Sha-ul Tej Lus Sib Fim

1 Kuv thov qhia rau nej paub peb tus muam Fenpis uas yog ib tug ua haujlwm hauv pawg ntseeg Kheekhias. 2 Thov nej tos txais nws hauv Abba (יחוח)Yahweh raws li uas tsim nyog txais cov ntseeg thiab pab nws raws li nws cheem tsum rau qhov nws tau pab tibneeg coob coob thiab tau pab kuv lawm. 3 Kuv nco ntsoov txog Plixakhas thiab Akhilas uas nrog kuv ua (יהושע)Yahshua Messiah tes haujlwm, 4 nkawv tau sev nyog txojsia pab kuv. Kuv ua nkawv tsaug, tsis yog kuv tib leeg xwb tiamsis txhua pawg ntseeg uas yog lwm haiv neeg kuj ua nkawv tsaug thiab. 5 Thiab nco txog pawg ntseeg uas nyob hauv nkawv tsev. Nco txog Epainethas uas kuv hlub, nws yog thawj tug uas los ntseeg hauv lub xeev Axias. 6 Nco txog Miriam uas siv zog ua haujlwm pab nej.

7 Nco txog Anraunikas thiab Yunas, uas nrog kuv koom ib haiv neeg thiab nrog kuv raug kaw ua ke. Nkawv muaj koob meej hauv cov tubtxib, thiab nkawv los nyob hauv (יהושע)Yahshua Messiah ua kuv ntej.

8 Nco txog Aplhi-athas, uas kuv hlub hauv Abba (יחוח)Yahweh. 9 Nco txog Unpanas uas nrog peb koom ua (יהושע)Yahshua Messiah tes haujlwm thiab nco txog Xathakhis uas kuv hlub. 10 Nco txog Apeles uas raug muab sim tias zoo heev rau hauv (יהושע)Yahshua Messiah. Nco txog Alithaupulas tsev neeg.

11 Nco txog Helaudi-oos uas nrog kuv koom ib haiv neeg. Nco txog cov uas ntseeg Abba (יחוח)Yahweh hauv Naxixas tsev neeg.

12 Nco txog Rhifenas thiab Rhifauxas uas tabtom ua Abba (יחוח)Yahweh tes haujlwm. Nco txog Pawxis uas kuv hlub thiab nws siv zog ua Abba (יחוח)Yahweh tes haujlwm. 13 Nco txog Lufas uas xaiv cia rau hauv Abba (יחוח)Yahweh thiab nws niam uas yog kuv niam thiab. 14 Nco txog Axikhithas, Falekoos, Hawmes, Palaunpas, Hawmas thiab cov kwv-tij uas nrog lawv nyob.

15 Nco txog Filaulaukas, Yulis, Nele‑as thiab nws tus muam, thiab Aulinpas thiab cov ntseeg sawvdaws uas nrog lawv nyob. 16 Cia li sib fim ntawm txoj kevcai nwj uas dawb huv. (יהושע)Yahshua Messiah txhua pawg ntseeg nco txog nej.

17 Cov kwvtij, kuv thov nej tshuaj saib tej tibneeg uas tsim kev sib cav thiab tav nej kev ua rau nej tig ntawm tej lus qhia uas nej tau kawm los lawd. Cia li txav deb ntawm lawv. 18 Lawv cov ntawd tsis yog ua peb tus Cawmseej (יהושע)Yahshua Messiah cov tubtxib, lawv ua lawv lub plab li qhev xwb, thiab ua lus mos, lus muag, lus qab zib, dag ntxias cov uas tsis paub qabhau lub siab.

19 Qhov uas nej mloog lus twb ncha mus txog txhua tus lawm, kuv thiaj zoo siab kawg rau nej. Kuv xav kom nej txawj ntse rau qhov uas zoo, ruam rau qhov uas phem. 20 Tshuav tsis ntev Abba (יחוח)Yahweh uas pub txojkev siab tus yuav muab Xatas nias ntho rau hauv nej xib taws. Thov peb tus Cawmseej (יהושע)Yahshua Messiah txojkev hlub nrog nraim nej. 21 Timautes uas nrog kuv ua haujlwm kuj nco txog nej. Lukas thiab Yaxoos thiab Xauxipathaws uas nrog kuv koom ib haiv neeg kuj nco txog nej thiab.

22 Kuv uas yog Thawthias, yog tus sau Sha-ul tsab ntawv no, kuv kuj nco txog nej hauv Abba (יחוח)Yahweh. 23 Kai‑as uas kuv nrog nyob thiab nws muab nws lub tsev ua chaw rau pawg ntseeg sawvdaws pe hawm Abba (יחוח)Yahweh nco txog nej. Elathas uas ua thawj saib xyuas txhab nyiaj hauv lub moos thiab peb tus kwv Khauthas nco txog nej thiab.

24 [Thov kom peb tus Cawmseej (יהושע)Yahshua Messiah txojkev hlub nrog nraim nej txhua tus. Amees!]

​

Xaus Lus Qhuas Abba (יחוח)Yahweh

25 Cia li qhuas tus uas pab tau nej nyob ruaj raws li txoj hmoo zoo uas kuv qhia thiab raws li qhov uas kuv tshaj tawm txog (יהושע)Yahshua Messiah, thiab raws li qhov uas nthuav tej uas muab npog cia tob tob thaum ub los lawd tshwm los. 26 Tiamsis nimno twb muab tej no nthuav tshwm los rau txhua haiv neeg pom tseeb raws li tej lus uas cov xibhwb cev Abba (יחוח)Yahweh lus sau cia, yog raws li Abba (יחוח)Yahweh uas muaj txojsia nyob mus ib txhis tau hais cia kom lawv thiaj tau ntseeg thiab mloog lus. 27 Thov cia Abba (יחוח)Yahweh tib leeg uas muaj tswvyim tau koob meej hauv (יהושע)Yahshua Messiah mus ib txhis. Haleluyah! Amees!