1 Kuv yog Sha-ul uas yog (יהושע)Yahshua Messiah tus tubtxib raws li Abba

(יחוח)Yahweh lub siab nyiam. Kuv thiab peb tus kwv Timothy, wb sau tsab ntawv no xa tuaj rau Abba (יחוח)Yahweh pawg ntseeg uas nyob hauv lub moos Corinthians, thiab rau Abba (יחוח)Yahweh haiv neeg uas dawb huv uas nyob thoob plaws lub xeev Akhayas txhua tus. 2 Thov txojkev hlub thiab txojkev ywjpheej ntawm Abba (יחוח)Yahweh uas yog peb Leej Txiv thiab ntawm Cawmseej (יהושע)Yahshua Messiah nrog nraim nej nyob.

​

Sha-ul Ua Abba (יחוח)Yahweh Tsaug

3 Qhuas Abba (יחוח)Yahweh uas yog peb tus Cawmseej (יהושע)Yahshua Messiah Leej Txiv, yog ib Leej Txiv uas muaj lub siab khuvleej thiab txhawb peb lub siab rau txhua yam. 4 Nws txhawb peb lub siab rau txhua yam kev ceeblaj uas peb raug, xwv peb thiaj muab qhov uas Abba (יחוח)Yahweh txhawb peb lub siab ntawd, mus txhawb tau cov uas raug ceeblaj lub siab tsis hais yam twg. 5 Vim peb koom nrog (יהושע)Yahshua Messiah tej kev txom nyem ntau npaum li cas, peb kuj koom kev txhawb siab rau hauv (יהושע)Yahshua Messiah ntau npaum li ntawd thiab. 6 Qhov uas peb raug ceeblaj, kuj yog ua rau nej tau txais kev txhawb siab thiab tau txojkev dim. Thiab qhov uas peb tau txais kev txhawb siab, kuj ua rau nej tau txais kev txhawb siab rau qhov uas nej tiv kev txom nyem ib yam li peb tiv ntawd thiab. 7 Peb yeej cia siab hlo rau nej, vim peb paub tias nej koom nrog peb raug kev txom nyem li cas, nej kuj koom nrog peb tau kev txhawb siab ib yam li ntawd thiab.

8 Cov kwvtij, peb xav kom nej paub txog tej kev ceeblaj uas peb raug hauv lub xeev Axias. Peb raug txojkev txom nyem hnyav kawg dhau peb lub zog, ua rau peb tag kev vam tias peb yuav tsis muaj txojsia nyob ntxiv. 9 Qhov tseeb peb xav tias peb twb raug txiav txim tuag lawm. Tiamsis, cia kom peb raug li no, thiaj li ua rau peb paub hais tias, tsis txhob cia siab rau peb tus kheej, tiamsis cia siab rau Abba (יחוח)Yahweh tus uas tsa cov tibneeg tuag ciaj sawv rov los xwb.

10 Abba (יחוח)Yahweh cawm peb dim tej xwm txheej kev tuag los lawm, thiab nws yuav cawm peb dua thiab. Peb cia siab rau hauv nws tias nws yuav cawm peb ntxiv mus, 11 vim nej koom nrog peb ua haujlwm rau thaum nej thov Abba (יחוח)Yahweh pab. Thiab yuav muaj tibneeg coob ua Abba  (יחוח)Yahweh tsaug txog peb, vim yog txojkev hlub uas muab pub rau peb, vim qhov uas tibneeg coob coob tej lus thov.

​

 Sha-ul Hloov Sijhawm Mus Saib Lawv

12 Peb qhuas li no. Peb lub siab ua timkhawv tias peb muaj lub siab dawb huv thiab lub siab dawb paug los ntawm Abba (יחוח)Yahweh thiaj xyaum zoo rau hauv lub ntiajteb, tsis yog xyaum raws li tibneeg lub tswvyim, tiamsis xyaum raws li Abba (יחוח)Yahweh txojkev hlub, thiab peb yimhuab xyaum zoo rau nej.

13 Peb tsis sau dua lwm zaj tuaj rau nej tsuas yog zaj uas nej nyeem tau thiab nkag siab tau xwb. Kuv vam tias nej yuav nkag siab tag huvsi,  14 ib yam li nej twb nkag siab ib txhia lawm, mas txog tus Cawmseej (יהושע)Yahshua hnub, nej yuav qhuas tau txog peb ib yam li uas peb qhuas txog nej. 15 Vim kuv tso siab li no, kuv thiaj xav tuaj saib nej ua ntej, xwv nej thiaj tau koob hmoov ob npaug.

16 Thaum kuv taug kev mus rau lub xeev Makhedaunias, kuv xav los saib nej, thiab thaum rov qab ntawm Makhedaunias los, kuv yuav los saib nej dua, ces nej mam xa kuv mus rau lub xeev Yahdah. 17 Qhov uas kuv npaj siab li no, kuv tseem ua ywj fab ywj fwj lov? Kuv npaj siab yam li tibneeg ntiajteb, kuv thiaj muaj qhov hais tias, yog thiab tsis yog, ua ke lov? 18 Muaj Abba (יחוח)Yahweh uas tso siab tau pom, tej lus uas peb hais rau nej, tsis muaj lo uas hais tias, yog thiab Tsis yog, ua ke. 19 Rau qhov Abba (יחוח)Yahweh Leej Tub uas yog (יהושע)Yahshua Messiah uas kuv thiab Xivanas thiab Timothy peb tshaj tawm rau nej, tsis muaj qhov uas tias, yog thiab tsis yog, ua ke, tiamsis hauv Cawmseej (יהושע)Yahshua puavleej yog xwb.

20 Abba (יחוח)Yahweh tej lus cog tseg huvsi puavleej yog hauv (יהושע)Yahshua.

Vim li no, peb thiaj hais tias Amen ntawm (יהושע)Yahshua, thiaj ua rau Abba (יחוח)Yahweh tau koob meej.

21 Tus uas ua rau peb nrog nej nyob ruaj rau hauv (יהושע)Yahshua Messiah thiab tus uas tsa peb yog Abba (יחוח)Yahweh.

22 Abba (יחוח)Yahweh nias lub hom thawj rau peb thiab pub Tus Ntsuj Plig Dawbhuv rau hauv peb lub siab ua puav pheej. 23 Kuv thov Abba (יחוח)Yahweh ua timkhawv txog kuv tias, qhov uas kuv tsis tau rov mus rau lub moos Corinthians, twb yog kuv tsis xav kom nej raug kev nyuaj siab. 24 Peb tsis yog cov uas tswjhwm nej txojkev ntseeg, tiamsis peb nrog nej koom tes kom nej tau txojkev xyiv fab, vim tias nej nyob ruaj khov hauv txojkev ntseeg lawm.

​