Ua Raws Abba (יחוח)Yahweh  Siab Nyiam

1 Yog li ntawd, vim (יהושע)Yahshua Messiah raug kev tsim txom ntawm cev nqaij tawv, mas nej cia li tuav rawv tej cuab yeej uas yog muaj lub siab xav ib yam nkaus li nws. Rau qhov tus uas raug kev tsim txom ntawm cev nqaij tawv, twb tso kev txhaum tseg lawm, 2 xwv lub sijhawm uas tseem tshuav rau nej nyob hauv cev nqaij tawv, nej thiaj tsis ua raws li tibneeg txojkev ntshaw, tiamsis ua raws li Abba (יחוח)Yahweh  lub siab nyiam. 3 Cia tej sijhawm uas dhau tag los, txaus rau tej uas lwm haiv tibneeg nyiam ua, yog qhov uas ua dev, ua raws li lub siab phem ntshaw, qaug dej qaug cawv, noj txaus siab txaus ntsws, ua nqaj ua nqug thiab pe tej dab mlom uas ntxim ntxub. 4 Lawv phimhwj tias nej tsis nrog lawv khiav mus ua phem ua qias phum lam qas ntsuav ib yam li lawv, thiab lawv iab liam nej. 5 Tiamsis lawv yuav qhia tej uas lawv ua lawd, rau tus uas txiav txim rau cov ciaj thiab cov tuag. 6 Vim li no txoj hmoo zoo thiaj raug muab qhia rau cov tibneeg uas tuag tag lawm, xwv lawv thiaj raug txiav txim rau sab nqaij tawv ib yam li tibneeg, tiamsis muaj txojsia nyob rau sab ntsuj plig ib yam li Abba (יחוח)Yahweh .  7 Lub sijhawm uas txhua yam yuav kawg los ze lawm. Vim li no, nej cia li feeb meej thiab tswj nej lub siab kom thiaj zoo thov Abba (יחוח)Yahweh. 8 Qhov uas tseem ceeb dua ntais huvsi, cia li siv zog sib hlub, vim txojkev hlub tswj tau ntau yam kev txhaum. (Pajlug 10:12)

9 Nej ib leeg tos txais ib leeg tsis txhob yws li. 10 Nej txhua tus yuav tsum siv tej tswvyim uas Abba (יחוח)Yahweh  pub rau nej, ib leeg ua num rau ib leeg. Nej yog cov uas Abba (יחוח)Yahweh  muab txhua yam kev hlub cob rau nej ua lawd. 11 Yog leejtwg hais lus, cia li hais yam li yog hais Abba (יחוח)Yahweh  tej lus, yog leejtwg ua num rau luag, cia li siv lub zog uas Abba (יחוח)Yahweh  pub rau nws ua, kom Abba (יחוח)Yahweh  thiaj tau koob meej ntawm txhua yam hauv (יהושע)Yahshua Messiah. Lub koob meej thiab lub hwjchim kav yeej yog nws li mus ib txhis tsis kawg. Haleluyah! Amen!

​

Cov Ntseeg Yuav Raug Tsim Txom

12 Cov kwvtij uas kuv hlub, tsis txhob poob siab rau tej kev tsim txom loj heev uas yuav los raug nej sim nej lub siab, tsis txhob xav tias yog ib yam phimhwj los tshwm raug nej.

13 Tiamsis cia li xyiv fab rau qhov uas tau koom (יהושע)Yahshua tej kev tsim txom, xwv thaum nws lub hwjchim ci ntsa iab tshwm los nej yuav zoo siab xyiv fab kawg.

14 Yog nej raug luag thuam vim yog tim (יהושע)Yahshua Messiah lub npe, nej yuav tau nyob kaj siab lug. Vim Tus Ntsuj Plig Dawbhuv uas muaj hwjchim ci ntsa iab, uas yog Abba (יחוח)Yahweh  tus Ntsuj Plig, nrog nraim nej nyob.

15 Tsis txhob cia nej cov leej-twg raug kev tsim txom, vim yog tua tibneeg, ua tub sab, ua phem lossis ua tibneeg tab kaum lwm tus. 16 Tiamsis yog raug tsim txom, vim yog ib tug ntseeg, tus ntawd tsis txhob txaj muag, cia nws pub koob meej rau Abba (יחוח)Yahweh , vim yog lub npe ntawd. 17 Twb txog lub sijhawm lawm uas yuav xub txiav txim rau Abba (יחוח)Yahweh  tsev tibneeg ua ntej. Yog pib txiav txim rau peb ua ntej, cov tibneeg uas tsis mloog Abba (יחוח)Yahweh  txoj hmoo zoo thaum kawg yuav zoo li cas?

18 Yog tus ncaj ncees twb ceeblaj dim tau, tus tibneeg phem thiab muaj txim yuav raug li cas? 19 Yog li no cia cov uas raug kev tsim txom raws li Abba (יחוח)Yahweh  lub siab nyiam, muab lawv tus ntsuj plig cob rau tus uas tsim uas peb tso siab tau, thiab cia li ua zoo mus li.

​