1 Vim peb nrog Abba (יחוח)Yahweh ua haujlwm, peb thov kom nej tsis txhob txais Abba  (יחוח)Yahweh txojkev hlub los ua yam uas tsis muaj qabhau.

2 Rau qhov Abba (יחוח)Yahweh hais tias, lub sijhawm uas kuv hlub, kuv twb mloog koj, hnub uas cawm dim, kuv twb pab koj. Saib maj, nimno yog lub sijhawm uas nws hlub, thiab no yog hnub uas cawm im.

3 Peb tsis muab ib yam abtsi los tav leejtwg kev kiag li kom qhov uas ua tes haujlwm no thiaj tsis raug thuam.

4 Tiamsis peb ua rau sawvdaws pom tias, peb yog cov uas ua koom tu Abba (יחוח)Yahweh rau txhua txojkev, yog qhov uas peb ua siab ntev thev ntau yam, raug kev txom nyem, kev ceeblaj, kev nyuaj siab, 5 peb raug nplawm, raug kaw hauv tsev loj faj, raug kev kub ntxhov, ua haujlwm khwv, nyiaj dab ntub, thiab yoo tshaib yoo nqhis, 6 peb muaj siab dawb paug, muaj kev paub, muaj kev thev taus, muaj kev khuvleej, muaj Tus Ntsuj Plig Dawbhuv thiab muaj txojkev hlub uas tuaj nruab siab, 7 peb hais lus tseeb thiab muaj Abba (יחוח)Yahweh lub hwjchim thiab tuav rawv txojkev ncaj ncees ua cuab yeej rau hauv txhais tes xis thiab txhais tes laug.

8 Peb raug luag hwm thiab raug luag saib tsis taus, peb raug luag thuam thiab raug luag qhuas. Luag hais tias peb yog tibneeg dag ntxias tiamsis tseem yog tibneeg ncaj, 9 peb zoo li tej tibneeg uas tsis muaj leejtwg paub los sawvdaws tseem paub peb zoo, peb zoo li tibneeg tuag, tiamsis saib maj tseem muaj txojsia nyob, peb raug nplawm los tsis tuag, 10 peb muaj kev txhawj xeeb tiamsis tseem xyiv fab tsis tu ncua, peb yog tibneeg pluag tiamsis tseem ua rau tibneeg coob coob nplua nuj tuaj, peb tsis muaj ib yam abtsi li los tseem muaj txhua yam ua peb tug.

11 Cov tibneeg Corinthians es, peb hais rau nej tsis zais kiag li thiab peb ua lub siab dav rau nej.

12 Peb tsis ua peb lub siab nqaim, tsuas yog nej ua nej lub siab nqaim xwb.

13 Thov nej ua ib yam nkaus li peb ua. Kuv hais rau nej ib yam li hais rau menyuam yaus, mas thov nej ua lub siab dav thiab.

​

Peb Lub Cev Yog Abba (יחוח)Yahweh Lub Tuam Tsev

14 Tsis txhob nrog tus uas tsis ntseeg koom ib tug quab. Rau qhov txojkev ncaj ncees yuav koom nrog txojkev tsis ncaj tau li cas? Thiab qhov kaj yuav koom nrog qhov tsaus ntuj tau li cas? 

15(יהושע)Yahshua Messiah thiab tus dab Npeli‑as yuav nyob tau ua ke li cas? Lossis tus ntseeg yuav muaj feem abtsi nrog tus tsis ntseeg? 

16 Abba (יחוח)Yahweh lub tuam tsev thiab tej dab mlom yuav sib haum tau li cas? Rau qhov peb yog Abba  (יחוח)Yahweh uas muaj txojsia nyob lub tuam tsev raws li Abba (יחוח)Yahweh hais cia tias, kuv yuav nyob hauv lawv thiab mus mus los los hauv lawv nruab nrab thiab kuv yuav ua lawv Tus Tswv thiab lawv yuav ua kuv haiv neeg. (Levis Kevcai 26:11-12; Yechetzqyah 37:27)

17 Vim li no, cia li tawm hauv lawv mus thiab cais ntawm lawv cov nyob rau ib cag, Abba (יחוח)Yahweh hais li no. Thiab tsis txhob kov tej uas qias tsis huv, kuv thiaj li txais yuav nej.

18 Thiab kuv yuav ua nej Leej Txiv thiab nej yuav ua kuv cov tub cov ntxhais. Abba (יחוח)Yahweh uas muaj hwjchim loj kawg nkaus hais li no. (Isayah 52:11;Yechetzqyah 20:41;Xamuyees 7:14)

​