1 Kuv yog Sha-ul uas raug hu los ua (יהושע)Yahshua Messiah ib tug tubtxib raws li Abba (יחוח)Yahweh lub siab nyiam. Kuv thiab peb tus kwvtij Xauxatenes sau tsab ntawv no, 2 xa tuaj rau Abba (יחוח)Yahweh pawg ntseeg uas nyob hauv lub moos Corinthians uas muab cais ua cov uas dawb huv rau hauv (יהושע)Yahshua Messiah thiab raug hu los ua Abba (יחוח)Yahweh haivneeg koom nrog txhua tus uas nyob txhua qhov uas tuav peb tus Cawmseej (יהושע)Yahshua Messiah lub npe uas yog peb thiab lawv tus Cawmseej. 3 Thov txojkev hlub thiab txojkev ywjpheej ntawm Abba (יחוח)Yahweh uas yog peb Leej Txiv thiab ntawm tus Cawmseej (יהושע)Yahshua Messiah nrog nraim nej nyob.

 

Ua Abba (יחוח)Yahweh Tsaug

4 Kuv ua Abba (יחוח)Yahweh tsaug txog nej tsis tu ncua, vim txojkev hlub uas Abba (יחוח)Yahweh pub hauv (יהושע)Yahshua Messiah rau nej. 5 Nej tau txais txhua yam ntawm (יהושע)Yahshua Messiah puv npo, tsis hais txhua yam kev hais lus thiab txhua yam kev txawj ntse. 6 Vim tias tej lus timkhawv hais txog (יהושע)Yahshua Messiah nyob ruaj khov rau hauv nej lawm. 7 Nej thiaj tsis tu ncua ib yam abtsi uas Abba (יחוח)Yahweh pub rau ncua sijhawm uas nej tseem tos rawv peb tus Cawmseej (יהושע)Yahshua Messiah rov los.

8 (יהושע)Yahshua yuav ua rau nej nyob ruaj mus txog thaum kawg xwv thiaj tsis muaj chaw thuam nej tau rau hauv peb tus Cawmseej (יהושע)Yahshua Messiah hnub.  9 Abba  (יחוח)Yahweh uas hu nej los nrog nws tus tub (יהושע)Yahshua Messiah uas yog peb tus Cawmseej sib raug zoo, yog tus ncaj ncees uas peb tso siab tau.

Pawg Ntseeg Faib Ua Pab Ua Pawg

10 Cov kwvtij, kuv tuav peb tus Cawmseej (יהושע)Yahshua Messiah lub npe thov kom nej sawvdaws nyob sib haum thiab tsis txhob tawg ua pab ua pawg, thiab thov kom nej koom ua ib lub siab thiab xam pom ib yam nkaus xwb. 11 Kuv cov kwvtij, kuv hnov Khalau‑es tsev neeg hais rau kuv tias, nej muaj kev sib cav sib ceg. 12 Qhov uas kuv hais tias nej sib cav sib ceg yog qhov uas nej nyias taus nyias hais tias, kuv yog Sha-ul pab, kuv yog Apaulaus pab, kuv yog Kepha pab, lossis kuv yog (יהושע)Yahshua Messiah pab.

13 Muab (יהושע)Yahshua Messiah faib ua ntau tus lawm lov? Sha-ul yog tus raug teem rau saum ntoo ntsia tes this nej lov? Nej tau ua kevcai raus dej hauv Sha-ul lub npe lov? 

14 Kuv ua Abba (יחוח)Yahweh tsaug uas kuv tsis tau muab nej cov leejtwg ua kevcai raus dej, tsuas yog Khipas thiab Kai‑as nkawv xwb. 15 Yog li ntawd, tsis muaj leejtwg hais tau tias, nws ua kevcai raus dej hauv kuv lub npe. 16 Kuv tau muab Xatefanas tsev neeg ua kevcai raus dej lawm thiab. Dua li ntawd, kuv tsis nco qab xyov kuv tau muab leejtwg ua kevcai raus dej lawm thiab los tsis tau.

17 Rau qhov (יהושע)Yahshua Messiah tsis tau txib kuv mus coj ua kevcai raus dej, tiamsis txib kom qhia txoj hmoo zoo, tsis yog hais lus txawj lus ntse, tsam ua rau (יהושע)Yahshua Messiah tus ntoo ntsia tes tsis muaj hwjchim lawm.

​

(יהושע)Yahshua Yog Abba (יחוח)Yahweh Lub Hwjchim

Thiab Lub Tswvyim

18 Zaj uas hais txog qhov muab (יהושע)Yahshua teem rau saum tus ntoo ntsia tes yog kev ruam rau cov uas tabtom puam tsuaj, tiamsis yog Abba (יחוח)Yahweh lub hwjchim rau peb cov uas tabtom dim. 19 Rau qhov muaj lus sau cia hais tias, kuv yuav rhuav tshem cov tibneeg uas muaj tswvyim lub tswvyim, thiab yuav ua rau cov tibneeg txawj ntse txojkev txawj ntse ploj mus. (Isayah 29:14) 20 Tus tibneeg muaj tswvyim nyob qhovtwg? Tus xibhwb qhia kevcai nyob qhovtwg? Tiam no tus uas txawj sib cav txog txhua yam nyob qhov twg? Abba  (יחוח)Yahweh twb ua rau lub ntiajteb lub tswvyim ruam lawm los tsis yog?

 21 Vim tias raws li uas Abba (יחוח)Yahweh lub tswvyim teem cia, lub ntiajteb siv ntiajteb lub tswvyim xwb ces thiaj li tsis txawj paub txog Abba (יחוח)Yahweh, mas Abba (יחוח)Yahweh thiaj li txaus siab siv txojkev ruam uas kom peb tshaj tawm ua rau cov uas ntseeg dim. 22 Cov Yahdaim thov txujci tseem ceeb thiab cov Greek nrhiav tswvyim, 23 tiamsis peb tshaj tawm txog (יהושע)Yahshua Messiah uas raug teem rau saum ntoo ntsia tes, yog qhov uas ua rau cov Yahdaim dawm thiab lwm haiv neeg suav tias yog kev ruam.

24 Tiamsis peb qhia (יהושע)Yahshua Messiah uas yog Abba (יחוח)Yahweh lub hwjchim thiab yog Abba (יחוח)Yahweh lub tswvyim rau cov uas Abba (יחוח)Yahweh twb hu los lawd, tsis hais cov Yahdaim thiab cov Greek.

25 Txawm lawv yuav hais tias, Abba (יחוח)Yahweh lub tswvyim ruam no los, nws tseem muaj lub tswvyim loj dua tibneeg lub, thiab txawm lawv yuav hais tias, Abba (יחוח)Yahweh tsis muaj zog no los, nws tseem muaj zog tshaj tibneeg huv tibsi. 26 Cov kwvtij, cia li tshuaj saib thaum Abba (יחוח)Yahweh hu nej, nej zoo li cas. Raws li tibneeg ntiajteb xav, nej cov tsis muaj tsawg leej uas muaj tswvyim, tsis muaj tsawg leej uas muaj hwjchim, thiab tsis muaj tsawg leej uas muaj koob meej. 27 Tiamsis Abba (יחוח)Yahweh xaiv cov uas ruam hauv lub ntiajteb kom thiaj ua rau cov uas muaj tswvyim txaj muag.

Abba (יחוח)Yahweh xaiv cov uas tsis muaj zog hauv lub ntiajteb kom thiaj ua rau cov uas muaj zog txaj muag. 28 Abba (יחוח)Yahweh xaiv cov tibneeg qes qes, thiab cov uas lub ntiajteb saib tsis taus, thiab cov uas tsis tseem ceeb, los kom rhuav tshem tau tej uas tseem ceeb, 29 kom thiaj tsis muaj ib tug tibneeg khav tau rau ntawm Abba (יחוח)Yahweh lub xubntiag. 30 Vim muaj Abba (יחוח)Yahweh, nej thiaj tau nyob hauv (יהושע)Yahshua Messiah uas yog lub tswvyim uas Abba (יחוח)Yahweh pub rau peb, nws yog peb txojkev ncaj ncees thiab muab peb cais kom dawb huv thiab txhiv peb dim, 

31 kom thiaj ua raws li uas muaj lus sau cia hais tias, cia tus uas khav tsuas yog khav txog Abba (יחוח)Yahweh xwb. (Yeremyah 9:22-23)

​