Abba (יחוח)Yahweh Xaiv Nws  Haiv Neeg

1 Kuv hais tseeb hauv tus Messiah, kuv tsis dag. Kuv lub siab uas paub qhov zoo qhov phem, kuj ua timkhawv hauv Tus Ntsuj Plig Dawbhuv tias, 2 kuv nyuaj siab kawg thiab mob siab tsis tu ncua li. 3 Kuv xav kom kuv tus kheej raug muab tsawm foom thiab raug muab txiav tawm ntawm tus Messiah, vim yog saib rau kuv cov kwvtij, uas yog kuv haiv neeg ntawm sab nqaij tawv. 4 Lawv yog cov Ixayees uas muaj feem ua Abba (יחוח)Yahweh cov menyuam thiab muaj lub koob meej ci ntsa iab, thiab tau tej lus uas sib cog tseg, thiab tau txais txoj kevcai, thiab tej kevcai pe hawm Abba (יחוח)Yahweh, thiab tau txhua yam lus cog tseg.

5 Tej yawg koob kuj yog lawv li thiab tus Messiah kuj los ntawm lawv haiv neeg sab nqaij tawv, yog Abba (יחוח)Yahweh uas kav txhua yam mus ib txhis uas tsim nyog qhuas. Amen! 6 Tiamsis tsis yog Abba (יחוח)Yahweh txojlus raug muab rhuav tshem lawm, rau qhov tsis yog txhua tus uas yug ntawm Ixayees yog tseem tibneeg Ixayees tiag, 7 thiab tsis yog txhua tus uas yog Abraham caj ces, yog Abraham cov tub ki tiag, tiamsis muaj lus hais tias, luag yuav hu koj caj ces tias yog los ntawm Isaac. (Chivkeeb 21:12)

8 Kuj yog hais tias, cov uas yog Abba (יחוח)Yahweh cov menyuam tiag, tsis yog cov me-nyuam sab nqaij tawv, tiamsis tsuas yog cov menyuam ntawm tej lus cog tseg thiaj suav tias yog caj ces tiag. 9 Rau qhov tej lus cog tseg muaj hais li no tias, lwm xyoo kuv yuav rov tuaj, mas Xalas yuav muaj ib tug tub. (Chivkeeb 18:10)

10 Tsis yog li ntawd xwb, tiamsis Lenpekhas kuj xeeb ob tug menyuam hauv lub plab ntawm tib leeg txiv, uas yog peb yawg koob Isaac. 11 Ua ntej uas ob tug menyuam ntawd tsis tau yug, thiab tsis tau ua ib yam abtsi zoo lossis phem xwv qhov uas Abba (יחוח)Yahweh xaiv raws li Abba (יחוח)Yahweh lub siab xav tseg lawd thiaj li ruaj khov, 12 tsis yog xaiv raws li tej haujlwm uas ob tug ua, tiamsis xaiv raws li Abba (יחוח)Yahweh hu, Abba (יחוח)Yahweh hais rau Lenpekhas tias, tus tijlaug yuav ua tus kwv qhev. (Chivkeeb 25:23) 

13 Raws li uas muaj lus sau cia hais tias, kuv hlub Yaaqob tiamsis kuv ntxub (Esau) Exaus. (Malakyah 1:3)

 14 Yog li ntawd, peb yuav hais li cas? Abba (יחוח)Yahweh ua tsis ncaj lov? Tsis yog.

15 Rau qhov Abba (יחוח)Yahweh hais rau Mauxes tias, kuv xav khuvleej tus twg kuv yuav khuvleej tus ntawd, kuv xav tab ncuab tus twg, kuv yuav tab ncuab tus ntawd. (Khiavdim 33:19) 

16 Vim li no qhov uas Abba (יחוח)Yahweh xaiv tsis yog raws li tibneeg lub siab xav thiab raws li tibneeg ua, tiamsis nyob ntawm Abba (יחוח)Yahweh txojkev khuvleej.

17 Abba (יחוח)Yahweh phau ntawv muaj ib nqe hais rau Falaus tias, qhov uas kuv tsa koj kuj yog kuv yuav ua kuv lub hwjchim tshwm rau hauv koj kom kuv lub npe thiaj tshaj tawm mus thoob ntiajteb. (Khiavdim 9:16)

18 Vim li no Abba (יחוח)Yahweh xav khuv-leej tus twg nws kuj khuvleej tus ntawd, thiab xav ua rau tus twg lub siab tawv kuj ua rau tus ntawd lub siab tawv.

​

Abba (יחוח)Yahweh Kev Npau Taws Thiab Txojkev Hlub

19 Yog li ntawd koj yuav hais rau kuv tias, ua cas Abba (יחוח)Yahweh tseem thuam? Leej-twg yuav tav tej uas Abba (יחוח)Yahweh xav tseg lawd? 

20 Tibneeg es, koj yog leejtwg es yuav nrog Abba (יחוח)Yahweh sib cav? Yam uas raug muab puab yuav hais rau tus Kws puab tias, ua cas koj puab kuv zoo li no? 21 Tus Kws puab laujkaub tsis muaj cai muab tib thooj av los puab ua ib lub tais siv rau tej yam uas tseem ceeb thiab ua dua ib lub siv rau lwm yam lov? 

22 Puas yog li no? Vim Abba (יחוח)Yahweh xav ua kom nws txojkev npau taws tshwm los thiab xav qhia nws lub hwjchim, nws thiaj ua siab ntev thev tej twj taig uas npaj cia rau kev puam tsuaj, 23 kom nws thiaj tau ua nws lub hwjchim ci ntsa iab uas muaj ntau kawg nkaus tshwm rau tej twj taig uas nws khuvleej, yog cov uas nws twb npaj tseg rau lub koob meej uas ci ntsa iab, 24 yog peb cov uas nws twb hu los lawd, tsis yog hu ntawm cov Yahdaim xwb tiamsis hu ntawm lwm haiv neeg thiab.

25 Raws li Abba (יחוח)Yahweh hais cia rau hauv phau Hauxeyah hais tias, kuv yuav hu cov uas tsis txeev ua kuv haiv neeg, hu ua kuv cov tibneeg, thiab hu tus uas kuv tsis txeev hlub, hu ua tus uas kuv hlub. (Hoseyah 2:1; 2:25)

26 Thiab hauv lub chaw uas txeev hais rau lawv tias, nej tsis yog kuv haiv neeg, kuj yuav hu lawv tias, yog Abba (יחוח)Yahweh uas muaj txojsia nyob cov tub.

27 Thiab Isayah tau qw qhia txog cov Ixayees tias, txawm yog cov Ixayees coob npaum li tej xuab zeb ntawm ntug hiavtxwv, los cov uas yuav dim muaj tsawg heev.

28 Rau qhov Abba (יחוח)Yahweh yuav ua kom tiav sai kawg rau saum lub ntiajteb raws li nws hais tseg. (Isayah 10:22-23)

29 Thiab raws li Isayah hais ua ntej tias, yog tus Tswv uas muaj hwjchim loj kawg tsis tseg peb muaj noob cia, ces peb kuj yuav zoo ib yam li lub moos Xaudoos thiab zoo li lub moos Kaumaulas. (Isayah 1:9)

​

Cov Ixayees Thiab Txoj Hmoo Zoo

30 Yog li ntawd, peb yuav hais li cas? Yuav hais tias lwm haiv neeg uas tsis tau nrhiav txojkev ncaj ncees, kuj tau txojkev ncaj ncees lawm, yog txojkev ncaj ncees uas tau ntawm txojkev ntseeg, 31 tiamsis cov Ixayees uas nrhiav txojkev ncaj ncees ntawm qhov uas xyaum raws li txoj kevcai, kuj tsis tau li.

32 Vim yog li cas? Vim lawv tsis nrhiav ntawm txojkev ntseeg, lawv nrhiav ntawm txojkev xyaum, lawv thiaj dawm lub pob zeb uas ua rau lawv dawm, 

33 raws li uas muaj lus sau cia tias, saib maj, kuv teeb ib lub pob zeb rau hauv Xi‑oo yuav ua kom dawm, thiab lub pob zeb yuav ua kom ntog. Tus uas tso siab rau yuav tsis raug txaj muag. (Isayah 8:14; 28:16)

 

​