Tsis Txhob Txiav Txim Rau Lwm Tus

1 Nej yuav tsum txais tus uas kev ntseeg yau, tsis txhob sib cav rau tej uas nyias lub siab xav. 2 Ib tug ntseeg hais tias, noj txhua yam tau, tiamsis tus uas kev ntseeg yau tsuas yog noj zaub xwb.

3 Tus uas noj los tsis txhob saib tsis taus tus uas tsis noj, thiab tus uas tsis noj los tsis txhob txiav txim tias tus uas noj txhaum, rau qhov Abba (יחוח)Yahweh twb txais nws lawm.

 4 Koj yog leejtwg es koj yuav txiav txim rau lwm tus li tub qhe? Tus tub qhe yuav sawv ntseg lossis yuav ntog, kuj nyob ntawm nws tus lospav. Nws yuav sawv ruaj khov rau qhov Abba (יחוח)Yahweh muaj peevxwm ua rau nws sawv ntseg tau. 5 Ib tug xav tias muaj qee hnub tseem ceeb, qee hnub tsis tseem ceeb, tiamsis muaj dua ib tug xav tias, txhua hnub tseem ceeb ib yam nkaus. Cia txhua tus nyias tso siab rau nyias qhov kev xav.

6 Tus uas hwm hnub no [nag hmo, tag kis], kuj yog hwm ua rau Abba (יחוח)Yahweh tau koob meej. Tus uas noj txhua yam, kuj yog noj ua rau Abba (יחוח)Yahweh tau koob meej rau qhov nws ua Abba (יחוח)Yahweh tsaug. Tus uas tsis noj, kuj yog tsis ua rau Abba  (יחוח)Yahweh tau koob meej, thiab tsis ua Abba Yahh tsaug.

7 Peb cov tsis muaj leejtwg muaj txojsia nyob rau nws tus kheej thiab tsis muaj leejtwg tuag rau nws tus kheej xwb.

8 Yog peb muaj txojsia nyob, kuj yog nyob rau Abba (יחוח)Yahweh, thiab yog peb tuag kuj yog tuag rau Abba (יחוח)Yahweh. Yog li ntawd txawm yog peb muaj txojsia nyob lossis tuag mus lawm los peb yeej yog Abba

(יחוח)Yahweh tug.

9 Vim li no, (יהושע)Yahshua Messiah thiaj li tuag thiab ciaj sawv rov los kom thiaj ua tau cov tibneeg tuag thiab cov tibneeg ciaj tus Tswv. 10 Koj nev, ua cas koj yuav txiav txim rau koj tus kwvtij? Lossis ua cas koj yuav saib tsis taus koj tus kwvtij? Vim tias peb txhua tus yuav tsum sawv ntawm Abba (יחוח)Yahweh lub zwm txwv txiav txim. 11 Rau qhov muaj lus sau cia hais tias, Abba (יחוח)Yahweh hais tias, kuv yeej muaj txojsia nyob, txhua lub hauv caug yuav pe hawm kuv thiab txhua tus nplaig yuav qhuas Abba (יחוח)Yahweh. 12 Yog li no peb txhua tus nyias yuav tsum hais nyias zaj rau Abba (יחוח)Yahweh.

​

Tsis Txhob Ua Kom Lwm Tus Dawm

13 Yog li no peb ib leeg tsis txhob txiav txim tias ib leeg txhaum, tiamsis peb yuav tsum txiav txim siab tias yuav tsis ua ib yam abtsi ua rau lwm tus dawm lossis tav lwm tus kev mas zoo dua.

14 Hauv tus Cawmseej (יהושע)Yahshua Messiah kuv paub thiab tso siab tias tsis muaj ib yam abtsi uas nws cia li qias nws xwb, tiamsis yog leejtwg xav tias yam twg qias tsis huv mas yam ntawd kuj qias tsis huv rau tus ntawd. 15 Yog koj tus kwvtij nyuaj siab rau tej zaub mov uas koj noj, koj kuj tsis tau xyaum raws li txojkev hlub lawm. Tsis txhob cia tej uas koj noj ua rau tus uas (יהושע)Yahshua Messiah twb tuag txhiv lawd puam tsuaj.

16 Yog li no tsis txhob cia yam uas koj pom tias zoo, ua lub chaw rau lwm tus thuam. 17 Rau qhov Abba (יחוח)Yahweh lub tebchaws tsis yog kev noj kev haus, tiamsis yog qhov uas ncaj ncees thiab nyob kaj siab lug thiab txoj-kev xyiv fab uas nyob hauv Tus Ntsuj Plig Dawbhuv. 18 Tus uas ua koom tu (יהושע)Yahshua Messiah raws nraim li no, kuj ua haum Abba (יחוח)Yahweh lub siab thiab tibneeg kuj hwm nws. 19 Yog li no cia peb huas qas ntshis ua tej uas ua kom muaj kev sib haum xeeb, thiab ua tej uas ua rau ib leeg txhawb ib leeg lub zog. 20 Tsis txhob rhuav Abba (יחוח)Yahweh tes haujlwm, vim yog saib rau tej zaub mov. Txhua yam zaub mov puavleej huv tiag, tiamsis qhov uas noj tej zaub mov uas ua kom lwm tus dawm, kuj yog tsis zoo. 21 Qhov uas tsis noj nqaij, lossis tsis haus cawv txiv hmab, lossis tsis ua ib yam abtsi uas ua rau koj tus kwvtij dawm, kuj yog qhov zoo.

22 Koj kev ntseeg uas ntsig txog tej no cia nyob ntawm koj thiab Abba (יחוח)Yahweh xwb. Tus uas tsis muaj chaw hais tias, nws tus kheej txhaum rau tej uas nws pom zoo, kuj tau nyob kaj siab lug. 23 Tiamsis tus uas ua xyem xyav yog nws tseem noj, kuj raug txim lawm vim nws tsis noj raws li nws ntseeg. Txhua yam uas tsis yog ua raws li qhov uas ntseeg puavleej txhaum huvsi.

​