab npog cia tob tob lawd rau nej. Peb sawvdaws yuav tsis tsaug zog tag huvsi, tiamsis peb txhua tus yuav raug plhis dua tshiab, 52 rau tib pliag tib ntsais muag xwb rau thaum tshuab raj xyu zaum kawg. Rau qhov yuav tshuab raj xyu mas cov uas tuag tag lawd yuav raug tsa ciaj sawv rov los tsis txawj lwj thiab peb yuav raug plhis dua tshiab.

53 Yam uas txawj lwj yuav tsum hnav yam uas tsis txawj lwj, thiab yam uas yuav tsum tuag yuav tsum hnav yam uas tsis txawj tuag. 54 Thaum yam uas txawj lwj hnav yam uas tsis txawj lwj thiab yam uas yuav tsum tuag hnav yam uas tsis txawj tuag, thaum ntawd yuav tiav raws li tej lus sau cia hais tias, txojkev kov yeej twb nqos txojkev tuag lawm. (Isayah 25:8; Hoseyah 13:14)

55 Txojkev tuag es, koj txojkev kov yeej dua twg lawm? Txojkev tuag es, koj tus taug dua twg lawm? 56 Txojkev tuag tus taug yog lub txim thiab lub txim lub hwjchim yog Mauxes txoj kevcai. 57 Ua Abba (יחוח)Yahweh tsaug nws pub peb kov yeej vim yog peb tus Cawmseej (יהושע)Yahshua Messiah. 58 Vim li no, cov kwvtij uas kuv hlub, cia li nyob ruaj khov, tsis txhob ywj fab ywj fwj, cia li ua tus Tswv tes haujlwm puv npo txhua lub sijhawm thiab paub tias tej haujlwm uas nej ua rau hauv tus Tswv tsis tag dawb tag do.

​