Tej Uas Muaj Nqes Nyob Hauv Lub Tais Av

1 Yog li no, vim peb muaj tes haujlwm no ntawm Abba (יחוח)Yahweh txojkev khuvleej, peb thiaj tsis poob siab. 2 Peb tso tej kev txaj muag uas zais ntshis hauv peb lub siab tseg. Peb tsis siv tej tswvyim phem lossis muab Abba (יחוח)Yahweh txojlus hloov, tiamsis peb nthuav kiag qhov tseeb thiaj qhia peb tus kheej rau sawvdaws lub siab tshuaj saib tab meeg Abba (יחוח)Yahweh lub xub-ntiag. 3 Yog peb txoj hmoo zoo tseem raug daim ntaub kauv, kuj yog raug kauv ntawm cov uas tabtom yuav puam tsuaj.  4 Tus dab uas kav tiam no, ua rau cov uas tsis ntseeg, txojkev xav tsaus ntuj nti mus lawm, lawv thiaj tsis pom txoj hmoo zoo qhov kaj uas hais txog lub hwjchim ci ntsa iab hauv (יהושע)Yahshua Messiah uas yog Abba (יחוח)Yahweh tus yam ntxwv. 5 Rau qhov tsis yog peb tshaj tawm peb tus kheej, tiamsis tshaj tawm tias (יהושע)Yahshua Messiah yog tus Cawmseej thiab peb yog nej cov qhev, vim yog saib rau (יהושע)Yahshua. 6 Rau qhov Abba (יחוח)Yahweh uas hais tias, cia qhov kaj ci hauv qhov tsaus ntuj tuaj, nws tsom qhov kaj tuaj rau hauv peb lub siab kom peb thiaj muaj qhov kaj uas paub txog Abba (יחוח)Yahweh lub hwjchim ci ntsa iab uas tshwm rau ntawm (יהושע)Yahshua Messiah lub ntsej muag. 7 Peb muaj tej uas muaj nqes no nyob hauv lub tais av xwv thiaj pom tias lub hwjchim uas loj kawg nkaus ntawd yog Abba ((יחוח)Yahweh li tsis yog los ntawm peb los. 8 Peb raug kev ceeblaj txhua fab tuaj, tiamsis tsis txog qeb nti tsis taus, peb siab faj tag tiamsis tsis tag kev vam, 9 peb raug tsim txom, tiamsis tsis raug muab pov tseg, peb raug ntaus ntog tiamsis kuj tsis raug puam tsuaj. 10 Peb niaj hnub ris (יהושע)Yahshua txojkev tuag rau hauv peb lub cev, kom (יהושע)Yahshua txojsia thiaj li tshwm rau hauv peb lub cev thiab. 11 Peb cov uas tseem muaj txojsia nyob raug muab cob rau txojkev tuag tsis tu li, vim yog saib rau (יהושע)Yahshua, kom (יהושע)Yahshua txoj sia thiaj li tshwm rau hauv peb lub cev nqaij uas txawj tuag. 12 Yog li no, txojkev tuag tabtom ua haujlwm rau hauv peb, tiamsis txojsia tabtom ua haujlwm rau hauv nej. 13 Peb muaj siab ntseeg ib yam nkaus li uas sau cia hais tias, kuv ntseeg kuv thiaj li hais peb kuj ntseeg peb thiaj li hais thiab. 14 Peb paub tias tus uas tsa tus Cawmseej (יהושע)Yahshua ciaj sawv rov los, yuav tsa peb nrog (יהושע)Yahshua ciaj sawv rov los thiab, thiab yuav coj peb nrog nej ua ke mus cuag nws. 15 Txhua yam no, muaj nuj nqis rau nej, xwv thaum Abba (יחוח)Yahweh txojkev hlub nthuav mus txog tibneeg coob zuj zus, qhov uas ua Abba  (יחוח)Yahweh tsaug, kuj yuav muaj ntau zuj zus thiaj ua rau Abba (יחוח)Yahweh tau koob meej.

​

Ua Lub Neej Raws Li Kev Ntseeg

16 Vim li no, peb thiaj tsis poob siab. Txawm yog peb lub cev sab nraud sem zuj zus los sab hauv kuj niaj hnub hloov dua tshiab. 17 Rau qhov tej kev txom nyem me me uas peb raug ib nyuag ntu no, yuav ua rau peb tau koob meej ntau kawg mus ib txhis tsis muaj abtsi piv tau, 18 rau qhov peb tsis saib rau tej uas peb qhov muag pom, tiamsis saib rau tej uas qhov muag tsis pom. Vim tias, tej uas qhov muag pom nyob tsis ntev, tiamsis tej uas qhov muag tsis pom nyob mus ib txhis.

​