1 Kuv yog Simon Kepha uas yog (יהושע)Yahshua  Messiah tus tub qhe thiab tus tubtxib. Kuv sau tsab ntawv no xa tuaj rau txhua tus uas tau txais txojkev ntseeg uas tsim txiaj kawg nkaus, ib yam li peb, ntawm Abba (יחוח)Yahweh  uas yog peb Tus Tswv thiab (יהושע)Yahshua Messiah uas yog peb tus Cawmseej txojkev ncaj ncees. 2 Thov txojkev hlub thiab txojkev ywjpheej tsav ntxiv rau nej kom ntau zuj zus rau thaum nej paub Abba (יחוח)Yahweh  thiab (יהושע)Yahshua uas yog peb Tus Tswv.

Abba (יחוח)Yahweh  Hu Thiab Xaiv

3 Abba (יחוח)Yahweh  lub hwjchim pub txhua yam rau peb txojsia, thiab qhov uas peb ua lub neej hwm Abba (יחוח)Yahweh , vim yog peb paub tus uas hu peb los koom nws lub hwjchim ci ntsa iab, thiab qhov uas nws zoo kawg nkaus.

4 Vim yog tej no, nws thiaj pub nws tej lus cog tseg uas tsim txiaj kawg thiab loj kawg.

Vim tej lus cog tseg ntawd, nej thiaj dim tej kev phem kev qias hauv lub ntiajteb uas los ntawm txojkev ntshaw, thiab nej thiaj muaj lub neej zoo ib yam li Abba (יחוח)Yahweh  lub.

5 Vim li no, nej yuav tsum siv zog tiag tiag thiab muab nej txojkev ua zoo kawg nkaus ntxiv rau txojkev ntseeg, thiab muab txojkev paub, ntxiv rau txojkev ua zoo. 6 Thiab muab qhov uas tswj yus tus kheej ntxiv rau txoj kev paub, thiab muab qhov uas ua siab ntev thev, ntxiv rau qhov uas tswj tus kheej, thiab muab qhov uas hwm Abba (יחוח)Yahweh , ntxiv rau qhov uas ua siab ntev thev, 7 thiab muab qhov uas hlub kwvtij ntxiv rau qhov uas hwm Abba (יחוח)Yahweh , thiab muab txojkev sib hlub ntxiv rau qhov uas hlub kwvtij. 8 Yog tej no nyob hauv nej thiab huaj vam nplua mias, mas tej no yuav ua rau nej tsis nkim zog thiab tawg paj txi txiv rau qhov uas paub peb Tus Tswv (יהושע)Yahshua Messiah.

9 Tus uas tu ncua tej no kuj yog dig muag thiab pom kev tsis tseeb, thiab tsis nco tias nws tej kev txhaum thaum ub, twb raug muab ntxuav lawm. 10 Vim li no, cov kwvtij, nej yuav tsum yimhuab siv zog heev dua qub, ua rau qhov uas Abba  (יחוח)Yahweh  hu nej thiab xaiv nej nyob ruaj. Yog nej ua li no, tsis muaj ib hnub twg uas nej yuav ntog li.

11 Thiab yuav muaj txojkev npaj txhij zoo zoo rau nej nkag rau hauv peb Tus Tswv (יהושע)Yahshua Messiah uas yog peb tus Cawmseej lub tebchaws uas nyob mus ib txhis.

12 Vim li no, txawm yog nej twb paub thiab nyob ruaj hauv txojkev tseeb uas nej tau lawd, los kuv yeej yuav niaj hnub ntuas kom nej nco ntsoov txog tej ntawd. 13 Thaum kuv tseem muaj txojsia nyob hauv lub cev nqaij tawv, kuv pom tias tsim nyog txhob kom nej nco ntsoov. 14 Vim kuv paub tias, tsis ntev kuv yuav ncaim lub cev no mus raws li peb Tus Tswv (יהושע)Yahshua Messiah twb qhia meej rau kuv lawd. 15 Thiab kuv yuav siv zog ua rau nej nco ntsoov tej no rau thaum kuv ncaim nej mus lawd.

​

Cov Uas Pom (יהושע)Yahshua Messiah Lub Hwjchim Ci Ntsa Iab

(Luke 3:22, Yahchanan Mark 1:11)

16 Thaum peb qhia rau nej paub txog peb Tus Tswv (יהושע)Yahshua Messiah lub hwj chim, thiab qhov uas nws yuav rov los, peb tsis yog hais raws li tej dab tibneeg uas xav tswvyim hais, tiamsis peb qhov muag tau pom nws lub hwjchim meej mom ntag. 17 Thaum (יהושע)Yahshua tau txais koob meej thiab hwjchim ci ntsa iab ntawm Abba (יחוח)Yahweh  thiab lub suab ntawm lub hwjchim ci ntsa iab uas loj kawg hais txog nws tias, tus no yog kuv  tus Tub uas kuv hlub, kuv txaus siab rau nws heev. 18 peb kuj hnov lub suab no saum ntuj tuaj, rau thaum peb nrog nws nyob saum lub roob dawb huv ntawd. 19 Thiab peb tuav cov xibhwb cev Abba (יחוח)Yahweh  lus tej lus ruaj dua. Yog nej muab siab rau tej lus ntawd, kuj zoo, vim tej lus ntawd zoo yam li lub teeb uas ci hauv qhov chaw tsaus ntuj, mus txog kaj ntug es lub hnub qub toog thaum sawv ntxov tawm tuaj rau hauv nej lub siab.

20 Nej yuav tsum nkag siab ua ntej tias, tsis muaj leejtwg txhais tau tej lus cev uas nyob hauv Abba (יחוח)Yahweh  txojlus lub ntsiab, raws li nws lub siab.

21 Rau qhov tej lus uas cov xibhwb cev Abba (יחוח)Yahweh  lus hais, tsis yog hais raws li tibneeg xav, tiamsis Tus Ntsuj Plig Dawbhuv kav tibneeg lub siab, lawv thiaj hais tej lus uas los ntawm Abba (יחוח)Yahweh  los.

​