Sau Nyiaj Pab Cov Ntseeg

1 Nimno hais txog qhov uas sau nyiaj pab Abba (יחוח)Yahweh cov tibneeg dawb huv, kuv hais rau cov pawg ntseeg hauv lub xeev Kalatias li cas, nej yuav tsum ua ib yam li ntawd.  2 Hnub ib hauv txhua lub chib so nej txhua tus yuav tsum khaws tej nyiaj ib qho cia raws li nyias khwv tau, xwv thaum kuv tuaj txog thiaj tsis txog sau lawm. 3 Thaum kuv tuaj txog lawd, yog nej pom zoo leejtwg, kuv yuav txib cov tibneeg ntawd xa cov nyiaj uas nej pub thiab tsab ntawv mus rau lub roog Yeluxalees. 4 Yog pom tias tsim nyog kuv mus thiab, lawv yuav nrog kuv ua ke mus.

Daim Phiaj Taug Kev

5 Thaum kuv hla lub xeev Makhedaunias lawd, kuv yuav los saib nej, vim tias kuv yuav hla lub xeev Makhedaunias mus. 6 Tej zaum kuv yuav so hauv nej, thiab yuav so kom tag lub caij ntuj no, xwv thaum kuv mus qhovtwg, nej thiaj tau xa kuv mus qhov ntawd.

7 Tsis yog kuv xav tuaj saib nej rau thaum kuv dua kev xwb. Yog Abba (יחוח)Yahweh pom zoo, kuv yuav tuaj nrog nej nyob ib ntus.

8 Kuv yuav nyob hauv lub moos Efexaus mus txog hnub uas sawvdaws ua kevcai Peetekos tas tso. 9 Vim ntawm no qhov rooj qheb cuab lug rau kuv ua haujlwm txi txiv thiab muaj cov uas tawm tsam coob.

10 Thaum Timothy tuaj txog nej, nej yuav tsum saib nws zoo tsis txhob cia nws nyuaj siab rau thaum nws nrog nej nyob, rau qhov nws ua Abba (יחוח)Yahweh tes haujlwm ib yam li kuv. 11 Vim li ntawd, tsis txhob cia leejtwg ua saib tsis taus nws. Cia li xa nws mus ua nws tes haujlwm yam kaj siab lug kom nws thiaj rov los txog kuv. vim kuv tseem tos ntsoov nws nrog cov kwvtij los. 12 Hais txog peb tus kwvtij Apaulaus, kuv twb thov thov nws kom nrog cov kwvtij tuaj saib nej, tiamsis nws tsis kam tuaj lub sijhawm no. Thaum twg muaj sijhawm nws mam li tuaj.

Sha-ul Tej Lus Qhia Tom Kawg

13 Nej yuav tsum ceev faj zov tos, nyob ruaj hauv txojkev ntseeg, ua lub siab loj thiab khov kho. 14 Cia li ua txhua yam ntawm txojkev hlub. 15 Cov kwvtij, nej paub tias Xatefanas tsev neeg yog thawj pab uas los ntseeg nyob rau hauv lub xeev Akhayas, thiab lawv tau muab lawv tus kheej cob rau cov tibneeg dawb huv, mas kuv thov nej 16 kom nej txo hwjchim rau cov tibneeg zoo li no thiab txhua tus uas koom ua haujlwm thiab rau siab ua. 17 Kuv zoo siab qhov uas Xatefanas, Fothunathas thiab Akha‑ikas, tuaj, vim lawv twb tuaj txhawb kuv lub zog puv npo lawm, ntxiv qhov uas nej tsis tau tuaj. 18 Lawv ua rau kuv thiab rau nej zoo siab. Vim li no, nej yuav tsum lees yuav cov tibneeg zoo li no.

19 Cov pawg ntseeg nyob hauv lub xeev Axias xa lus noj qab nyob zoo tuaj rau nej. Akhilas thiab Plixakhas nkawv ob niam txiv thiab pawg ntseeg uas tuaj mloog lus qhuab qhia hauv nkawd tsev los hais noj qab nyob zoo rau nej thiab.

20 Cov ntseeg uas nyob tim no los lawv puavleej hais noj qab nyob zoo rau nej thiab. Nej ib tug hais noj qab nyob zoo rau ib tug thiab ib tug hlub ib tug. 21 Kuv yog Sha-ul, kuv yog tus sau tej lus noj qab nyob zoo no tuaj rau nej ntag.

22 Yog leejtwg tsis hlub Abba (יחוח)Yahweh, cia tus ntawd raug foom tsis zoo. Thov Abba (יחוח)Yahweh txoj kev txiav txim cia li los.

23 Thov tus Cawmseej (יהושע)Yahshua txoj koob hmoov nrog nraim nej. 24 Kuv txojkev hlub nrog nraim nej txhua tus uas nyob hauv (יהושע)Yahshua Messiah. Haleluyah!

​