Nyob Qab Kev Tswjhwm

1 Txhua tus yuav tsum nyob hauv tus uas kav qab kev tswjhwm, vim tias tsis muaj ib tug hwjchim twg uas tsis yog los ntawm Ab (יחוח)Yahweh los, thiab cov uas tau hwjchim ntawd yog Abba (יחוח)Yahweh tsa.

2 Vim li ntawd tus uas tawv nyom lub hwjchim ntawd, kuj yog nws tawv nyom tus uas Abba (יחוח)Yahweh tsa, thiab cov uas tawv nyom ntawd yuav raug txim.

3 Tus uas xyaum zoo tsis txog ntshai cov thawj kav, tiamsis tus uas xyaum tsis zoo yuav ntshai. Koj tsis ntshai tus uas muaj hwjchim kav lov? Yog li ntawd, koj yuav tsum ua qhov zoo xwb mas nws thiaj qhuas koj.

4 Vim nws yog Abba (יחוח)Yahweh tus tus qhe uas muaj txiaj ntsig rau koj. Tiamsis yog koj ua phem, cia li ntshai nawj, rau qhov tus uas kav ntawd, tsis yog tuav ntaj do do xwb, nws yog Abba (יחוח)Yahweh tus tub qhe uas yuav txiav txim li uas Abba (יחוח)Yahweh npau taws rau tus uas ua txhaum.

5 Vim li no nej yuav tsum nyob hauv cov nom tswv qab kev tswjhwm tsis yog yuav zam Abba (יחוח)Yahweh txojkev npau taws xwb, tiamsis yog muaj lub siab uas paub qhov zoo qhov phem.  

6 Vim li no, nej yuav tsum them se, rau qhov cov uas muaj hwjchim ka, yog Abba (יחוח)Yahweh cov qhev uas ua tej haujlwm no mus li.

7 Cia li them rau txhua tus uas koj yuav tsum them, tsis hais them se tibneeg, them se liaj, se teb rau tus uas yuav tsum them, hwm tus uas yuav tsum hwm, thiab muab koob meej rau tus uas yuav tsum muab.

​

Sib Hlub Li Kwvtij

8 Tsis txhob tshuav leejtwg li nuj nqes abtsi li, tsuas yog tshuav nqe sib hlub, rau qhov tus uas hlub lwm tus, kuj ua raws nraim li txoj kevcai huvsi lawm.

9 Nqe uas hais tias, tsis txhob deev luag poj luag txiv, tsis txhob tua tibneeg, tsis txhob ua tub sab, tsis txhob ua siab hlob xav tau luag tug, thiab lwm nqe kuj sau zog rau hauv nqe no uas hais tias, nej yuav tsum hlub kwvtij zej zog ib yam li nej hlub nej tus kheej.

10 Kev hlub tsis ua phem rau kwvtij zej zog kiag li, vim li no txojkev hlub thiaj ua rau txoj kevcai tiav puv npo.

11 Tsis tag li ntawd, nej yeej paub tias txog lub sijhawm uas nej yuav tsum tsim dheev nruab dab ntub lawm, rau qhov nimno txojkev dim twb los ze heev dua li thaum uas peb pib ntseeg lawm.

12 Twb tsaus ntuj ntev lawm twb yuav kaj ntug. Peb cia li tso qhov tsaus ntuj tej haujlwm tseg thiab muab txojkev kaj tej cuab yeej los hnav.

13 Cia peb xyaum zoo kom phim qhov uas nyob nruab hnub, tsis txhob noj haus qaug dej qaug cawv, tsis txhob ua dev, ua npua, ua phem, ua qias, tsis txhob sib cav, sib ceg, sib khib.

14 Tiamsis cia li muab tus Cawmseej (יהושע)Yahshua Messiah los hnav, tsis txhob npaj siab ua tej kev phem uas lub cev nqaij tawv ntshaw.

​