Ntuas Cov Nplua Nuj

1 Nej cov uas nplua nuj, mloog tib zoo ov. Cia li quaj thiab quaj ntsuag, vim tej kev txom nyem uas tabtom yuav los raug nej. 2 Nej tej cuab txhiaj cuab tam pob tag, thiab nej tej tsoos tsho kab ntsaum muab noj tag. 3 Nej tej nyiaj tej kub twb xeb tag lawm, thiab tej xeb ntawd yuav ua timkhawv tom nej, thiab yuav noj nej lub cev nqaij ib yam li hluavtaws hlawv. Nej khaws nyiaj txiag cia rau lub sijhawm kawg no. 4 Saib maj, cov neeg uas nej ntiav lawv tuaj ua zog hlais qoob hauv nej daim teb, tiamsis nej tsis them lawv tej nqe zog rau lawv.  

Lawv thiaj quaj qw nrov, lawv lub suab twb nrov mus txog Abba (יחוח)Yahweh  uas muaj hwjchim loj kawg nkaus lub pobntsej lawm.

5 Nej ua neej nyob, noj seem noj so, muaj kev lomzem xauv npo rau hauv lub ntiajteb. Nej txav kom nej rog ib yam li tus tsiaj uas luag txav cia tua noj. 6 Nej rau txim thiab tua tus tibneeg tsis txhaum. Los nws kuj tsis tawm tsam nej li.

​

Ua Siab Ntev Thiab Thov Abba (יחוח)Yahweh

7 Vim li no, cov kwvtij, nej yuav tsum ua siab ntev tos hnub uas peb tus Cawmseej (יהושע)Yahshua rov los. Saib maj, cov tub ua liaj ua teb, nws ua siab ntev li cas tos lub caij cog qoobloo. Nws ua siab ntev tos nag ntuj tshiab thiab nag ntuj tsaug.  8 Nej yuav tsum ua siab ntev tos ib yam li ntawd, thiab ua lub siab ruaj, rau qhov ze lub sijhawm uas (יהושע)Yahshua yuav rov los lawm. 9 Cov kwvtij, nej ib leeg tsis txhob yws ib leeg, xwv thiaj tsis raug txiav txim. Saib maj, tus uas txiav txim twb sawv ntawm qhov rooj lawm. 10 Cov kwvtij, cia li muab cov xibhwb uas tuav Abba (יחוח)Yahweh  lub npe cev lus, tus qauv los rau nej xyaum thev kev tsim txom thiab ua siab ntev tos. 11 Saib maj, peb suav tias cov uas ua siab ntev thev, kuj tau nyob kaj siab lug. Nej twb hnov txog qhov uas Yauj ua siab ntev thev, thiab pom tej uas Abba (יחוח)Yahweh  ua rau nws thaum kawg. Vim Abba (יחוח)Yahweh  muaj kev tab ncuab thiab kev khuvleej.  12 Kuv cov kwvtij, qhov uas tseem ceeb dua txhua yam huvsi, tsis txhob twv tsawm, tsis hais twv ntuj, twv teb, lossis tuav txog lwm yam twv. Qhov yog kuj hais tias Yog. Qhov tsis yog kuj hais tias Tsis yog, xwv nej thiaj tsis raug txim.

13 Nej cov leejtwg raug txom nyem? Cia tus ntawd, thov Abba (יחוח)Yahweh . Muaj leejtwg xyiv fab? Cia tus ntawd, hu nkauj qhuas.

14 Nej cov muaj leejtwg muaj mob? Cia tus ntawd, hu cov uas saib xyuas pawg ntseeg tuaj thiab cia lawv thov Abba (יחוח)Yahweh  pab nws, thiab muab roj pleev nws hauv Abba (יחוח)Yahweh  lub npe. 15 Tej lus thov uas muaj siab ntseeg, yuav kho tus mob zoo thiab Abba (יחוח)Yahweh  yuav tsa nws sawv. Yog nws tau ua txhaum, Abba (יחוח)Yahweh  yuav zam txim. 16 Vim li no, nej ib leeg yuav tsum lees txim rau ib leeg, thiab ib leeg thov Abba (יחוח)Yahweh  pab ib leeg, xwv thiaj kho nej tej mob zoo. Tus ncaj ncees tej lus thov muaj hwjchim ua tau tiav. 17 Eliyas kuj yog tibneeg zoo ib yam li peb. Nws siv zog thov Abba (יחוח)Yahweh  kom nag tsis txhob los, mas nag tsis los rau hauv lub tebchaws tau peb xyoos thiab rau lub hlis. 18 Nws rov thov Abba (יחוח)Yahweh  dua ib zaug, lub ntuj kuj pub nag los thiab cov av kuj tuaj qoob loo.

19 Kuv cov kwvtij, yog nej cov leejtwg yuam kev ntawm txoj tseeb, thiab muaj tibneeg coj nws rov los, 20 cia li paub tias tus uas coj tus uas ua txhaum rov los, kuj yog nws cawm tau tus uas ua txhaum ntawd tus ntsuj plig dim txojkev tuag, thiab roos tau tej kev txhaum uas ntau kawg.