Ua Kom Txaus Lwm Tus Lub Siab

1 Peb cov uas ruaj khov lawm tsim nyog thev qhov uas cov tsis tau muaj zog ua yuam kev, thiab peb tsis txhob ua kom txaus peb lub siab xwb. 2 Cia peb txhua tus ua rau lwm tus txaus siab xwv thiaj muaj qabhau txhawb tau lwm tus lub zog. 3 Rau qhov (יהושע)Yahshua Messiah tsis ua yam uas txaus nws siab xwb, tiamsis raws li muaj lus sau cia tias, tej lus uas luag thuam koj poob rau saum kuv. 4 Rau qhov tej uas sau cia yav thaum ub, kuj yog sau cia qhuab qhia peb kom Abba (יחוח)Yahweh txojlus thiaj ua rau peb muaj lub siab ntev thev taus thiab txhawb peb lub zog peb thiaj muaj siab vam.

5 Thov Abba (יחוח)Yahweh uas pub peb muaj lub siab ntev thev taus thiab txhawb peb lub zog pab nej kom koom tau ua ib lub siab raws li ahshua Messiah, 6 kom nej thiaj ua ib lub siab qhuas Abba (יחוח)Yahweh uas yog peb tus Cawmseej (יהושע)Yahshua Messiah leej Txiv.

​

Qhia Txoj Hmoo Zoo Rau Lwm Haiv neeg

7 Vim li no, ib leeg yuav tsum txais yuav ib leeg, ib yam li (יהושע)Yahshua Messiah twb txais yuav nej kom thiaj ua rau Abba (יחוח)Yahweh tau koob meej.

8 Kuv hais rau nej tias (יהושע)Yahshua Messiah los tu cov uas ua kevcai txiav kom thiaj ua Abba (יחוח)Yahweh txojkev tseeb tshwm los, thiaj qhwv tej lus uas cog tseg rau peb tej yawg koob lawd, 9 thiab lwm haiv neeg thiaj tau qhuas Abba (יחוח)Yahweh vim nws khuvleej. Raws li muaj lus sau cia hais tias, vim li no kuv thiaj qhuas koj rau hauv lwm haiv neeg thiab hu nkauj qhuas koj lub npe.

10 thiab muaj lus hais dua tias, lwm haiv neeg es, cia li nrog Abba (יחוח)Yahweh haiv neeg zoo siab xyiv fab. 11 Thiab muaj lus hais dua tias, lwm haiv neeg txhua tus, cia li qhuas Abba (יחוח)Yahweh, ib tsoom tibneeg sawv-daws, cia li qhuas ntxhias nws. 12 Thiab Isayah kuj hais tias, Yexis tus cag yuav los, yog tus uas yuav sawv kav lwm haiv neeg. Lwm haiv neeg yuav muaj lub chaw vam rau hauv nws. 13 Thov Abba (יחוח)Yahweh uas pub kev vam ua kom nej xyiv fab thiab nyob kaj siab lug kawg nkaus hauv txojkev ntseeg, kom Tus Ntsuj Plig Dawbhuv lub hwjchim thiaj pub kom nej muaj siab vam kawg nkaus.

​

Sha-ul Tes Haujlwm

14 Kuv cov kwvtij, kuv ntseeg tias nej muaj txhua yam zoo thiab paub txhua yam thiab ib leeg txawj ntuas ib leeg.

15 Tiamsis qhov uas kuv muaj cuab kav sau qee zaj rau nej yog ceeb toom kom nej nco, vim yog txojkev hlub uas Abba (יחוח)Yahweh pub rau kuv 16 kom ua (יהושע)Yahshua Messiah ib tug tubtxib rau lwm haiv neeg thiab ua pov thawj tes haujlwm qhia Abba (יחוח)Yahweh txoj hmoo zoo, xwv lwm haiv neeg thiaj ua tau yam uas muab xyeem haum Abba (יחוח)Yahweh lub siab, yog yam uas Tus Ntsuj Plig Dawbhuv muab cais kom dawb huv lawm. 17 Yog li no, hauv (יהושע)Yahshua Messiah, kuv thiaj muaj chaw khav txog tej uas kuv ua rau Abba (יחוח)Yahweh. 18 Kuv tsis kav hais txog ib yam abtsi tsuas yog hais txog tej uas (יהושע)Yahshua Messiah txib kuv ua kom coj lwm haiv neeg los mloog Abba (יחוח)Yahweh lus. Nws siv kuv tej lus thiab tej haujlwm uas kuv ua, 19 yog siv lub hwjchim ntawm tej txujci tseem ceeb thiab txujci phimhwj, thiab siv Tus Ntsuj Plig Dawbhuv lub hwjchim, kuv thiaj qhia txoj hmoo zoo hais txog (יהושע)Yahshua Messiah tag nrho huvsi mus thoob plaws txij ntua lub nroog Yeluxalees mus txog lub xeev Ililikhus.

20 Kuv pheej npaj siab xav mus qhia txoj hmoo zoo rau tej chaw uas tsis txeev muaj tibneeg mus qhia txog (יהושע)Yahshua Messiah lub npe kiag li, xwv kuv thiaj tsis mus ua rau saum tej taw tiag uas lwm tus twb ua cia lawd, 

21 raws li muaj lus sau cia hais tias, cov uas tsis txeev muaj tibneeg mus qhias txog nws, lawv yuav tau pom, thiab cov uas tsis tau hnov dua yuav nkag siab.

​

Sha-ul Xav Mus Lub Nroog Romans

22 No yog qhov uas tab kaum kuv ntau kuv thiaj tsis tau tuaj saib nej. 23 Tiamsis nimno kuv tsis muaj haujlwm ua hauv tej tebchaws ntawd lawm, thiab kuv twb xav tuaj cuag nej ntau xyoo lawm. 24 Vim li no, thaum kuv yuav hla nej mus rau Xapemes tebchaws, kuv vam tias kuv yuav ntsib nej, thiab thaum kuv nrog nej nyob ib ntus txaus siab lawm, nej yuav pab xa kuv mus. 25 Nimno kuv tabtom mus rau Yeluxalees, yog mus pab cov tibneeg dawb huv. 26 Rau qhov cov ntseeg hauv lub xeev Makhedaunias thiab lub xeev Akhayas pom zoo sau nyiaj xa mus rau cov tibneeg dawb huv uas txom nyem hauv Yeluxalees. 27 Lawv zoo siab ua qhov no thiab qhov tseeb, lawv kuj tshuav cov ntseeg hauv Yeluxalees nqe thiab. Yog lwm haiv neeg los koom tej uas Abba (יחוח)Yahweh pub rau sab ntsuj plig rau cov ntseeg hauv Yeluxalees, kuj tsim nyog lawv tu cov nyob hauv Yeluxalees sab nqaij tawv. 28 Thaum kuv xa cov nyiaj uas sau ntawd mus cob rau lawv tag lawm, kuv yuav hla nej mus rau Xapemes tebchaws. 29 Kuv paub tias thaum kuv tuaj txog nej, kuv yuav coj (יהושע)Yahshua Messiah txoj koob hmoov txhij zog tuaj rau nej.

30 Cov kwvtij, vim muaj peb tus Cawmseej (יהושע)Yahshua Messiah thiab Tus Ntsuj Plig Dawbhuv txojkev hlub, kuv thiaj thov kom nej koom ua ib lub siab siv zog thov Abba (יחוח)Yahweh pab rau kuv 31 kom dim cov tibneeg uas tsis ntseeg hauv lub xeev Yudah thiab thov kom tej haujlwm uas kuv mus ua rau hauv Yeluxalees yuav haum cov tibneeg dawb huv lub siab, 32 xwv kuv thiaj muaj siab xyiv fab tuaj cuag nej raws li Abba (יחוח)Yahweh lub siab nyiam, thiab nrog nej nyob sov siab. 33 Thov Abba (יחוח)Yahweh uas pub txojkev siab tus nrog nraim nej txhua tus. Amen!