Cov Tubtxib Haujlwm

1 Txhua tus yuav tsum suav tias peb yog (יהושע)Yahshua Messiah cov tub qhe thiab Abba (יחוח)Yahweh muab tej uas nws muab npog cia lawd, cob rau peb saib xyuas. 2 Tsis tag li ntawd cov uas lees saib xyuas, yuav tsum yog cov uas tso siab tau. 3 Kuv tus kheej mas qhov uas nej lossis tibneeg leejtwg yuav rau txim rau kuv, kuv suav tias yog qhov me me xwb. Txawm yog kuv los kuv tsis txiav txim rau kuv tus kheej. 4 Kuv lub siab qhia rau kuv hais tias, kuv yeej tsis tau ua txhaum, kuv hais li ntawd tsis yog kuv hais tias kuv tsis muaj txim. Abba (יחוח)Yahweh yog tus uas yuav txiav txim rau kuv.  5 Yog li ntawd, tsis txhob rau txim ua ntej uas tsis tau txog sijhawm. Cia li tos txog thaum (יהושע)Yahshua los mas nws yuav rho txhua yam uas muab zais rau hauv qhov tsaus ntuj lawd, los rau hauv qhov kaj thiab yuav thws tej uas tibneeg lub siab xav tshwm los. Thaum ntawd nyias yuav tau tej lus uas Abba (יחוח)Yahweh qhuas nyias.

6 Cov kwvtij, kuv muab Apaulaus thiab kuv zaj coj los piav rau nej, xwv thiaj pab tau nej, thiab kom nej thiaj li paub txog tej lus uas hais tias, tsis txhob ua dhau tej uas muab sau cia lawd, kom nej ib leeg thiaj tsis tsab ua loj dua ib leeg.

7 Leejtwg tsa nej lub neej zoo dua lwm tus lub? Txhua yam uas nej muaj puav leej yog Abba (יחוח)Yahweh pub rau nej los tsis yog? Ua li cas nej tseem khav hais tias yog nej khwv tau los xwb?

8 Nej twb muaj ib puas tsav yam txhij lawm lauj! Nej nplua nuj lawm lauj! Nej twb tau ua vajntxwv lawm tsis txog muaj peb. Kuv yeej xav kom nej tau ua vajntxwv tiag tiag xwv peb thiaj tau nrog nej kav. 9 Kuv xav tias, Abba (יחוח)Yahweh muab peb cov tubtxib tso rau tom tw ib yam li cov uas raug txiav txim tuag, peb thiaj ua yeeb yam rau lub qab ntuj, thiab rau cov tubtxib saum ntuj, thiab rau tibneeg saib. 10 Peb yog tibneeg ruam, vim saib rau (יהושע)Yahshua Messiah, nej yog cov uas muaj tswvyim hauv (יהושע)Yahshua Messiah. Peb qaug zog tiamsis nej muaj zog. Luag hwm nej tiamsis luag saib tsis taus peb.

11 Los txog tav no los peb tseem tshaib nqhis, tsis muaj ris tsho zoo hnav, peb raug nplawm thiab tsis muaj vag muaj tse, 12 thiab peb ua haujlwm khwv ntawm peb txhais tes. Thaum peb raug luag cem, peb kuj foom koob hmoov rau luag, thaum peb raug tsim txom, peb kuj ua siab ntev thev, 13 thaum peb raug luag iab liam, peb kuj ua tib zoo teb luag. Peb zoo li tej khoom uas tsis muaj nuj nqis hauv ntiajteb, thiab zoo li txhua yam uas qias los txog niaj hnub nimno. 14 Kuv tsis yog sau tej no ua rau nej txaj muag, tiamsis yog sau ntuas nej ib yam li nej yog kuv cov menyuam uas kuv hlub.

15 Txawm yog nej muaj coob tus xibhwb uas qhia nej txog (יהושע)Yahshua Messiah lawm, los nej tsis muaj ntau Leej Txiv, rau qhov kuv yog tus qhia txoj hmoo zoo thiaj yug tau nej rau hauv (יהושע)Yahshua Messiah. 16 Vim li no kuv thiaj thov kom nej ua yoog raws li kuv ua. 17 Vim li no kuv thiaj txib Timothy uas yog tus tub uas kuv hlub nyob hauv Abba (יחוח)Yahweh thiab yog tus uas kuv tso siab tau tuaj cuag nej, pab kom nej nco txog kuv lub neej hauv (יהושע)Yahshua Messiah ib yam li uas kuv qhia rau hauv txhua pawg ntseeg.

18 Muaj qee leej tsab ua loj, vim xav hais tias kuv yuav tsis tuaj cuag nej.

19 Tiamsis yog Abba (יחוח)Yahweh pom zoo, kuv yeej yuav tuaj cuag nej tsis ntev no, mas kuv tsis yog yuav paub cov tibneeg khav theeb ntawd tej lus xwb, tiamsis yuav paub lawv lub hwjchim. 20 Vim tias Abba (יחוח)Yahweh lub tebchaws tsis yog tej lus uas hais xwb tiamsis yog lub hwjchim. 21 Nej xav tau abtsi? Nej xav kom kuv coj rab nplawm tuaj rau nej, los coj txojkev hlub thiab lub siab mos siab muag tuaj?

​