Cov Uas Koom Ua Abba (יחוח)Yahweh Tes Haujlwm

1 Cov kwvtij, kuv tsis txawj hais rau nej ib yam li hais rau cov uas muaj Tus Ntsuj Plig Dawbhuv, tiamsis hais yam li hais rau cov uas nyob sab nqaij daim tawv thiab tseem yog menyuam mos hauv (יהושע)Yahshua Messiah. 2 Kuv muab kua mis yug nej, tsis yog muab tej zaub mov, rau qhov nej noj tsis tau, thiab nimno los nej tseem noj tsis tau thiab, 3 vim nej tseem nyob sab nqaij tawv. Thaum nej tseem sib khib thiab ib leeg nrog ib leeg sib cav, nej tseem nyob sab nqaij tawv thiab xyaum raws li tibneeg ntiajteb los tsis yog? 4 Thaum ib tug hais tias, kuv yog Sha-ul pab, thiab dua ib tug hais tias, kuv yog Apaulaus pab, nej kuj zoo li tibneeg ntiajteb los tsis yog? 

5 Apaulaus yog leejtwg? Sha-ul yog leejtwg? Kuj yog cov uas ua haujlwm coj nej los ntseeg raws li Abba (יחוח)Yahweh tu haujlwm rau nyias ua nyias. 6 Kuv yog tus cog, Apaulaus yog tus ywg dej, tiamsis Abba (יחוח)Yahweh ua kom loj hlob. 7 Vim li no, tus uas cog thiab tus uas ywg dej, tsis tseem ceeb abtsi, tsuas yog Abba (יחוח)Yahweh uas ua kom loj hlob thiaj li tseem ceeb xwb.

8 Tus uas cog thiab tus uas ywg dej, kuj yeej yog tib pab thiab txhua tus yuav tau nqe zog raws li nyias tes haujlwm.

9 Rau qhov peb koom nrog Abba (יחוח)Yahweh ua haujlwm, nej yog Abba (יחוח)Yahweh daim teb thiab yog Abba (יחוח)Yahweh lub tsev. 10 Vim txojkev hlub uas Abba (יחוח)Yahweh pub rau kuv, kuv thiaj li tiag taw ib yam li tus kws txawj ua tsev, thiab muaj dua ib tug tuaj tib thwv cib rau saum tej taw ntawd. Txhua tus yuav tsum ceev faj zoo tias nws yuav tib li cas.

11 Rau qhov leejtwg yuav tiag dua taw tsis tau lawm, tsuas yog siv tej uas twb muab tiag lawm, yog (יהושע)Yahshua Messiah xwb.

12 Yog leejtwg yuav coj nyiaj, coj kub, coj hlaws zeb uas muaj nqes, coj ntoo, coj nroj qhuav, lossis quav nyab, tuaj tib rau saum tej taw ntawd, 13 mas txhua tus tes haujlwm yeej yuav tshwm los rau sawvdaws pom, vim hnub uas teem cia ntawd yuav ua kom pom tseeb. Yuav raug hluavtaws nthuav tshwm los thiab hluavtaws yuav muab tes haujlwm uas txhua tus ua sim saib zoo li cas.

14 Yog leejtwg tes haujlwm uas, tib rau saum tej taw ntawd, nyob tau mus li, tus ntawd yuav tau nqe zog. 15 Yog leejtwg tes haujlwm kub hnyiab tag, tus ntawd yuav piam tag, tiamsis nws tus kheej yuav dim zoo ib yam li dim hauv hluavtaws los. 16 Nej tsis paub lov? Nej yog Abba (יחוח)Yahweh lub tuam tsev thiab Abba (יחוח)Yahweh tus Ntsuj Plig Dawbhuv nyob hauv nej. 17 Yog leejtwg rhuav tshem Abba (יחוח)Yahweh lub tuam tsev, Abba (יחוח)Yahweh yuav rhuav tshem tus ntawd. Vim tias Abba (יחוח)Yahweh lub tuam tsev yog lub chaw dawb huv, thiab nej yog lub tuam tsev ntawd ntag.

18 Tsis txhob rov dag yus tus kheej. Yog nej cov leejtwg xav hais tias, tiam no nws yog tus muaj tswvyim, cia tus ntawd ua tus ruam, xwv thiaj tau ua tus uas muaj tswvyim. 19 Rau qhov tej tswvyim hauv ntiajteb no Abba (יחוח)Yahweh pom tias yog kev ruam. Muaj lus sau cia hais tias, nws siv cov tibneeg muaj tswvyim txojkev ntse rov ntes lawv. 20 thiab muaj sau cia hais tias, Abba (יחוח)Yahweh yeej paub tias, tej uas cov tibneeg muaj tswvyim xav, yeej tsis muaj qabhau. 21 Vim li no, tsis txhob cia leejtwg khav txog tibneeg, rau qhov txhua yam yog nej li, 22 tsis hais Sha-ul, lossis Apaulaus, lossis Kepha, lossis lub ntiajteb no, thiab txojsia, thiab kev tuag, thiab lub sijhawm no, thiab yav tom ntej, txhua yam no puavleej yog nej li. 23 Thiab nej yog (יהושע)Yahshua Messiah li thiab (יהושע)Yahshua Messiah yog Abba (יחוח)Yahweh li.

​