Tej Lus Cog Tseg Tshiab

1 Peb pib rov qhuas peb tus kheej dua lov? Los yog peb yuav tsum sau ntawv tuaj qhia peb tus kheej rau nej ua ntej tso, nej mam li sau ntawv qhia txog peb mus rau lwm tus ib yam li ib txhia lov? 

2 Nej twb yog tsab ntawv uas qhia peb tus kheej, uas muab sau cia rau hauv peb lub siab, rau ib tsoom tibneeg paub thiab nyeem.

3 Nej kuj tshwm los ua (יהושע)Yahshua Messiah tsab ntawv, uas peb muab xa mus, thiab tsis yog kua mem sau, tiamsis yog Abba (יחוח)Yahweh uas muaj txojsia nyob Tus Ntsuj Plig Dawbhuv sau thiab tsis yog sau rau hauv daim txiag zeb tiamsis sau rau hauv nej nplooj siab.

4 Vim muaj (יהושע)Yahshua Messiah, peb thiaj muaj lub siab ruaj nreeg li no.

5 Peb tsis muaj peevxwm suav tias muaj ib yam abtsi tshwm hauv peb tus kheej los, tiamsis peb tej peevxwm ntawd los ntawm Abba (יחוח)Yahweh los xwb.

6 Nws pub peevxwm rau peb txawj ua haujlwm rau tej lus cog tseg tshiab, tsis yog raws li tus npe ntawv uas sau cia, tiamsis yog raws li Tus Ntsuj Plig Dawbhuv qhia. Tus npe ntawv uas sau cia tua kom tuag, tiamsis Tus Ntsuj Plig Dawbhuv pub txojsia.

7 Qhov uas ua koom tu Abba (יחוח)Yahweh raws li tej npe ntawv uas muab txaug cia rau hauv daim txiag zeb, kuj txawj ua rau tibneeg tuag tau, los tseem muaj hwjchim ci ntsa iab, ua rau cov Ixayees saib tsis tau Mauxes lub ntsej muag, vim ci heev. Tiamsis lub hwjchim ci ntsa iab ntawd, ploj lawm.

8 Qhov uas ua koom tu Abba (יחוח)Yahweh raws li Tus Ntsuj Plig Dawbhuv coj, kuj yimhuab yuav muaj hwjchim ci ntsa iab heev dua los tsis yog? 

9 Yog qhov uas coj raws li txoj kevcai uas ua kom raug txim, muaj hwjchim ci ntsa iab mas qhov uas ua raws li txojkev uas ua kom tau txojkev ncaj ncees, yimhuab yuav muaj hwjchim ci ntsa iab ntau npaug.

10 Qhov tseeb yam uas txeev muaj hwjchim ci ntsa iab twb ploj lawm, rau qhov nimno muaj lub hwjchim ci ntsa iab uas loj dua.

11 Yog tias yam uas ploj mus lawm txeev nrog hwjchim ci ntsa iab tuaj, yam uas nyob mus ib txhis, yimhuab yuav muaj hwjchim ci ntsa iab ntau npaug.

12 Vim peb muaj vam li no peb thiaj ua tau siab loj heev. 13 Thiab peb tsis thooj li Mauxes uas muab daim ntaub kauv lub ntsej muag thiaj tsis pub cov Ixayees saib qhov uas lub hwjchim ci ntsa iab ploj zuj zus tag.

14 Tiamsis lawv lub siab tawv heev, rau qhov los txog niaj hnub nimno, thaum lawv nyeem tej lus cog tseg qub, tib daim ntaub ntawd tseem tsis tau muab yaws, rau qhov yuav raug muab tshem tau hauv (יהושע)Yahshua Messiah xwb.

15 Tiamsis los txog niaj hnub nimno, thaum nyeem Mauxes tej lus daim ntaub tseem kauv lawv lub siab cia.

16 Tiamsis thaum leejtwg tig los cuag Abba (יחוח)Yahweh, daim ntaub ntawd thiaj raug muab tshem mus.

17 Abba (יחוח)Yahweh yog Tus Ntsuj Plig Dawbhuv, thiab Abba(יחוח)Yahweh tus Ntsuj Plig nyob qhovtwg, kev thaj yeeb nyob qhov ntawd.

18 Peb sawvdaws tsis muaj daim ntaub kauv lub ntsej muag lawm, mas peb zoo li daim iav uas tsom Abba (יחוח)Yahweh lub hwjchim ci ntsa iab, peb kuj hloov kom zoo li nws tus yam ntxwv thiab muaj koob meej zuj zus mus, yog lub koob meej uas los ntawm Abba (יחוח)Yahweh uas yog Tus Ntsuj Plig Dawbhuv los.

​