1 Vim li no, thaum peb thev tsis taus lawm, peb thiaj pom zoo, cia peb nyob hauv lub nroog Athees xwb, 2 thiab peb txib peb tus kwv Timothy, uas koom ua Abba (יחוח)Yahweh tes haujlwm qhia txoj hmoo zoo hais txog (יהושע)Yahshua Messiah, tuaj cuag nej, kom thiaj ua rau nej nyob ruaj thiab txhawb nej lub zog hauv nej txojkev ntseeg, 3 kom tej kev tsim txom no, thiaj tsis ua rau leejtwg lub siab ywj fab ywj fwj. Nej yeej paub tias twb teem cia rau peb raug kev tsim txom. 4 Thaum peb nrog nej nyob, peb twb hais rau nej paub ua ntej tias, peb yuav raug kev tsim txom mas kuj muaj li ntawd, raws li nej paub. 5 Vim li no, thaum kuv thev tsis taus lawm, kuv thiaj txib tibneeg tuaj xwv thiaj paub txog nej txojkev ntseeg nyob li cas. Kuv ntshai tsam tus uas sim siab, yuav sim nej qee yam, ces tes haujlwm uas peb siv zog ua yuav tsis muaj qabhau. 6 Nimno Timothy twb rov ntawm nej los txog peb lawm, thiab coj xov zoo hais txog nej txojkev ntseeg, thiab nej txojkev sib hlub, thiab qhia rau peb paub tias, nej nco txog peb tsis tu ncua rau qhov zoo, thiab xav pom peb ib yam li peb xav pom nej.

7 Vim li no, cov kwvtij, nej txojkev ntseeg txhawb peb lub zog rau thaum peb raug txhua yam kev ceeblaj thiab raug kev tsim txom, 8 rau qhov yog nej nyob ruaj hauv Abba (יחוח)Yahweh, peb tau txojsia puv npo lawm.

9 Peb yuav ua Abba (יחוח)Yahweh tsaug txog nej li cas rau qhov uas peb zoo siab xyiv fab tab meeg peb tus Abba (יחוח)Yahweh lub xubntiag vim yog nej?  10 Peb siv zog thov Abba (יחוח)Yahweh heev, nruab hnub hmo ntuj, pab kom peb yuav rov pom nej ntsej muag thiab tau tsav nej txojkev ntseeg qhov uas tu ncua ntxiv rau nej.

11 Thov Abba (יחוח)Yahweh uas yog peb Leej Txiv thiab peb tus Cawmseej (יהושע)Yahshua, coj peb kev tuaj txog nej.

12 Thiab thov Abba (יחוח)Yahweh ua rau nej loj hlob hauv txojkev sib hlub, thiab txojkev hlub txhua tus, kom muaj nplua mias ib yam li peb hlub nej.

13 Thiab thov kom nws ua rau nej lub siab nyob ruaj hauv txojkev dawb huv, tsis muaj chaw thuam rau ntawm Abba (יחוח)Yahweh uas yog peb Leej Txiv lub xubntiag rau thaum peb tus Cawmseej (יהושע)Yahshua nrog nws cov tibneeg dawb huv sawvdaws ua ke rov los.

​