Cov Ixayees Uas Tseem Tshuav Nyob

1 Kuv txawm nug tias, Abba (יחוח)Yahweh muab nws haiv neeg tso tseg lawm lov? Tsis yog li ntawd. Kuv tus kheej kuv yeej yog haiv neeg Ixayees, yog Abraham caj ces thiab yog xeem Npeeya-mees. 2 Abba (יחוח)Yahweh tsis tau muab haiv neeg uas nws xaiv cia lawd tso tseg. Nej tsis paub Abba (יחוח)Yahweh phau ntawv zaj uas hais txog Eliyas lov? Nws yws cov Ixayees lub txim rau Abba (יחוח)Yahweh tias, 3 Abba (יחוח)Yahweh, lawv tua cov xibhwb cev koj li lus, lawv muab koj tej thaj xyeem rhuav pov tseg. Tsuas tshuav kuv tib leeg xwb los lawv tseem nrhiav txov kuv txojsia thiab. 4 Tiamsis Abba (יחוח)Yahweh teb nws li cas? Kuv tseg xya txhiab leej cia rau kuv, yog cov uas tsis tau txhos caug pe hawm dab Npa‑as. 5 Ib yam li ntawd, niaj hnub nimno tseem tshuav ib co nyob raws li uas Abba (יחוח)Yahweh txojkev hlub xaiv cia. 6 Tiamsis yog xaiv raws li txojkev hlub, mas tsis yog raws li txojkev xyaum lawm. Yog raws li txojkev xyaum mas txojkev hlub tsis yog tseem kev hlub lawm.

7 Yog li ntawd yuav hais li cas? Cov Ixayees tsis ntsib yam uas lawv nrhiav. Cov uas Abba (יחוח)Yahweh xaiv cia thiaj ntsib, tiamsis dua li lwm tus ua lub siab tawv, 8 raws li uas muaj lus sau cia tias, Abba (יחוח)Yahweh pub lub siab ruam puas ntsoog, lub qhov muag tsis pom kev, thiab lub qhov ntsej tsis hnov lus rau lawv los txog niaj hnub nimno. 9 Thiab Daviv hais tias, thov cia lawv lub rooj noj ua yej ua ntxiab cuab lawv, thiab ua yam uas lawv dawm, thiab yam uas pauj rau lawv.

10 Thov kom lawv lub qhov muag tsaus lawv thiaj tsis pom kev, thiab ua kom lawv lub duav khoov mus li.

​

Lwm Haiv neeg Dim

11 Kuv thiaj nug tias, cov Ixayees dawm ntog tag lov? Tsis yog li ntawd. Tiamsis qhov uas lawv fav xeeb ntawd ua rau txojkev dim nthuav mus rau lwm haiv neeg, xwv thiaj ua rau cov Ixayees khib. 12 Yog qhov uas lawv fav xeeb ntawd, ua rau tag nrho lub ntiajteb tau koob hmoov nplua mias thiab yog qhov uas lawv plam lawm, ua rau lwm haiv neeg tau koob hmoov nplua mias, mas thaum cov Ixayees los ntseeg txhij lawm, yuav yimhuab zoo dua. 13 Kuv hais rau nej cov uas yog lwm haiv neeg. Vim kuv yog ib tug tubtxib rau lwm haiv neeg, kuv thiaj qhuas kuv tes haujlwm 14 xwv thiaj ua rau kuv cov tibneeg khib thiab cawm tau lawv qee leej dim.

15 Yog qhov uas lawv raug muab tso tseg lawm, ua chaw rau lub ntiajteb rov los nrog Abba (יחוח)Yahweh sib raug zoo, mas qhov uas Abba (יחוח)Yahweh rov lees yuav lawv dua, mas yuav zoo li lawv sawv hauv qhov tuag rov los, los tsis yog? 16 Yog thawj phaum hmoov uas muab xyeem, dawb huv lawm, tag nrho cov hmoov huvsi dawb huv thiab. Yog tus cag dawb huv lawm, tej ceg kuj dawb huv thiab. 17 Yog tej ceg ib txhia raug muab txiav lawm, thiab muab koj uas yog tsob txiv aulib qus, tus ntsuag los txuas rau cov ceg ntawd qhov chaw kom thiaj koom tib cov dej ntawm lub hauv paus txiv aulib nyeg los yug, 18 mas koj tsis txhob khav, saib tsis taus cov ceg ntawd. Yog koj khav, cia li nco tias koj tsis tau yug tus cag, tiamsis tus cag yug koj. 19 Koj yuav hais tias, tej ceg raug muab txiav pov tseg kom thiaj muab kuv txuas rau hauv.

20 Tseeb tiag. Lawv yeej raug muab txiav, vim lawv tsis ntseeg, tiamsis koj nyob tau vim yog koj ntseeg. Yog li ntawd koj tsis txhob khav theeb, koj yuav tsum paub ntshai, 21 rau qhov yog Abba (יחוח)Yahweh tsis tseg tej ceg nyeg ntawd nyob, nws yeej yuav tsis tseg koj nyob ib yam nkaus thiab. 22 Vim li no cia li tshuaj saib Abba (יחוח)Yahweh txojkev hlub thiab qhov uas nws ua nruj ua tsiv. Nws ua nruj ua tsiv rau cov uas dawm ntog, tiamsis nws ua txojkev hlub tshwm rau koj, tsuav yog koj nyob hauv nws txojkev hlub ntawd mus li. Yog tsis ua li ntawd, koj yuav raug muab txiav pov tseg thiab.

23 Thiab cov Ixayees yog lawv yeem tso qhov uas pheej tsis ntseeg tseg mas lawv yuav raug muab rov txuas dua, rau qhov Abba (יחוח)Yahweh muaj hwjchim muab lawv rov los txuas dua tau thiab.

24 Yog koj raug muab txiav ntawm tsob txiv aulib uas ib txwm yeej yog txiv aulib qus thiab raug muab txuas rau hauv tsob txiv aulib nyeg uas ib txwm tsis tau txuas dua li, mas qhov uas muab tej ceg uas ib txwm yog ceg nyeg txuas rau lawv tsob txiv aulib nyeg, kuj yimhuab yoojyim dua.

 

Cov Ixayees Yuav Dim

25 Cov kwvtij es, kuv xav kom nej nkag siab txog tej uas muab npog cia tob tob lawd, kom nej thiaj tsis khav tias nej txawj ntse. Cov Ixayees ua lub siab tawv ib ntus xwb mus txog thaum lwm haiv neeg nkag los txhij lawm 26 ces tag nrho cov Ixayees sawvdaws kuj yuav dim, raws li uas muaj lus sau cia hais tias, tus cawmseej yuav tuaj hauv Xi‑oos tuaj, nws yuav rhuav tej kev phem kom ploj hauv Yaaqob mus. 27 No yog tej lus cog tseg uas kuv cog rau thaum kuv daws lawv lub txim. 28 Hais txog txoj hmoo zoo mas lawv ua yeeb ncuab rau Abba (יחוח)Yahweh, nej thiaj tau qabhau. Tiamsis hais txog qhov uas xaiv cia lawd, lawv yog cov uas Abba (יחוח)Yahweh hlub vim yog saib rau lawv tej poj koob yawm txwv. 29 Rau qhov Abba (יחוח)Yahweh yeej tsis hloov siab rau tej uas nws pub dawb thiab qhov uas nws hu los. 30 Yav tag los nej tsis mloog Abba (יחוח)Yahweh lus, tiamsis nimno nej tau Abba (יחוח)Yahweh txojkev khuvleej vim yog tim cov Ixayees tsis mloog lus. 31 Ib yam li ntawd, lawv cov ntawd kuj tsis mloog lus xwv nimno lawv thiaj tau kev khuvleej vim yog Abba (יחוח)Yahweh twb khuvleej nej lawm. 32 Abba (יחוח)Yahweh txhob txwm ua kom tibneeg txhua tus tsis mloog lus, kom nws thiaj khuvleej tau txhua tus.

33 Au, Abba (יחוח)Yahweh muaj txhua yam nplua mias. Nws lub tswvyim thiab kev txawj ntse nyob tob kawg. Tej uas Abba (יחוח)Yahweh txiav txim siab mas paub tsis tag, thiab nws tej kev mas tshuaj tsis tau.

34 Leejtwg txawj paub Abba (יחוח)Yahweh lub siab lossis leejtwg ua nws lub chaw sablaj?

35 Leejtwg pub ib yam abtsi rau Abba (יחוח)Yahweh uas Abba (יחוח)Yahweh yuav tsum pauj rau nws? 36 Rau qhov txhua yam lus ntawm Abba (יחוח)Yahweh los, thiab muaj nyob hauv nws, thiab tsim los rau nws. Thov kom nws tau koob meej mus ib txhis. Amen!

​