Pojniam Thiab Txivneej

1 Nej cov pojniam kuj ib yam nkaus, nej yuav tsum nyob hauv nej tus txiv qab kev tswjhwm. Txawm yog cov txiv, qee leej tsis ntseeg Abba (יחוח)Yahweh  txojlus, los qhov uas cov pojniam xyaum zoo, yuav coj tau cov txiv los ntseeg, tsis txog hais ib los li, 2 rau thaum lawv pom nej ua lub neej dawb huv thiab hwm lawv.

3 Tsis txhob tu lub cev sab nraud xwb, uas yog ntxias plaubhau, coj npauj kub, lossis hnav tej tsoos tsho zoo nkauj xwb.

4 Tiamsis cia li muab tej uas tsis txawj lwj los tu, tej uas nyob hauv nej lub siab kom zoo nkauj, yog qhov uas ua lub siab mos siab muag, thiab muaj lub siab tus yees. Tej no yog yam uas Abba (יחוח)Yahweh  pom tias muaj nqes heev. 5 Cov pojniam dawb huv uas nyob txheej thaum ub, uas muaj vam rau hauv Abba (יחוח)Yahweh, kuj tu lawv lub cev thiab nyob hauv cov txiv qab kev tswjhwm li ntawd. 6 Ib yam li Xalas mloog Aplaham lus thiab hu Aplaham ua nws tus tswv. Yog nej xyaum zoo thiab tsis txhob ntshai ib yam abtsi, nej kuj yog Xalas tej tub ki. 7 Nej cov txiv kuj ib yam nkaus, cia li nrog tus pojniam nyob thiab nkag siab tias, cov pojniam tsis muaj zog li txiv-neej. Thiab saib taus nws rau qhov nws nrog koj koom txais txojsia ntawm Abba -(יחוח)Yahweh  txojkev hlub, xwv nej thiaj tsis muaj ib yam abtsi khuam cheem nej tej lus thov.

​

Raug Tsim Txom Vim Ua Zoo

8 Thaum kawg no, nej sawvdaws cia li koom ua ib lub siab, ib leeg xam pom ib leeg, sib hlub, muaj lub siab khuvleej thiab ua siab mos siab muag. 9 Tsis txhob ua phem pauj phem, thiab tsis txhob cem pauj qhov uas luag cem. Tiamsis cia li foom koob hmoov rau luag, rau qhov Abba (יחוח)Yahweh  hu nej los ua li ntawd, xwv nej thiaj tau koob hmoov.

10 Vim tias tus uas nyiam txojsia thiab xav pom lub caij lub nyoog zoo, cia tus ntawd tswj nws tus nplaig, tsis txhob hais lus phem, thiab tswj nws daim tawv ncauj, tsis txhob hais tej lus dag. 11 Thiab ua qhov zoo, cia nws nrhiav kev haum xeeb thiab caum kom cuag.

12 Abba (יחוח)Yahweh  lub qhov muag yeej ntsia ntsoov cov uas ncaj ncees, thiab nws lub qhov ntsej mloog ntsoov lawv tej lus quaj thov. Tiamsis Abba (יחוח)Yahweh  tsom ntso-ov tawm tsam cov tibneeg ua phem. (Ntawv Nkauj 34:13-17)

13 Yog nej siv zog ua zoo, leejtwg yuav ua phem rau nej? 14 Tiamsis yog nej raug kev tsim txom vim qhov uas nej ua raug cai, nej yuav tau nyob kaj siab lug. Tsis txhob ntshai tej uas lawv ntshai, tsis txhob txhawj, 15 tiamsis hauv nej lub siab, nej yuav tsum hwm (יהושע)Yahshua Messiah ua tus Tswv.

Cia li npaj txhij txhua lub sijhawm uas yuav qhia rau txhua tus uas xav paub qhov uas nej muaj siab vam. Tiamsis nej yuav tsum ua siab zam xeeb teb lawv, thiab muab lawv saib hlob. 16 Thiab cia li ua lub siab dawb paug, xwv thaum nej raug luag hais phem, cov uas thuam qhov uas nej xyaum zoo hauv (יהושע)Yahshua Messiah thiaj raug txaj muag. 17 Yog raws li Abba (יחוח)Yahweh  lub siab nyiam mas qhov uas nej raug kev tsim txom, vim yog ua zoo, kuj zoo dua raug kev tsim txom vim yog ua phem. 18 Rau qhov (יהושע)Yahshua Messiah tuag txhiv lub txim tib zaug xwb, kuj txaus lawm, nws yog tus uas ncaj ncees this cov uas tsis ncaj, kom nws thiaj coj tau peb los cuag Abba -(יחוח)Yahweh . Nws lub cev nqaij tawv raug muab tua, tiamsis nws rov tau txojsia ntawm sab ntsuj plig.

19 Nws tus ntsuj plig mus tshaj tawm rau cov ntsuj plig uas raug kaw,  20 yog cov uas yav thaum ub tsis mloog Abba (יחוח)Yahweh  lus. Abba (יחוח)Yahweh  ua siab ntev rau lawv rau ncua sijhawm uas Nau‑as ua lub nkoj. Hauv lub nkoj ntawd, tibneeg tsawg yog yim leej dim hauv cov dej. 21 Cov dej ntawd piv txog qhov uas ua kevcai raus dej, uas nimno pab nej dim, tsis yog ntxuav kev qias ntawm nej lub cev, tiamsis yog tej lus cog tseg rau Abba (יחוח)Yahweh  tias, muaj lub siab dawb paug lawm. Txojkev dim ntawd, yog tau ntawm qhov uas (יהושע)Yahshua Messiah ciaj sawv rov los.

22 Yahshua mus saum ntuj thiab zaum ntawm Abba (יחוח)Yahweh  sab tes xis lawm. Muaj cov tubtxib saum ntuj thiab cov timtswv uas kav, thiab tej hwjchim nyob hauv nws qab kev tswjhwm.

​