Cov Ntseeg Sib Ua Plaub

1 Thaum nej cov ib leeg ua plaub rau ib leeg, nws tseem muaj plhus coj mus rau cov uas tsis ntseeg tu, tsis muab rau Abba (יחוח)Yahweh cov tibneeg dawb huv tu lov? 2 Nej tsis paub lov? Abba (יחוח)Yahweh cov tibneeg dawb huv yuav txiav txim rau lub ntiajteb. Yog nej twb yuav txiav txim rau lub ntiajteb, nej tsis muaj peevxwm tu tej nyuag plaub me me no lov? 3 Nej tsis paub tias, peb yuav txiav txim rau cov tubtxib saum ntuj no lov? Yog li ntawd, peb yimhuab yuav txiav txim rau tej plaub uas muaj hauv lub neej no. 4 Yog muaj plaub hauv nej lub neej no, nej yuav tsa cov uas pawg ntseeg tsis quav ntsej tu lov? 5 Kuv hais li no kom nej thiaj li txaj muag. Hauv nej cov tsis muaj ib tug muaj tswvyim uas yuav txawj tu plaub rau cov kwvtij lov? 6 Tiamsis kwvtij tseem nrog kwv-tij ua plaub thiab coj mus rau cov uas tsis ntseeg tu.

7 Qhov uas nej sib ua plaub kuj yog nej poob lub neej ntseeg lawm. Ua cas nej tsis cia luag ua phem rau nej zoo dua? Ua cas nej tsis cia luag ntxo nej zoo dua? 8 Tiamsis nej ho ua phem thiab ntxo luag, txawm yog kwvtij los nej tseem ua. 9 Nej tsis paub tias cov tibneeg tsis ncaj yuav tsis muaj feem tau Abba (יחוח)Yahweh lub tebchaws lov? Tsis txhob xav yuam kev. Cov uas ua nkauj ua nraug, pe dab mlom, deev luag poj luag txiv, cov txiv-neej muag cev, cov txivneej deev txivneej, 10 ua tub sab, ntshaw luag tug, quav cawv, thuam luag, txeeb luag tugm, tsis muaj feem tau Abba (יחוח)Yahweh lub tebchaws kiag li.

11 Nej cov muaj qee leej txeev zoo li no. Tiamsis nej twb raug ntxuav kom huv lawm thiab raug muab cais ua dawb huv thiab raug suav tias ncaj ncees rau hauv tus Cawmseej (יהושע)Yahshua Messiah lub npe thiab hauv Abba (יחוח)Yahweh tus Ntsuj Plig lawm.

​

Ua Rau Abba (יחוח)Yahweh Tau Koob Meej

12 Kuv muaj cai ua txhua yam, tiamsis tsis yog txhua yam yuav muaj qabhau. Kuv muaj cai ua txhua yam, tiamsis kuv tsis yeem nyob hauv txhua yam lub qab hwjchim.

13 Tej zaub mov muaj, cia rau lub plab, thiab lub plab kuj muaj, cia rau tej zaub mov, tiamsis Abba (יחוח)Yahweh yuav ua rau ob yam ntawd ploj tag. Lub cev tsis yog muaj los cia ua nkauj nraug, tiamsis muaj los cia rau (יהושע)Yahshua, thiab (יהושע)Yahshua muaj los cia rau lub cev.

14 Abba (יחוח)Yahweh tsa (יהושע)Yahshua ciaj sawv rov los, thiab Abba (יחוח)Yahweh yuav siv nws lub hwjchim tsa peb sawv.  

15 Nej tsis paub tias nej lub cev yog (יהושע)Yahshua Messiah tej tes taw lov? Vim li no, kuv yuav muab (יהושע)Yahshua Messiah tej tes taw ua poj muag cev tej tes taw tau lov? Tsis txhob cia muaj li ntawd kiag li. 16 Nej tsis paub tias tus uas koom nrog poj muag cev kuj koom nrog nws ua ib lub cev lawm lov? Rau qhov muaj lus sau cia hais tias, ob tug yuav koom ua ib lub cev. (Chivkeeb 2:24)

17 Tiamsis tus uas koom nrog Abba (יחוח)Yahweh kuj nrog Abba (יחוח)Yahweh koom tib tug ntsuj plig. 18 Cia li khiav ntawm kev ua nkauj ua nraug. Lwm yam kev txhaum uas tibneeg ua nyob sab nraum lub cev, tiamsis tus uas ua nkauj ua nraug, kuj ua txhaum rau nws lub cev ntag. 19 Nej tsis paub tias nej lub cev yog Tus Ntsuj Plig Dawbhuv lub tuam tsev lov? Nws yog tus uas nyob hauv nej thiab nej tau ntawm Abba (יחוח)Yahweh los. Nej tsis yog tus uas kav nej lub cev,

20 rau qhov Abba (יחוח)Yahweh them nqe yuav nej. Yog li no, nej yuav tsum cia nej lub cev ua rau Abba (יחוח)Yahweh tau koob meej.

​