Lub Pob Zeb Muaj Txojsia Thiab Haiv Tibneeg Dawb Huv

1 Vim li no, cia li muab txhua yam kev phem thiab txhua yam kev dag ntxias, kev zais siab, kev sib khib, thiab kev xyav luag moo, txhua yam tso tseg.  2 Ib yam li cov menyuam mos uas nyuam qhuav yug. Nej cia li ntshaw cov kua mis dawb huv sab ntsuj plig, xwv cov kua mis ntawd thiaj pab nej loj hlob mus tau txojkev dim. 3 Rau qhov nej twb sim tias Abba (יחוח)Yahweh  zoo kawg nkaus.

4 Cia li los cuag nws, yog lub pob zeb uas muaj txojsia, uas tibneeg tsis lees yuav, tiam-sis twb raug Abba (יחוח)Yahweh  xaiv lawm, thiab tsim txiaj kawg.

5 Nej zoo yam li tej pob zeb muaj sia, cia li yeem muab ua lub tsev rau sab ntsuj plig. Kom thiaj ua tau pov thawj dawb huv xyeem qhov txhia chaw sab ntsuj plig uas haum Abba (יחוח)Yahweh  lub siab hauv (יהושע)Yahshua Messiah. 6 Vim muaj lus sau cia rau hauv Abba (יחוח)Yahweh  txoj-lus hais tias, Saib maj, kuv teeb ib lub pob zeb rau hauv Xi‑oo, yog ua lub thawj pob zeb uas xaiv cia, thiab tsim txiaj kawg ntawm kaum tsev. Tus uas ntseeg nws yuav tsis raug txaj muag. (Isayah 28:16)

7 Vim li no, Abba (יחוח)Yahweh  muaj nqes kawg nkaus rau nej cov uas ntseeg. Tiamsis hais txog cov uas tsis ntseeg mas, lub pob zeb uas cov Kws ua tsev muab xyeeb tseg lawm, twb rov muab los teeb ua thawj lub rau ntawm kaum tsev lawm. 8 Thiab ua lub pob zeb uas ua rau tibneeg dawm, thiab ua txhib zeb uas ua rau tibneeg ntog. (Ntawv Nkauj 118:22, Isayah 814) Lawv dawm vim lawv tsis mloog Abba (יחוח)Yahweh  txojlus raws li uas tu tseg rau lawv. 9 Tiamsis nej yog haiv tibneeg uas xaiv cia lawm, yog Vajntxwv cov pov thawj thiab ua tibneeg dawb huv, yog cov tibneeg uas ua Abba (יחוח)Yahweh  tug, kom nej thiaj qhia nws tes haujlwm tseem ceeb, yog tus uas hu nej tawm hauv qhov tsaus ntuj los nyob rau hauv nws qhov kaj uas phimhwj kawg.

10 Yav tag los, nej tsis yog nws haiv tibneeg, tiamsis nimno nej yog Abba (יחוח)Yahweh  haiv tibneeg lawm. Yav tag los, nej tsis tau txais kev khuvleej, tiamsis nimno nej tau txais kev khuvleej lawm. (Hoseyah 2:25)

​

Abba (יחוח)Yahweh  Cov Qhev

11 Cov uas kuv hlub, kuv thov kom nej cov uas zoo li lwm haiv tibneeg, tuaj ua qhua nyob hauv lub ntiajteb no, tseg tej uas lub cev nqaij tawv ntshaw uas tawm tsam nej tus ntsuj plig.

12 Cia li ua zoo kawg nkaus rau hauv lwm haiv tibneeg, xwv yog lawv hais tias nej ua txhaum, lawv thiaj pom tej uas nej ua zoo, thiab yuav qhuas Abba (יחוח)Yahweh  rau hnub uas nws los xyuas.

13 Nej yuav tsum nyob hauv txhua tus uas muaj hwjchim qab kev tswjhwm, vim saib rau Abba (יחוח)Yahweh , tsis hais tus ntawd yuav yog huabtais uas muaj hwjchim, 14 lossis cov tswv xeev uas vajntxwv txib mus txiav txim rau cov uas ua txhaum thiab qhuas cov uas ua zoo. 15 Abba (יחוח)Yahweh  xav kom nej xyaum zoo, kom thiaj ua rau cov tibneeg ruam uas hais lus tsis muaj qabhau tseg tsis hais lawm. 16 Nej cia li ua lub neej yam li uas nyob ywjpheej, tiamsis tsis txhob muab qhov uas nyob ywjpheej ntawd los mus ua txhaum. Tiamsis nej yuav tsum ua nej lub neej yam li yog Abba (יחוח)Yahweh  cov tub qhe. 17 Cia li hwm txhua tus, hlub cov kwvtij, paub ntshai Abba (יחוח)Yahweh , thiab hwm huabtais.

​

(יהושע)Yahshua Messiah Ua Yam  Ntxwv Thev Kev Txom Nyem

18 Nej cov uas yog tub qhe, nej yuav tsum nyob hauv nej tus lospav qab kev tswjhwm, thiab paub ntshai lawv txhua yam, tsis yog hwm tus uas siab zoo thiab hlub nej xwb, tiamsis hwm tus uas ua nruj ua tsiv thiab.

19 Vim qhov no haum Abba (יחוח)Yahweh  lub siab. Yog thaum ib tug twg xam pom Abba (יחוח)Yahweh , nws thiaj thev kev mob rau thaum nws raug tej kev tsim txom uas tsis raug cai. 20 Yog nej ua txhaum thiaj raug nplawm txawm yog nej ua siab ntev thev los nej yuav tau koob meej li cas?

Tiamsis yog nej ua zoo thiaj raug kev tsim txom, thiab ua siab ntev thev, thiaj yog ua haum Abba (יחוח)Yahweh  lub siab. 21 Vim Abba (יחוח)Yahweh  hu nej los thev kev tsim txom li no, rau qhov (יהושע)Yahshua Messiah twb raug kev tsim txom this nej, ua yam ntxwv tseg rau nej, xwv nej thiaj tau taug raws nws tus neev taw. 22 Nws tsis tau ua txhaum abtsi li, thiab tsis pom muaj lus dag ntxias nyob hauv nws lub qhov ncauj li.

23 Thaum lawv hais lus phem rau nws, nws tsis hais phem pauj. Thaum nws raug tsim txom, nws tsis hem lawv, tiamsis nws muab nws tus kheej cob rau tus uas txiav txim ncaj ncees. 24 Nws ris peb lub txim rau hauv nws lub cev saum tus ntoo ntsia tes, kom peb thiaj tuag ntawm lub txim, thiab muaj txojsia nyob rau txojkev ncaj ncees. Yog muaj nws tej kiav txhab thiaj kho tau peb kom zoo.

25 Rau qhov nej yuam kev yam li tej yaj, tiamsis nimno nej twb rov los cuag Tus Tswv yug yaj thiab tus uas tsom kwm nej tus ntsuj plig lawm.

​