Teeb Meem Kev Sib Yuav

1 Hais txog qhov uas nej sau ntawv tuaj ntawd. Yog txivneej tsis kov pojniam kiag li kuj zoo. 2 Tiamsis tim qhov uas ua nkauj ua nraug, tsim nyog txhua tus txivneej nyias muaj nyias pojniam, thiab txhua tus pojniam nyias muaj nyias txiv.

3 Tus txiv tsis txhob cais nws tus pojniam, thiab tus pojniam tsis txhob cais nws tus txiv. 4 Tus pojniam tsis yog tus uas kav tau nws lub cev, nws tus txiv yog tus uas kav. Ib yam nkaus, tus txiv tsis yog tus kav tau nws lub cev, nws tus pojniam yog tus uas kav. 5 Ob niam txiv tsis txhob cais chaw pw, tsuas yog hais haum cais ib ntus es kom tau kev thov Abba (יחוח)Yahweh xwb, mam li rov pw ua ke dua xwv Xatas thiaj ntxias tsis tau neb ua txhaum, vim neb tswj tsis tau lub siab. 6 Qhov uas kuv hais li no, yog kuv tso cai, tsis yog yuam nej. 7 Kuv xav kom txhua tus ua tau ib yam li kuv. Tiamsis txhua tus nyias tau raws li Abba (יחוח)Yahweh pub rau nyias, ib tug tau yam, ib tug tau yam tom. 8 Kuv hais rau cov uas tsis muaj txij nkawm thiab cov poj ntsuam tias, yog lawv yuav nyob ib yam li kuv kuj zoo. 9 Tiamsis yog lawv tswj tsis tau lawv tus kheej,lawv yuav tsum yuav txij nkawm. Vim tias qhov uas yuav txij nkawm kuj zoo dua qhov uas lub siab kub lug tswj tsis tau.

10 Kuv hais rau cov uas yuav txij nkawm lawm, tsis yog kuv hais xwb tiamsis yog Abba (יחוח)Yahweh hais kom tus pojniam tsis txhob tso tus txiv tseg. 11 Yog nws tso tus txiv tseg lawm, nws tsis txhob mus yuav dua txiv tshiab lossis rov los yuav nws tus txiv qub dua lawm. Thiab tus txiv los tsis txhob muab tus pojniam nrauj. 12 Kuv hais rau lwm tus, qhov no yog kuv hais, tsis yog Abba (יחוח)Yahweh hais. Yog tus kwvtij twg yuav tau ib tug pojniam uas tsis yog cov ntseeg, tiamsis tus pojniam txaus siab nrog tus txiv nyob, mas tus txiv yuav tsum tsis txhob muab nws nrauj. 13 Yog tus pojniam twg yuav tau ib tug txiv uas tsis yog cov ntseeg, tiamsis tus txiv txaus siab nrog nws nyob, nws yuav tsum tsis txhob muab tus txiv nrauj. 14 Vim tias tus txiv uas tsis ntseeg ntawd, raug muab cais ua tus dawb huv vim yog nws tus pojniam, thiab tus pojniam uas tsis ntseeg ntawd, kuj raug muab cais ua tus dawb huv vim yog nws tus txiv. Yog tsis muaj li ntawd, neb cov menyuam kuj qias tsis huv, tiamsis nimno neb cov menyuam twb dawb huv lawm. 15 Tiamsis yog tus uas tsis ntseeg, yuav tso tus ntseeg tseg, kuj ua tau. Yog zoo li no, tus kwvtij uas ntseeg tsis hais pojniam txivneej tsis raug muab khi, rau qhov Abba (יחוח)Yahweh hu peb los nyob sib haum xeeb. 16 Koj uas yog tus pojniam, koj paub tau li cas tias koj yuav pab tau koj tus txiv dim? Koj uas yog tus txiv, koj paub tau li cas tias koj yuav pab tau koj tus pojniam dim?

​

Lub Neej Uas Abba (יחוח)Yahweh Tu Cia

17 Abba (יחוח)Yahweh tu txhua tus nyob los li cas thiab Abba (יחוח)Yahweh hu txhua tus nyob li cas los, kuj cia lawv ua lub neej li ntawd mus. Kuv qhia kom txhua pawg ntseeg ua ib yam li uas hais tag no.

18 Yog tus twg uas Abba (יחוח)Yahweh hu rau thaum nws twb ua kevcai txiav lawm, nws kuj tsis txhob rhuav qhov uas ua kevcai txiav ntawd tseg. Yog tus twg uas Abba (יחוח)Yahweh hu rau thaum nws tsis tau ua kevcai txiav, nws kuj tsis txhob ua. 19 Qhov uas ua kevcai txiav thiab tsis ua kuj tsis tseem ceeb abtsi, tiamsis qhov tseem ceeb yog qhov uas coj raws li Abba (יחוח)Yahweh txoj kevcai. 20 Cia txhua tus nyob lub neej li thaum uas Abba (יחוח)Yahweh hu nws los.

21 Abba (יחוח)Yahweh hu koj rau thaum koj tseem ua qhev los tsis txhob txhawj. Yog koj muaj peevxwm nyob ywj pheej, kuj ua raws li ntawd. 22 Tus uas Abba (יחוח)Yahweh hu rau thaum nws tseem ua qhev, los nws twb ua Abba (יחוח)Yahweh tus tibneeg uas nyob ywj pheej lawm. Ib yam li ntawd, tus uas Abba (יחוח)Yahweh hu rau thaum nws tseem nyob ywj pheej los nws kuj ua (יהושע)Yahshua Messiah tus tub qhev thiab.

23 Abba (יחוח)Yahweh them nqe yuav nej mas tsis txhob ua tibneeg qhev kiag li.

24 Cov kwvtij, Abba (יחוח)Yahweh hu txhua tus nyob lub neej li cas, kuj cia nws nyob lub neej li ntawd nrog nraim Abba (יחוח)Yahweh.

​

Cov Hluas Thiab Cov Poj Ntsuam

25 Hais txog cov uas tsis muaj txij nkawm, tsis yog Abba (יחוח)Yahweh kom kuv hais, tiamsis kuv hais li uas kuv xam pom, vim Abba (יחוח)Yahweh khuvleej kuv, nej thiaj tso siab tau rau kuv. 26 Vim yog tej kev txom nyem uas muaj rau niaj hnub nimno, kuv xav tias txhua tus nyob li uas nws ib txwm nyob kuj zoo.

27 Yog koj tseem nrog koj tus pojniam nyob, tsis txhob nrhiav kev muab nws tso tseg. Yog koj tsis muaj pojniam lawm, los tsis txhob mus nrhiav pojniam yuav. 28 Tiamsis yog koj yuav pojniam los kuj tsis txhaum, thiab yog cov hluas nkauj dawb huv yuav txiv kuj tsis txhaum. Tiamsis cov tibneeg uas sib yuav yeej yuav muaj kev ntxhov siab hauv lub neej, mas kuv xav tiv thaiv nej kom tsis txhob raug tej kev ntxhov siab no. 29 Cov kwvtij, kuv hais tias lub sijhawm uas teem cia twb tag zuj zus lawm. Txij no mus cov uas muaj pojniam lawm, cia li nyob zoo yam li tsis muaj pojniam, 30 cov uas quaj ntsuag cia li nyob zoo yam li tsis muaj kev quaj ntsuag, cov uas xyiv fab cia li nyob yam li tsis xyiv fab, cov uas yuav qhov txhia chaw, cia li nyob zoo li tsis muaj ib yam abtsi li, 31 thiab cov uas tau siv tej qhov txhia chaw hauv lub ntiajteb no, cia li nyob yam li tsis quav ntsej tej qhov txhia chaw ntawd, rau qhov txhua yam hauv lub ntiajteb no yuav dua mus. 32 Kuv xav kom nej dim tej kev txhawj xeeb. Tus uas tsis muaj pojniam, nws kuj txhawj txog Abba (יחוח)Yahweh tej haujlwm, thiab nws xav ua txhua yam raws li Abba (יחוח)Yahweh lub siab nyiam. 33 Tiamsis tus uas muaj pojniam lawm, nws kuj txhawj txog tej uas yog lub ntiajteb no li, ces nws tsuas xav hais tias nws yuav ua li cas thiaj haum nws tus pojniam lub siab no lawm xwb. 34 nws thiaj ua ob lub siab. Tus pojniam uas tsis muaj txiv thiab tus hluas nkauj dawb huv, kuj txhawj txog tej uas yog Abba (יחוח)Yahweh li, saib nws yuav dawb huv ntawm lub cev thiab ntawm ntsuj plig li cas. Tiamsis tus pojniam uas muaj txiv lawm, kuj txhawj txog tej uas yog lub ntiajteb no li, saib nws yuav ua kom haum tus txiv lub siab li cas. 35 Kuv hais li no kuj yog ua kom nej tau qhov zoo xwb, tsis yog txwv nej, tiamsis xav kom nej ua tej uas tsim nyog ua xwb thiaj li tsis muaj abtsi los cuam tshuam nej txoj hau kev uas ua koom tus Abba (יחוח)Yahweh.

36 Yog leejtwg xav hais tias ua tsis tau raws li uas tsim nyog rau tus hluas nkauj uas nws twb qhaib lawd, thiab tus hluas nkauj hnub nyoog nchav lawm, thiab xav tias yuav tsum sib yuav, kuj cia nws ua raws li nws xav. Cia ob tug sib yuav, kuj tsis txhaum. 37 Tiamsis tus txivneej uas npaj siab ruaj khov thiab tsis muaj kev cheem tsum thiab tswj tau nws txojkev ntshaw, thiab txiav txim siab tias cia tus hluas nkauj ntawd, nyob ua hluas nkauj dawb huv mus li, nws kuj ua zoo lawm.

38 Vim li no tus uas yuav tus uas nws qhaib lawm, kuj yog nws ua zoo. Tus uas tsis yuav tus uas nws qhaib, kuj yimhuab ua zoo.

39 Thaum tus txiv tseem muaj txojsia nyob, tug pojniam nyob hauv tus txiv lub xubntiag. Yog tus txiv tuag lawm, nws mam li nyob ywj pheej thiaj li mus yuav tau lwm tus txiv raws li nws siab xav, tiamsis yuav tsum yog yuav tus uas ntseeg Abba (יחוח)Yahweh.

40 Tiamsis raws li kuv xam pom, yog nws nyob tib leeg mus li, nws yuav tau nyob kaj siab lug heev dua. Thiab kuv paub tias kuv muaj Abba (יחוח)Yahweh tus Ntsuj Plig, nws thiaj li qhia kuv hais tej lus no.

​