1 Kuv yog Kepha uas yog (יהושע)Yahshua Messiah tus tubtxib, kuv sau tsab ntawv no xa tuaj rau nej txhua tus uas khiav mus nyob ua lwm haiv tibneeg rau txhua qhov hauv lub xeev Phauthias, lub xeev Galatia, lub xeev Khapadaukias, lub xeev Asia thiab lub xeev Npithinias, yog cov uas Abba (יחוח)Yahweh  xaiv cia lawd. 2 Raws li Abba (יחוח)Yahweh  tau teem cia ua ntej lawd, thiab Tus Ntsuj Plig Dawbhuv tau muab cais ua tus dawb huv kom mloog (יהושע)Yahshua Messiah lus, thiab raug (יהושע)Yahshua cov ntshav nchos rau. Thov Abba (יחוח)Yahweh  txojkev hlub thiab txojkev ywjpheej tsav ntxiv rau nej kom ntau zuj zus.

Kev Vam Uas Ruaj Khov

3 Qhuas Abba (יחוח)Yahweh  uas yog peb tus Cawemseej (יהושע)Yahshua Messiah leej Txiv. Vim Abba (יחוח)Yahweh  txojkev khuvleej uas loj kawg, nws thiaj pub peb yug dua tshiab koom txojkev vam uas ciaj sia nyob mus ib txhis. Vim qhov uas (יהושע)Yahshua Messiah ciaj sawv hauv qhov tuag rov los.

4 Thiab koom tej qub txeeg qub teg uas tsis txawj lwj, tsis muaj qhov phem qhov qias, thiab tsis txawj ploj uas twb khaws cia rau saum ntuj rau nej lawm. 5 Vim nej ntseeg, Abba (יחוח)Yahweh  lub hwjchim twb tsom kwm nej kom tau txojkev dim uas npaj txhij yuav tshwm los rau hnub kawg. 6 Nej xyiv fab kawg rau tej no, txawm yog nimno nej raug ntau yam kev sim siab ib nyuag ntu kuj xij.

7 Tej kev sim siab ntawd sim nej txojkev ntseeg saib puas muaj tseeb. (Nej txojkev ntseeg muaj nqes dua kub uas txawj ploj tag los tseem raug hluavtaws sim. ) Peb thiaj yuav raug qhuas thiab tau meej mom thiab koob meej rau thaum (יהושע)Yahshua Messiah rov los. 8 Nws yog tus uas nej tsis tau pom dua los nej tseem hlub nws. Txawm yog nimno nej tsis pom nws los nej tseem ntseeg thiab muaj kev zoo siab xyiv fab heev kawg uas qhia tsis txawj tag. 9 Vim nej txais yam uas nej txojkev ntseeg vam ntsoov, yog qhov uas nej tus ntsuj plig tau txojkev dim.

10 Cov xibhwb cev Abba (יחוח)Yahweh  lus uas hais txog Abba (יחוח)Yahweh  txojkev hlub uas yuav tshwm los rau nej, twb nrhiav thiab xawb txhua zog txojkev dim no.

11 Lawv tshawb nrhiav tus tibneeg thiab lub sijhawm uas (יהושע)Yahshua Messiah tus ntsuj plig uas nyob hauv lawv, qhia rau lawv, rau thaum nws hais ua ntej txog qhov uas (יהושע)Yahshua Messiah yuav raug kev tsim txom thiab hais txog lub hwjchim ci ntsa iab uas yuav tshwm los tom qab ntawd.

12 Abba (יחוח)Yahweh  qhia lawv paub hais tias, lawv tsis yog tu lawv tus kheej, tiamsis tu nej rau tej uas lawv hais no, yog tej uas nimno cov uas tshaj tawm txoj hmoo zoo twb tshaj tawm rau nej ntawm Tus Ntsuj Plig Dawbhuv uas raug txib saum ntuj los lawm, yog tej uas cov tubtxib saum ntuj xav pom.

​

Ua Lub Neej Dawb Huv

13 Vim li no, nej lub siab cia li npaj kom txhij, paub tswj nej tus kheej thiab cia li vam tag nrho rau txojkev hlub uas yuav pub rau nej rau thaum (יהושע)Yahshua Messiah rov los.

14 Ib yam li tus menyuam uas mloog lus, tsis txhob xyaum raws li nej tej kev ntshaw uas nej muaj thaum ub uas nej tsis paub qabhau abtsi li. 15 Tiamsis tus uas hu nej dawb huv li cas, nej yuav tsum ua tibneeg dawb huv rau txhua yam uas nej ua ib yam li ntawd, 16 rau qhov muaj lus sau cia hais tias, nej yuav tsum ua tibneeg dawb huv, vim kuv yog tus dawb huv. (Levis-Kevcai 19:2)

17 Vim nej thov hu Leej Txiv uas txiav txim rau txhua tus, raws li lawv tau ua los lawd, tsis saib leejtwg ntsej muag, nej cia li ua nej lub neej ntshai rwg rau thaum nej ua qhua nyob hauv ntiajteb no. 18 Nej kuj paub tias nej raug txhiv dim hauv lub neej uas tsis muaj qabhau uas nej saws ntawm nej tej poj koob yawm txwv los. Yam uas txhiv nej los ntawd, tsis yog yam uas txawj puam tsuaj, tiamsis yog yam li nyiaj thiab kub. 19 Vim yog (יהושע)Yahshua Messiah cov ntshav muaj nqes, ib yam li tus menyuam yaj uas tsis muaj chaw thuam, thiab tsis muaj ib qho phem cov ntshav. 20 Twb muab (יהושע)Yahshua npaj tseg cia thaum tsis tau tsim ntuj tsim teb lawm, tiamsis nws tshwm los rau tiam kawg no pab nej. 21 Vim muaj (יהושע)Yahshua, nej thiaj tso siab rau Abba(יחוח)Yahweh  uas tsa (יהושע)Yahshua ciaj sawv hauv qhov tuag rov los thiab pub hwjchim ci ntsa iab rau nws.

Nej thiaj muaj kev ntseeg thiab kev vam rau hauv Abba (יחוח)Yahweh .

22 Vim nej ua raws li txojkev tseeb thiaj ntxuav tau nej lub siab kom dawb huv lawm. Nej thiaj muaj lub siab txawj sib hlub tuaj nruab siab tiag. Nej cia li siv zog sib hlub ntawm lub siab dawb paug. 23 Nej twb yug dua tshiab lawm, tsis yog lub noob uas txawj lwj tag, tiamsis yog lub noob uas tsis txawj lwj, vim Abba (יחוח)Yahweh  txojlus uas muaj txojsia thiab nyob mus li. 24 Rau qhov, ib tsoom tibneeg zoo yam li tej nroj tsuag, thiab lawv lub meej mom tsuas zoo li tej paj nroj. Tej nroj tsuag tuag tshav qhuav, tej paj kuj zeeg, 25 tiamsis Abba (יחוח)Yahweh  tej lus, yuav nyob ruaj mus ib txhis. Tej lus no yog txoj hmoo zoo uas twb qhia tag rau nej lawm. (Isayah 40:6-8)

​