Piav Txog Qhov Uas (יהושע)Yahshua Raug Teem Rau Saum Ntoo Ntsia Tes

1 Cov kwvtij, thaum kuv tuaj txog nej, kuv tsis yog tuaj hais lus zaj lus zuag lossis siv kev txawj ntse qhia tej uas Abba (יחוח)Yahweh muab npog cia lawd.

2 Rau qhov kuv npaj siab tias kuv yuav tsis qhia ib yam abtsi, tsuas yog qhia txog (יהושע)Yahshua thiab qhov uas nws raug teem rau saum tus ntoo ntsia tes xwb. 3 Thaum kuv tuaj cuag nej, kuv qaug zog thiab ntshai tshee hnyo. 4 Tej lus uas kuv hais thiab tej uas kuv qhia, tsis yog siv tej lus txawj lus ntse ntxias nej, tiamsis yog ua kom nej pom Tus Ntsuj Plig Dawbhuv lub hwjchim xwb, 5 nej txojkev ntseeg thiaj tsis yog vam khom tibneeg lub tswvyim, tiamsis vam khom Abba (יחוח)Yahweh lub hwjchim.

​

Abba (יחוח)Yahweh Lub Tswvyim

6 Txawm li ntawd los peb kuj hais txog tswvyim rau cov uas paub qabhau lawm, tiamsis tsis yog lub tswvyim ntawm tiam no, thiab tsis yog lub tswvyim ntawm cov thawj uas kav tiam no uas tabtom yuav ploj mus. 7 Tiamsis peb hais txog Abba (יחוח)Yahweh lub tswv yim uas tsis muaj leejtwg paub thiab muab zais cia lawm, yog lub tswvyim uas Abba (יחוח)Yahweh twb teem cia ua ntej tsim ntuj tsim teb uas yuav ua rau peb tau koob meej ci ntsa iab.  8 Cov thawj uas kav tiam no, tsis muaj ib tug paub lub tswvyim ntawd. Yog lawv paub lawm, lawv yuav tsis muab (יהושע)Yahshua Messiah uas muaj hwjchim ci ntsa iab teem rau saum tu ntoo ntsia tes.

9 Raws li uas muaj lus sau cia hais tias, yam uas qhov muag tsis pom, qhov ntsej tsis tau hnov, thiab tibneeg lub siab xav tsis txog, yog yam uas Abba (יחוח)Yahweh npaj cia rau cov uas hlub Abba (יחוח)Yahweh. (Isayah 64:3)

10 Mas Abba (יחוח)Yahweh kom Tus Ntsuj Plig Dawbhuv qhia yam ntawd rau peb, rau qhov Tus Ntsuj Plig Dawbhuv tshuaj saib txhua yam txawm yog nyob tob tob hauv Abba (יחוח)Yahweh.

11 Tej uas tibneeg xav tsis muaj leejtwg paub tau, tsuas yog tus tibneeg ntawd tus ntsuj plig thiaj paub xwb. Ib yam nkaus li ntawd, tej uas Abba (יחוח)Yahweh xav, kuj tsis muaj leejtwg paub tau, tsuas yog Abba (יחוח)Yahweh tus Ntsuj Plig thiaj paub xwb. 12 Peb tsis yog tau ntsuj plig ntawm ntiajteb tiamsis tau Ntsuj Plig ntawm Abba (יחוח)Yahweh, kom peb thiaj paub txog tej uas Abba (יחוח)Yahweh pub dawb dawb rau peb.

13 Thiab peb hais txog tej no tsis yog hais tej lus uas tibneeg lub tswvyim qhia, tiamsis yog tej lus uas Tus Ntsuj Plig Dawbhuv qhia, peb qhia tej uas yog sab ntsuj plig li rau cov uas muaj Tus Ntsuj Plig Dawbhuv.

14 Tiamsis cov uas tsis muaj Tus Ntsuj Plig Dawbhuv mas lawv tsis txais yuav tej uas yog Abba (יחוח)Yahweh tus Ntsuj Plig li, rau qhov lawv pom tias yog yam uas ruam thiab lawv tsis txawj nkag siab tsuas yog tus uas muaj Tus Ntsuj Plig Dawbhuv thiaj txawj tshuaj saib xwb. 15 Tus uas muaj Tus Ntsuj Plig Dawbhuv thiaj txawj tshuaj saib txhua yam, tiamsis tsis muaj leejtwg txawj tshuaj saib nws.

16 Leejtwg txawj paub Abba (יחוח)Yahweh lub siab thiab taw qhia nws tau? Tiamsis peb muaj (יהושע)Yahshua Messiah lub siab lawm (Isayah 40:13)