Lub Neej Tshiab

1 Yog li no, cov kwvtij, vim Abba (יחוח)Yahweh txojkev khuvleej, kuv thiaj thov nej muab nej lub cev xyeem pub rau Abba (יחוח)Yahweh, yog yam uas xyeem ciaj sia thiab dawb huv thiab txaus Abba (יחוח)Yahweh lub siab ua qhov uas nej sab ntsuj plig pe hawm Abba (יחוח)Yahweh.

2 Tsis txhob yoog raws li tej tibneeg tiam no ua. Nej yuav tsum txais kev hloov dua siab nej tej kev xav thiaj hloov dua tshiab. Mas nej yuav paub tias Abba (יחוח)Yahweh lub siab nyiam li cas thiaj paub tias yam uas zoo, thiab yam uas txaus nws siab, thiab yam uas zoo kawg nkaus. 3 Kuv hais rau nej txhua tus hauv Abba (יחוח)Yahweh txojkev hlub uas pub rau kuv lawm tias, nej tsis txhob xav tias nej tus kheej loj dhau li uas tsim nyog xav, tiamsis nej yuav tsum ua tib zoo xav kom phim qhov uas Abba (יחוח)Yahweh pub txojkev ntseeg npaum li cas rau nej. 4 Hauv peb lub cev, peb muaj ntau yam thiab txhua yam ntawd, tsis yog ua tib yam haujlwm xwb.

5 Ib yam li ntawd, peb muaj coob leej kuj koom ib lub cev hauv Messiah thiab ib leeg koom rau ib leeg. 6 Peb txhua tus nyias muaj nyias tswvyim raws li txojkev hlub uas Abba (יחוח)Yahweh pub rau peb. Yog nws pub kom cev Abba (יחוח)Yahweh lus, kuj cia li cev raws li muaj kev ntseeg npaum li cas, 7 tus txawj tu lwm tus, cia li ua koom, tus txawj qhuab qhia cia li qhuab qhia, 8 tus txawj txhawb lwm tus lub zog cia li txhawb, tus txawj pub rau luag, cia li ua siab dav pub, tus txawj kav cia li muab siab rau kav, tus txawj khuvleej luag cia li zoo siab hlo khuvleej. 9 Cia li hlub tuaj nruab siab tiag tiag. Cia li ntxub yam uas phem, tuav rawv yam uas zoo. 10 Cia li sib hlub li kwvtij sib hlub. Muab lwm tus saib hlob dua yus.

11 Cia li rau siab ua haujlwm, tsis txhob qaug zog, cia li kub siab lug rau sab ntsuj plig ua koom tu Abba (יחוח)Yahweh. 12 Cia li zoo siab xyiv fab rau hauv txojkev vam, cia li ua lub siab ntev thev kev txom nyem, thiab thov Abba (יחוח)Yahweh tsis tseg tsis tu li. 13 Cia li pub rau cov tibneeg dawb huv uas tu pluas, thiab ua siab dav txais qhua. 14 Cia li foom koob hmoov rau cov uas tsim txom nej, cia li foom koob hmoov rau lawv tsis txhob tsawm foom li. 15 Cia li nrog cov uas xyiv fab zoo siab xyiv fab, thiab nrog cov uas quaj, quaj.

16 Cia li koom ua ib lub siab, tsis txhob tsab ua loj, yuav tsum yeem koom nrog cov tibneeg tsis tseem ceeb. Tsis txhob xav tias yus ntse dua. 17 Tsis txhob ua phem pauj phem rau leejtwg kiag li, tiamsis tsom ntsoov ua yam uas sawvdaws pom tias zoo. 18 Yog ua tau mas koj yuav siv zog nrog luag nyob sib haum xeeb npaum li uas koj tus kheej ua tau. 19 Nej cov uas kuv hlub, tsis txhob sib pauj, cia li muab qhov no tso rau Abba (יחוח)Yahweh txojkev npau taws, vim muaj lus sau cia hais tias, qhov uas ua pauj yog kuv li feem, kuv yuav pauj. Abba (יחוח)Yahweh hais li no ntag. 20 Tiamsis yog koj tus yeeb ncuab tshaib plab, cia li muab mov rau nws noj, yog nws nqhis dej cia li muab rau nws haus, yog koj ua li ntawd, koj yuav rauv ib cub thee cig plaws rau saum nws taubhau. 21 Tsis txhob cia kev phem kov yeej nej, tiamsis cia qhov zoo kov yeej qhov phem.