1 Cov kwvtij, tej uas kuv lub siab ntsh-aw thiab siv zog thov Abba (יחוח)Yahweh pab cov Ixayees, yog thov kom lawv tau kev dim.

2 Kuv ua timkhawv txog lawv tias, lawv kub siab lug ua koom tu Abba (יחוח)Yahweh, tiamsis lawv paub tsis tag.

3 Rau qhov lawv tsis paub txojkev ncaj ncees uas Abba (יחוח)Yahweh pub, tiamsis lawv siv zog rhawv lawv txojkev ncaj ncees, lawv tsis yeem nyob hauv Abba (יחוח)Yahweh txojkev ncaj ncees. 4 Rau qhov tus Messiah yog qhov uas kawg nkaus ntawm txoj kevcai kom txhua tus uas ntseeg thiaj tau kev ncaj ncees.

 

Txhua Tus Uas Ntseeg Yuav Dim

5 Mauxes sau txog txojkev ncaj ncees uas los ntawm txoj kevcai tias, tus uas xyaum raws nraim yuav tau txojsia ntawm qhov uas xyaum ntawd.

6 Tiamsis txojkev ncaj ncees uas los ntawm txojkev ntseeg hais li no tias, tsis txhob xav hauv lub siab tias, leejtwg yuav nce mus saum ntuj? (yog mus coj Messiah nqes los) 7 lossis, leejtwg yuav nqes mus rau hauv lub qhov tob tob? (yog mus coj (יהושע)Yahshua Messiah sawv hauv qhov tuag los. ) 8 Txojkev ncaj ncees hais li cas? Kuj hais tias, tej lus ntawd yeej nyob ze koj, nyob hauv koj lub qhov ncauj thiab nyob hauv koj lub siab (yog tej lus uas ua kom muaj kev ntseeg uas peb tshaj tawm no. ) 

9 Yog koj lub ncauj lees hais tias, (יהושע)Yahshua Messiah yog tus Cawmseej thiab lub siab ntseeg tias Abba (יחוח)Yahweh twb tsa (יהושע)Yahshua Messiah awv hauv qhov tuag rov los, koj yuav dim. 10 Qhov uas lub siab ntseeg thiaj li suav tias ncaj ncees, qhov uas lub ncauj lees thiaj li dim.

11 Abba (יחוח)Yahweh phau ntawv hais cia tias, txhua tus uas ntseeg nws, yuav tsis raug txaj muag. 12 Cov Yahdaim thiab cov Greek kuj tsis txawv qhov twg. Abba (יחוח)Yahweh tib leeg xwb, thiaj li yog sawvdaws leej txiv, thiab pub nplua mias rau txhua tus uas thov nws.

13 Vim tias Txhua tus uas tuav Abba (יחוח)Yahweh lub npe thov yuav dim.

14 Cov uas tsis tau ntseeg Abba (יחוח)Yahweh, yuav ua li cas thov tau nws? Thiab cov uas tsis tau hnov txog nws, yuav ua li cas ntseeg tau nws? Thaum tsis muaj leejtwg tshaj tawm, lawv yuav ua li cas tau hnov? 15 Thiab yog tsis muaj leejtwg txib mus, lawv yuav ua li cas mus tshaj tawm tau? Raws li uas muaj lus sau cia hais tias, cov uas qhia txoj hmoo zoo txhais kotaw zoo nkauj kawg.

16 Tiamsis tsis yog txhua tus ntseeg txoj hmoo zoo ntawd. Rau qhov Isayah hais tias, Abba (יחוח)Yahweh, leejtwg ntseeg tej uas lawv tau hnov ntawm peb? 

17 Yog li no txojkev ntseeg tshwm los ntawm qhov uas tau hnov, thiab qhov uas tau hnov kuj yog tshwm los ntawm qhov uas tshaj tawm txog Messiah. 18 Kuv nug tias, lawv tsis tau hnov lov? Lawv tau hnov lawm tiag tiag, rau qhov lawv lub suab twb nrov ncha mus thoob lub ntiajteb lawm, thiab lawv tej lus kuj mus kawg qab ntuj. 19 Kuv nug dua tias, Ixayees tsis nkag siab lov? Mauxes xub hais ua ntej tias, kuv yuav ua rau nej khib cov uas tsis yog ib haiv neeg, kuv yuav muab ib haiv neeg ruam zes kom nej chim. 20 Thiab Isayah ua siab tuab hais tias, cov uas tsis nrhiav kuv twb ntsib kuv lawm, kuv los tshwm rau cov uas tsis tau nug nrhiav kuv. 21 Thiab nws hais txog cov Ixayees tias, kuv cev kuv txhais tes tas hnub tas hmo rau haiv neeg uas tawv ncauj thiab pheej fav xeeb.

​