1 Cov kwvtij, hais txog lub caij lub nyoog ntawd, tsis tag yuav sau abtsi qhia rau nej paub. 2 Rau qhov nej yeej paub tias, hnub uas (יהושע)Yahshua los ntawd, nws yuav los yam li tub sab tuaj hmo ntuj. 3 Thaum tibneeg xav tias, nyob tiaj, nyob tus, nyob tso siab plhuav, thaum ntawd ntag, kev puam tsuaj yuav los raug lawv tamsid, yam li tus pojniam mob plab yuav yug menyuam, thiab lawv yuav khiav tsis dim. 4 Tiamsis, cov kwvtij, nej tsis nyob hauv qhov tsaus ntuj lawm, hnub ntawd, thiaj tsis los txog nej yam li tub sab tuaj,  5 vim nej yog qhov kaj li menyuam thiab yog nruab hnub li menyuam. Peb tsis yog hmo ntuj li lossis qhov tsaus ntuj li. 6 Vim li no, peb tsis txhob tsaug zog yam li lwm tus, tiamsis peb cia li ceev faj zov tos thiab feeb meej. 7 Rau qhov cov uas tsaug zog yeej tsaug zog hmo ntuj, thiab cov uas qaug cawv yeej qaug hmo ntuj. 8 Tiamsis vim peb yog cov nruab hnub, peb cia li feeb meej, thiab cia li muab txojkev ntseeg thiab txojkev sib hlub los hnav thaiv hauv siab, thiab muab txojkev vam tias yuav dim, los ua lub mom hlau ntoo. 9 Rau qhov Abba (יחוח)Yahweh tsis tau tu peb cia kom raug txojkev npau taws, tiamsis tu kom tau txojkev dim ntawm peb tus Cawmseej (יהושע)Yahshua Messiah, 10 yog tus uas tuag this peb. Txawm yog peb yuav tsaug zog thiab tsis tsaug los, peb yuav nrog nws muaj txojsia nyob.

11 Yog li no, ib leeg cia li txhawb ib leeg lub zog thiab ib leeg pab ib leeg kom nyob ruaj yam li nej tseem ua ntawd.

​

Tej Lus Ntuas Thiab Tej Lus Sib Fim Thaum Kawg

12 Cov kwvtij, peb thov kom nej hwm cov uas ua haujlwm hauv nej nruab nrab thiab cov uas kav nej, thiab qhuab ntuas nej hauv Abba (יחוח)Yahweh. 13 Cia li hwm lawv heev thiab hlub lawv, vim tes haujlwm uas lawv ua. Cia li nyob sib haum xeeb. 14 Cov kwvtij, thov nej ntuas cov uas tub nkeeg, txhawb cov uas siab yau lub zog, pab cov uas qaug zog, thiab ua siab ntev rau txhua tus. 15 Tsis txhob cia leejtwg ua phem pauj phem, tiamsis ib leeg yuav tsum nrhiav kev ua zoo rau ib leeg, thiab ua zoo rau txhua tus. 16 Cia li zoo siab xyiv fab txhua lub sijhawm, 17 cia li thov Abba (יחוח)Yahweh tsis tu ncua, 18 thiab ua Abba (יחוח)Yahweh tsaug rau txhua yam, vim qhov no, yog raws li Abba (יחוח)Yahweh lub siab nyiam rau nej cov uas nyob hauv (יהושע)Yahshua Messiah. 19 Tsis txhob txwv tav Tus Ntsuj Plig Dawbhuv, 20 tsis txhob saib tsis taus tej lus uas tus xibhwb cev Abba (יחוח)Yahweh lus hais. 21 Ua tib zoo tshuaj saib txhua yam. Yam uas zoo, cia li tuav kom ruaj, 22 txhua yam uas phem, cia li tseg tsis txhob ua. 23 Thov Abba (יחוח)Yahweh pub txojkev kaj siab cais nej kom dawb huv kawg nkaus, thiab tsom kwm nej tus ntsuj plig, nej lub siab, thiab nej lub cev, kom zoo tsis muaj chaw thuam mus txog thaum peb tus Cawmseej (יהושע)Yahshua Messiah rov los.

24 Tus Tswv uas hu nej los cuag nws thiab cawm nej dim, yeej yog tus ncaj ncees thiab dawbhuv, thiab muaj hwjchim loj kawg nkaus nej yeej tso siab tau rau nws. Nws yuav ua kom txhua yam uas nws hais tseg lawd tiav. 25 Cov kwvtij, cia li thov Abba (יחוח)Yahweh pab peb thiab. 26 Cia li fim cov kwvtij sawvdaws ntawm txoj kevcai nwj uas dawb huv. 27 Kuv tuav Abba (יחוח)Yahweh lub npe nkaw lus rau nej kom nyeem tsab ntawv no rau txhua tus kwvtij mloog.

28 Thov peb tus Cawmseej (יהושע)Yahshua Messiah txojkev hlub nrog nraim nej.