1 Peb paub tias yog lub cev uas zoo li lub tsev pheeb suab uas peb nyob hauv ntia-jteb no, raug puam tsuaj, peb tseem muaj lub chaw nyob uas Abba (יחוח)Yahweh pub, yog lub tsev uas tsis yog tibneeg txhais tes ua uas yuav nyob mus ib txhis tsis kawg saum ntuj. 2 Hauv lub tsev no, peb ntsaj laws xav muab lub chaw nyob saum ntuj los hnav, 3 vim thaum hnav lawm, peb yuav tsis liab qab.

4 Thaum peb tseem nyob hauv lub tsev pheeb suab no, peb ntsaj laws hnyav siab kawg, tsis yog peb xav nyob do cuas, tiamsis peb xav hnav dua lub tshiab xwv yam uas txawj tuag thiaj raug txojsia muab nqos. 5 Abba (יחוח)Yahweh yog tus uas npaj peb cia kom muaj lub chaw nyob tshiab. Thiab nws pub Tus Ntsuj Plig Dawbhuv ua puav pheej rau peb. 6 Vim li no, peb thiaj tso siab tsis tu ncua thiab paub tias thaum peb tseem nyob hauv lub cev no, peb nyob deb ntawm Abba (יחוח)Yahweh lub xubntiag, 7 vim peb ua neej nyob raws li txojkev ntseeg tsis yog raws li tej uas qhov muag pom. 8 Peb tso siab thiab pom tias qhov uas peb tawm hauv lub cev no mus nrog Abba (יחוח)Yahweh nyob zoo dua. 9 Vim li no, peb npaj siab tias, txawm yog yuav nyob hauv lub cev no lossis tawm mus, peb yuav ua kom txaus Abba (יחוח)Yahweh siab. 10 Vim tias peb txhua tus yuav tsum tshwm ntsej muag rau ntawm (יהושע)Yahshua Messiah lub rooj txiav txim, xwv txhua tus thiaj tau saws raws li tej uas thaum nws tseem nyob hauv lub cev no nws tau ua, tsis hais zoo lossis phem.

​

Rov Nrog Abba (יחוח)Yahweh Sib Raug Zoo

11 Yog li ntawd, vim peb paub ntshai Abba (יחוח)Yahweh lawm, peb thiaj yaum ib tsoom tibneeg. Peb zoo li cas Abba (יחוח)Yahweh yeej pom huvsi, thiab kuv vam tias nej lub siab kuj pom thiab. 12 Tsis yog peb rov qhuas peb rau nej, tiamsis yog muab sijhawm rau nej qhuas txog peb, xwv nej thiaj muaj lus teb cov uas nyiam qhuas txog tej uas qhov muag pom tsis yog qhuas txog tej uas nyob hauv lub siab. 13 Yog tias peb vwm lawm, kuj yog peb saib rau Abba (יחוח)Yahweh, thiab yog tias peb meej pem, kuj yog peb saib rau nej. 14 Rau qhov (יהושע)Yahshua Messiah txojkev hlub kav rawv peb. Peb tso siab tias muaj ib tug tuag this sawvdaws, yog li ntawd, sawvdaws thiaj tuag tag lawm. 15 Thiab nws tuag this sawvdaws xwv cov uas tseem muaj txojsia nyob, thiaj tsis xam pom rau lawv tus kheej xwb, tiamsis yuav xam pom rau tus uas tuag thiab raug muab tsa sawv rov los, vim yog saib rau lawv. 16 Vim li no, txij no mus peb tsis tshuaj saib leejtwg raws li tibneeg ntiajteb saib. Txawm yog yav tag los peb tshuaj saib (יהושע)Yahshua Messiah raws li tibneeg ntiajteb saib, los nimno peb tsis tshuaj saib nws li ntawd ntxiv li lawm. 17 Vim li no, yog leejtwg nyob hauv (יהושע)Yahshua Messiah, tus ntawd kuj raug muab tsim dua tshiab lawm. Tej yam qub twb dua tag lawm, saib maj, tej yam tshiab twb tshwm los lawm.

18 Txhua yam no, tshwm ntawm Abba (יחוח)Yahweh los. Abba (יחוח)Yahweh siv (יהושע)Yahshua Messiah ua kom peb rov nrog Abba (יחוח)Yahweh sib raug zoo thiab muab tes haujlwm uas coj luag los nrog nws sib raug zoo rau peb ua, 

19 yog qhov uas Abba (יחוח)Yahweh nyob hauv (יהושע)Yahshua Messiah ua kom ntiaj teb rov nrog Abba

(יחוח)Yahweh sib raug zoo nws tsis suav tias lawv muaj txim, thiab nws muab zaj uas hais txog qhov uas rov nrog Abba (יחוח)Yahweh sib raug zoo rau peb qhia. 20 Vim li no, peb thiaj ua (יהושע)Yah-shua Messiah cov tub sawv cev, mas zoo li Abba (יחוח)Yahweh siv peb thov nej. Peb thiaj nyob (יהושע)Yahshua Messiah chaw thov nej los nrog Abba (יחוח)Yahweh sib raug zoo.

21 Abba (יחוח)Yahweh muab (יהושע)Yahshua Messiah uas tsis muaj txim, ua lub txim nyob peb chaw, kom peb thiaj tau Abba (יחוח)Yahweh txojkev ncaj ncees hauv (יהושעYahshua Messiah.

​