Sha-ul Tes Haujlwm Hauv Thessalonians

1 Cov kwvtij, nej kuj paub tias qhov uas peb tuaj saib nej ntawd tsis nkim zog kiag. 2 Txawm yog peb twb raug kev txom nyem thiab poob ntsej muag hauv lub moos Philippians uas nej twb paub lawm, los peb tseem muaj lub siab tuab hauv peb tus Abba (יחוח)Yahweh rau qhov uas yuav qhia Abba (יחוח)Yahweh txoj hmoo zoo rau nej, txawm yog muaj tibneeg tawm tsam peb ntau heev kuj xij.

3 Tej lus uas peb qhia tsis yog los ntawm qhov uas xav yuam kev, lossis ntawm tej uas tsis dawb huv, lossis ib yam kev dag.

4 Tiamsis Abba (יחוח)Yahweh pom zoo thiaj muab txoj hmoo zoo cob rau peb, peb thiaj qhia, tsis yog ua kom txaus tibneeg lub siab tiamsis ua kom txaus Abba (יחוח)Yahweh lub siab, yog tus uas tshuaj saib peb. 5 Nej kuj paub tias, tsis yog peb hais tej lus qab ntsev qab zib, lossis hais kom tau tshaj thawj ntawm nej. Muaj Abba (יחוח)Yahweh ua timkhawv rau tej no thiab.

6 Peb tsis tau nrhiav koob meej ntawm tibneeg, tsis hais nej los yog lwm tus. Peb yog (יהושע)Yahshua Messiah cov tubtxib, yeej muaj feem ua lub nra rau nej ris.

7 Tiamsis thaum peb nrog nej nyob, peb ua siab mos siab muag ib yam li leej niam tu nws cov menyuam. 8 Vim peb hlub nej ib yam li ntawd lawm. Peb yeej npaj txhij, tsis yog pub txoj hmoo zoo rau nej xwb, tiamsis pub peb tus kheej rau nej thiab, vim nej yog cov uas peb hlub heev. 9 Cov kwvtij, nyaj nej kuj nco txog qhov uas peb ua haujlwm hnyav thiab khwv kawg li. Thaum peb tshaj tawm txoj hmoo zoo rau nej, peb ua haujlwm nruab hnub hmo ntuj kom thiaj tsis ua lub nra hnyav rau nej leejtwg. 10 Nej ua tau timkhawv rau peb thiab Abba (יחוח)Yahweh ua timkhawv tias, peb tau xyaum ua lub neej dawb huv thiab ncaj ncees thiab tsis muaj chaw thuam rau hauv nej cov uas ntseeg. 11 Nej twb paub lawm tias, peb ua ib yam li Leej Txiv ua rau nws cov menyuam. 12 Yog qhuab ntuas nej txhua tus, thiab txhawb nej lub zog, thiab nkaw lus kom nej ua lub neej haum Abba (יחוח)Yahweh lub siab, yog tus uas hu nej los rau hauv nws lub tebchaws, thiab hauv nws lub hwjchim ci ntsa iab. 13 Peb kuj ua Abba (יחוח)Yahweh tsaug tsis tu ncua, vim thaum nej tau txais Abba (יחוח)Yahweh txojlus uas nej tau hnov ntawm peb, nej tsis tau txais yuav yam li yog tibneeg tej lus, tiamsis txais yuav raws li qhov tseeb, uas yog Abba (יחוח)Yahweh txojlus uas tab tom ua haujlwm rau hauv nej cov uas ntseeg.

14 Cov kwvtij, nej kuj zoo ib yam li Abba (יחוח)Yahweh cov pawg ntseeg hauv (יהושע)Yahshua Messiah, uas nyob hauv lub xeev Yahdah, vim nej twb raug nej cov tibneeg tsim txom ib yam li lawv raug cov Yahdaim tsim txom thiab. 15 Cov Yahdaim tau tua tus Cawmseej (יהושע)Yahshua, thiab tua cov xibhwb cev Abba (יחוח)Yahweh lus, thiab ntiab peb khiav mus. Lawv ua tsis haum Abba (יחוח)Yahweh lub siab thiab tawm tsam ib tsoom tibneeg sawvdaws, 16 rau qhov uas lawv txwv tsis pub peb qhia rau lwm haiv neeg kom tau txais kev dim, lawv thiaj tsav lub txim zuj zus. Tiamsis thaum kawg no, Abba (יחוח)Yahweh txojkev npau taws poob rau saum lawv lawm.

​

Sha-ul Xav Rov Mus Saib Cov Ntseeg

17 Cov kwvtij, thaum peb raug ncaim nej mus ib nyuag ntu lawm, peb tsuas ncaim lub cev xwb tsis ncaim lub siab, los peb lub siab kub lug heev xav rov pom nej ntsej muag.

18 Peb xav tuaj cuag nej, thiab kuv Sha-ul kuj xav tag xav thiab uas yuav tuaj, tiamsis Xatas pheej tav peb kev. 19 Peb txojkev vam thiab peb txojkev xyiv fab, thiab peb lub mom kub uas peb yuav qhuas txog rau ntawm peb tus Cawmseej (יהושע)Yahshua Messiah lub xubntiag, rau thaum nws rov los yog abtsi? Tsis yog nej lov? 20 Rau qhov nej yog peb lub koob meej thiab yog peb txojkev xyiv fab.

 

​