Yahdah Caj Ces

1 Yahdah cov tub yog Peles, Hexaloos, Khamis, Hawj thiab Saunpas.

2 Saunpas tus tub Le‑ayah yog Yahas txiv, Yahas yog Ahumais thiab Lahas txiv. Cov no yog cov Xaulas tej cum.

3 Cov no yog Edas cov tub, Yile‑ees, Isamas thiab Inpas. Lawv tus muam hu ua Haxeleephaunis.

4 Penu‑ees yog Kedaus txiv thiab Exaws yog Husas txiv.  Cov no yog Hawj cov tub.  Hawj yog Efathas tus tub hlob, Efathas yog tus uas rhawv lub moos Npeleh-ees.

5 Asus uas yog Thekhau‑as txiv muaj ob tug pojniam, yog Helas thiab Na‑alas.

6 Na‑alas yug tau tub rau nws yog Ahuxas, Hefaws, Themenis thiab Ha‑ahathalis.  Cov no yog Na‑alas cov tub.

7 Helas cov tub yog Xeles, Xauhas thiab Ethanas.

8 Khaus yog Anuj thiab Haxaunpenpas txiv thiab yog Halus tus tub Ahahees tej cum lub keeb.

9 Yanpes yog tus uas muaj meej mom dua nws cov kwvtij.  Nws niam tis nws lub npe hu ua Yanpes hais tias, kuv yug nws mas mob heev.

10 Yanpes thov Ixayees Tus Tswv tias, thov koj foom koob hmoov rau kuv thiab nthuav kuv tus ciam teb kom dav, thiab thov koj nrog nraim kuv thiab thov koj tsom kwm kuv kom dim tej kev phem kuv thiaj tsis raug mob.  Mas (יחוח)Yahweh kuj pub raws li nws tau thov.

11 Suhas tus tijlaug Khelub yog Mehis txiv.  Mehis yog Ethoos txiv.

12 Ethoos yog Npelafas, Paxe‑as thiab Thehinas txiv. Thehinas yog Inahas txiv. Cov no yog cov tibneeg hauv lub moos Lekhas.

13 Khenas cov tub yog Auni‑ees thiab Xelayah. Auni‑ees cov tub yog Hathaj thiab Me‑aunauthais.

14 Me-aunauthais yog Aufas txiv, Xelayah yog Yahas txiv. Yahas yog cov Kehalasis txiv, lub npe hu ua Kehalasis rau qhov lawv sawvdaws yog cov Kws txawj txua ub txua no.

15 Yefunes tus tub Khalej cov tub yog Ilus, Elas thiab Na‑as. Elas cov tub yog Khenas.

16 Yehalelees cov tub yog Xis, Xifahas, Thithias thiab Axalees.

17 Exalayah cov tub yog Yethaws, Melej, Efaws thiab Yaloos. Melej yuav Npithiyah uas yog Falaus tus ntxhais, nws xeeb tub thiab yug tau Mili‑as, Samais thiab Isanpas uas yog Ethemau‑as txiv.

18 Thiab Melej yuav ib tug Yahdais ua pojniam mas yug tau Yeles uas yog Kedaus txiv, thiab Henpaws uas yog Xaukhaus txiv, thiab Yekhuthi‑ees uas yog Xanau‑as txiv.

19 Haudiyah tus pojniam uas yog Nahas tus muam cov tub yug tau Khe‑ilas uas yog tibneeg Kamais, thiab Ethemau‑as uas yog tibneeg Ma‑akhas.

20 Simoos cov tub yog Asnoos, Libnas, Npeehanas thiab Thiloos. Isis cov tub yog Xauhes thiab Npeexauhes.

21 Yahdah tus tub Selas cov tub yog Ws uas

yog Lekhas txiv thiab La‑adas uas yog Malesas txiv, thiab tej yim Kws txawj ntos ntaub mag hauv lub moos Npe Anpe‑as,

22 thiab Yahkhis thiab cov tibneeg hauv lub moos Khauxenpas thiab Yahas thiab Xalaj uas kav hauv Mau‑as tebchaws thiab lub moos Yasunpis Lehees. (Cov uas sau tag no twb muab sau cia rau thaum ub lawm).

23 Cov no yog cov Kws puab lauj kaub nyob hauv lub moos Netha‑is thiab Kedelas. Lawv nrog vajntxwv nyob qhov ntawd ua vajntxwv tes haujlwm.

Xime‑oos Caj Ces

24 Xime‑oos cov tub yog Nemu‑ees, Yamis, Yalis, Xelag, Sha-ul.

25 Sha-ul tus tub yog Salus, Salus tus tub yog Mixas, Mixas tus tub yog Misamas.

26 Misamas tus tub yog Hamu‑ ees, Hamu‑ees tus tub yog Xakaws, Xakaws tus tub yog Sime‑is.

27 Sime‑is muaj kaum rau tus tub thiab rau tus ntxhais.  Tiamsis Sime‑is cov kwvtij tsis muaj menyuam coob, mas lawv tej cum thiaj tsis huaj vam coob li xeem Yahdah.

28 Lawv nyob hauv lub moos Npe‑ awsenpas, Mauladas, Haxasu‑as,

29 Npihas, Exees, Thau-las,

30 Npethu‑ees, Haumas, Xilaj,

31 Npe Makhanpaus, Haxaxuxis, Npenpilis thiab Sa‑ala‑is. Tej moos no yog lawv cov moos mus txog thaum Daviv ua vajntxwv kav.

32 Lawv tej zej zog yog Edas, Ayis, Limoos, Thaukhees thiab Asas, huvsi tsib lub moos,

33 thiab tej zej zog uas nyob puag ncig tej moos ntawd mus txog ntua lub moos Npa‑alas Npees. Cov no yog lawv tej chaw nyob, thiab lawv muaj ntaub ntawv uas sau lawv tej yim li keeb kwm cia.

34 Mesaunpas, Yalej, Yausayah uas yog Amaxiyah tus tub,

35 Yahees, Yahus uas yog Yausinpiyah tus tub, Yausinpiyah yog Xela-yah tus tub thiab yog Axi‑ees li xeeb ntxwv,

36 Eeyahenais, Ya‑akhaunpas, Yesauhayah, Axayah, Adi‑ees, Yeximi‑ees, Npenayah,

37 thiab Sifis tus tub Xixas.  Sifis yog Aloos tus tub, Aloos yog Yedayah tus tub, Yedayah yog Simis tus tub, Simis yog Semayah tus tub.

38 Cov uas hais npe tag no ua thawj hauv lawv tej cum, thiab lawv tej ceg kuj huaj vam coob kawg li.

39 Lawv txiv mus rau ntawm txojkev uas nkag mus rau hauv lub moos Kedaus, mus txog ntawm lub hav sab hnub tuaj mus nrhiav tshav zaub rau lawv tej yaj tej tshis noj.

40 Lawv nrhiav tau lub tshav zaub zoo heev uas zoo yug yaj yug tshis, thiab lub tebchaws dav ntsiag to thiab tsis muaj kev kub ntxhov, rau qhov cov qub tibneeg uas nyob ua ntej yog Has caj ces.

41 Cov uas muaj npe sau cia no tau los nyob rau lub sijhawm uas Hexekhiyah ua vajntxwv kav Yahdah, mas lawv ua rau cov qub tibneeg thiab cov tibneeg Hamais uas nyob qhov ntawd tej tsev ntaub puam tsuaj tag huvsi, thiab ntxuav kom lawv tu noob txog niaj hnub nimno.  Mas lawv nyob cov qub tibneeg tej chaw, vim yog qhov ntawd muaj tshav zaub zoo yug lawv tej yaj tej tshis.

42 Lawv cov ntawd tsib puas leej uas yog xeem Xime‑oos mus pem lub roob Xe‑is. Cov uas coj lawv yog Pelathiyah, Ne‑aliyah, Lefayah thiab Uxis‑ees uas yog Isis cov tub.

43 Lawv ua kom cov tibneeg Amalej uas khiav dim es tseem tshuav nyob puam tsuaj tag, mas lawv nyob qhov ntawd txog niaj hnub nimno.