Lub Neej Uas Haum Abba (יחוח)Yahweh Siab

1 Cov kwvtij, thaum kawg no, peb twb qhia nej ua lub neej li cas thiaj haum Abba (יחוח)Yahweh lub siab, thiab nej tabtom ua li ntawd lawm. Peb thiaj thov thiab ntuas nej hauv peb tus Cawmseej (יהושע)Yahshua kom nej yimhuab ua lub neej zoo li no zujj zus mus. 2 Nej twb paub tej uas peb qhia rau nej hauv tus Cawmseej (יהושע)Yahshua lub npe lawm. 3 Abba (יחוח)Yahweh lub siab nyiam, yog qhov uas cais nej ua dawb huv, tseg tsis txhob ua nkauj ua nraug, 4 cia txhua tus paub tswj nej lub cev, kom dawb huv, kom luag thiaj saib taus, 5 tsis yog ua raws li lub siab ntshaw kev phem, kev qias, yam li lwm haiv neeg uas tsis paub Abba (יחוח)Yahweh. 6 Nej tsis txhob ua txhaum thiab ua dhau cai rau kwvtij txog zaj no, rau qhov Abba (יחוח)Yahweh yog tus uas yuav rau txim rau tus uas ua txhaum li ntawd ib yam li kuv twb ntuas thiab qhia nej ua ntej lawm.

7 Rau qhov Abba (יחוח)Yahweh tsis tau hu peb los ua tibneeg qias, tiamsis hu peb los ua tibneeg dawb huv. 8 Yog li no, tus uas tsis lees yuav tej no, tsis yog tsis lees yuav tibneeg tiamsis tsis lees yuav Abba (יחוח)Yahweh uas pub nws tus Ntsuj Plig dawb huv rau nej.

9 Hais txog qhov uas kwvtij sib hlub, tsis tag yuav sau tuaj qhia rau nej, vim Abba (יחוח)Yahweh twb qhia nej sib hlub lawm. 10 Nej yeej hlub cov kwvtij sawvdaws uas nyob thoob plaws lub xeev Makhedaunias lawm. Tiamsis, cov kwvtij, thov ntuas kom nej yimhuab ua li no ntau zuj zus mus. 11 Cia li npaj siab nyob tus yees, tsis txhob thab luag, cia li siv koj txhais tes ua koj tej haujlwm, raws li peb twb nkaw lus rau nej lawd, 12 xwv luag thiaj li hwm nej, thiab nej thiaj tsis tab kaum leejtwg.

​

(יהושע)Yahshua Rov Qab Los

13 Cov kwvtij, peb xav kom nej paub tseeb txog cov uas tsaug zog lawd, xwv nej thiaj tsis quaj ntsuag yam li lwm tus uas tsis muaj chaw vam.

14 Vim peb ntseeg tias, (יהושע)Yahshua tuag thiab ciaj sawv rov los lawm, hauv tus Cawmseej (יהושע)Yahshua no, Abba (יחוח)Yahweh yuav coj cov uas tsaug zog lawd, nrog (יהושע)Yahshua los. 15 Raws li Abba (יחוח)Yahweh txojlus, kuv qhia rau nej tias, peb cov uas tseem ciaj sia, tshuav nyob txog thaum tus Cawmseej (יהושע)Yahshua rov los, yuav tsis ua cov uas tsaug zog lawd, ntej mus. 16 Rau qhov (יהושע)Yahshua yuav nqes saum ntuj los, muaj lub suab hu nrov, yog tus thawj tubtxib saum ntuj lub suab hu, thiab muaj Abba (יחוח)Yahweh lub suab raj suab xyu nrov, mas cov uas tuag rau hauv (יהושע)Yahshua Messiah lawm, yuav xub ciaj sawv los ua ntej. 17 Dhau ntawd, peb cov uas tseem tshuav muaj txojsia nyob, yuav raug muab qaws rau saum tauv huab nrog cov ntawd ua ke thiab yuav ntsib Cawmseej (יהושע)Yahshua saum nruab ntug, mas raws li no, peb yuav tau nrog (יהושע)Yahshua nyob mus ib txhis. 18 Yog li no, nej cia li muab tej lus no txhawb nej txhua tus lub siab.