​

1 Yog li ntawd, kuv thiaj npaj siab tias kuv yuav tsis tuaj ua rau nej rov ntxhov siab dua ib zaug.

2 Yog kuv ua rau nej ntxhov siab, leejtwg yuav ua rau kuv zoo siab xyiv fab, tsuas yog cov uas kuv ua rau ntxhov siab xwb? 

3 Kuv sau thawj tsab ntawv ntawd, xwv thaum tuaj txog lawd, kuv thiaj tsis raug kev ntxhov siab ntawm cov tibneeg uas tsim nyog ua kom kuv zoo siab xyiv fab, rau qhov kuv tso siab rau nej txhua tus tias, thaum kuv zoo siab, nej sawvdaws yuav zoo siab thiab.

4 Kuv sau tsab ntawv ntawd, nrog lub kua muag, thiab kev ceeblaj txom nyem, thiab kev nyuaj siab heev kawg tuaj rau nej, tsis yog sau tuaj ua rau nej ntxhov siab, tiamsis yog sau qhia nej paub tias kuv hlub nej tshaj plaws.

​

Zam Txim Rau Tus Uas Ua Txhaum

5 Yog leejtwg ua kom muaj kev ntxhov siab, tus ntawd tsis yog ua rau kuv tib leeg ntxhov siab xwb, tiamsis kuj ua rau nej txhua tus ntxhov mentsis thiab, (qhov uas kuv hais tias mentsis ntawd, twb yog vim kuv tsis xav hais hnyav dhau).

6 Qhov uas feem coob rau txim rau tus ntawd kuj txaus lawm.

7 Yog li no, tsim nyog nej zam txim thiab nplij tus ntawd lub siab zoo dua, tsam ces txojkev uas nyuaj siab heev kawg nyab kiag nws.

8 Yog li no, kuv thiaj thov nej tuav rawv txojkev hlub rau nws dua.

9 Qhov uas kuv sau li ntawd, yog kuv xav sim nej saib nej yuav mloog lus txhua yam los tsis mloog.

10 Yog nej zam txim rau leejtwg, kuv kuj zam txim rau tus ntawd thiab. Yog kuv zam txim rau txojkev txhaum twg, (yog muaj zaj twg uas yuav tsum zam txim rau tiag) kuv kuj zam txim tab meeg (יהושע)Yahshua Messiah lub xubntiag, vim yog saib rau nej, 11 xwv Xatas thiaj kov tsis yeej peb, vim peb twb paub nws tej tswvyim phem lawm.

Sha-ul Tes Haujlwm

12 Thaum kuv mus txog lub moos Rhau‑as es yuav qhia txoj hmoo zoo hais txog (יהושע)Yahshua Messiah, Abba (יחוח)Yahweh twb qheb qhov rooj rau kuv qhov ntawd.

13 Tiamsis kuv tseem tsis tau kaj siab, vim tsis tau ntsib kuv tus kwv Titus qhov ntawd, kuv thiaj fim ncaim lawv thiab mus rau lub xeev Makhedaunias lawm.

14 Tiamsis ua Abba (יחוח)Yahweh tsaug, uas nws niaj hnub coj peb mus ua ib pab, uas kov yeej rau hauv (יהושע)Yahshua Messiah, thiab nws siv peb ua rau tus ntxhiab tsw qab uas yog qhov uas paub (יהושע)Yahshua Messiah nthuav mus rau txhua qhov.

15 Peb yog (יהושע)Yahshua Messiah tus ntxhiab tsw qab rau Abba (יחוח)Yahweh hauv cov tibneeg uas tabtom dim thiab hauv cov uas tabtom puam tsuaj, 16 yog cov pa uas coj mus rau txojkev tuag rau cov uas tabtom puam tsuaj thiab yog cov pa uas coj mus rau txojsia rau cov uas tabtom dim. Leejtwg tsim nyog rau tej haujlwm uas hais tag no? 

17 Peb zoo tsis thooj li cov tibneeg coob coob uas muab Abba (יחוח)Yahweh txojlus muag tshaj thawj, tiamsis peb nyob hauv (יהושע)Yahshua Messiah, muaj lub siab dawb paug hais tab meeg Abba  (יחוח)Yahweh, ib yam li tibneeg uas Abba  (יחוח)Yahweh txib tuaj.

​