Lunpees Caj Ces

1 No yog hais txog Lunpees uas yog Ixa-yees tus tub hlob cov tub. Txawm yog Lunpees yog tus tub hlob los vim qhov uas nws tau nrog nws txiv tus niam yau pw mas nws li feem uas ua tus tub hlob thiaj li muab rau Ixayees tus tub Yahxej ob tug tub lawm.  Yog li ntawd thiaj tsis sau Lunpees lub npe rau hauv phau ntawv uas sau keeb kwm raws li qhov uas nws yog tus tub hlob.

2 Txawm yog Yahdah muaj zog dua nws tej kwvtij thiab muaj ib tug thawj kav tshwm ntawm nws los, los feem uas ua tub hlob yog Yahxej li lawm.  

3 Lunpees uas yog Ixayees tus tub hlob cov tub yog Hanaus, Palus, Hexaloos thiab Khamis.

4 Yahees cov tub yog Semayah uas yog Yahees tus tub, Semayah tus tub yog Kaus, Kaus tus tub yog Sime‑is,

5 Sime‑is tus tub yog Mikhayah, Mikhayah tus tub yog Le‑ayah, Le‑ayah tus tub yog Npa‑as,

6 au kuav coj mus nyob lwm tebchaws lawm. Npe‑elas yog ib tug thawj hauv xeem Lunpees.

7 Hauv phau ntawv uas sau lawv li keeb kwm, mas nws cov kwvtij raws li lawv tej cum yog li no.  Tus thawj yog Ye‑i‑ees, thiab Xekhaliyah,

8 thiab Axaj tus tub Npelas.  Axaj yog Semas tus tub, Semas yog Yahees tus tub. Lawv nyob hauv lub tebchaws Alau‑aws mus txog lub moos Nenpaus thiab Npa‑as Me‑oos.

9 Lawv kuj nyob sab hnub tuaj mus txog ntawm ntug ntuj nrag teb do uas nyob ntawm tus dej Yufetis sab tim no, rau qhov lawv tej tsiaj txhu huaj vam coob coob rau hauv tebchaws Kile‑as.

10 Lub sijhawm uas Sha-ul ua vajntxwv kav, lawv tau ua rog rau cov tibneeg Hakas, mas cov Hakas tuag rau lawv tes, mas lawv thiaj nyob hauv lawv tej tsev ntaub thoob plaws lub tebchaws uas nyob ntawm Kile‑as sab hnub tuaj.

​

Nkas Caj Ces

11 Nkas cov tub ki nyob npuas nkaus xeem Lunpees hauv tebchaws Npasas mus txog lub moos Xalekhas.

12 Yahees yog tus thawj, Safam yog tus ob, thiab muaj Ya-anais thiab Safas hauv Npasas.

13 Thiab lawv cov kwvtij raws li lawv tej cum, yog Mikha‑ees, Mesulas, Senpas, Yaulais, Yakhas, Xi‑as thiab Henpaws, huvsi xya leej.

1 Cov no yog Anpiha‑is cov tub. Anpiha‑is yog Hulis tus tub, Hulis yog Yalau‑as tus tub, Yalau‑as yog Kile‑as tus tub, Kile‑as yog Mikha‑ees tus tub, Mikha‑ees yog Yesisais tus tub, Yesisais yog Yadaus tus tub, Yadaus yog Npus tus tub. 15 Ahis uas yog Adi‑ees tus tub thiab yog Kunis tus xeeb ntxwv yog tus thawj hauv lawv cum.

16 Mas lawv nyob hauv Kile‑as thiab Npasas thiab hauv Npasas tej moos thiab tej tshav zaub huvsi thoob plaws hauv Saloos tebchaws.

17 Cov no sawvdaws lawv tau nce npe raws li lawv caj ces li keeb kwm rau thaum Yahthas ua vajntxwv kav Yahdah hos Yelaunpau‑as ua vajntxwv kav Ixayees.

​

Xeem Lunpees Thiab Xeem Nkas Thiab Ib Nrab Xeem Manaxes 

18 Xeem Lunpees thiab xeem Nkas thiab ib nrab xeem Manaxes muaj tub rog siab loj siab tuab uas tuav daim phiaj hlau thiab rab ntaj thiab txawj tua hneev nti, txawj ua rog, lawv muaj 44,760 leej npaj txhij yuav ua rog.  

19 Lawv ua rog rau cov Hakas, Yethus, Nafis thiab Naudas. 

20 Thaum (יחוח)Yahweh pab lawv mas cov Hakas thiab cov uas nrog cov Hakas nyob poob rau hauv lawv txhais tes, vim lawv tau thov hu (יחוח)Yahweh rau thaum lawv ua rog mas nws teb lawv tej lus thov, rau qhov lawv tso siab rau nws.

21 Lawv txeeb tau cov Hakas tej tsiaj txhu mus, yog ntxhuav 50,000 tus, yaj 250,000 tus thiab nees luav 2,000 tus, thiab ntes tau tibneeg 100,000 leej.

22 Cov Hakas tuag coob rau qhov zaum rog no yog los ntawm (יחוח)Yahweh los.  Lawv nyob hauv cov Hakas tej chaw mus txog thaum lawv poob tebchaws.

23 Xeem Manaxes ib nrab nyob hauv lub tebchaws ntawd.  Lawv muaj coob nyob txij ntua Npasas mus txog ntua lub moos Npa‑as Hawmoos thiab Xenis thiab lub roob Hawmoos.

24 Cov thawj hauv lawv tej cum yog li no, yog Efaws, Isis, Eli‑ees, Axali‑ees, Yeremyah, Haudayah thiab Yadi‑ees.  Lawv yog tub rog siab loj siab tuab, muaj suab muaj npe ua cov thawj hauv lawv tej cum.   

25 Tiamsis lawv ntxeev siab rau lawv tej poj koob yawm txwv Tus Tswv.  Lawv mus deev cov tibneeg hauv lub tebchaws ntawd tej dab, yog cov tibneeg uas (יחוח)Yahweh tau ua kom puam tsuaj tom lawv hauv ntej lawm.

26 Ixayees Tus Tswv thiaj tshoov cov Axilias tus vajntxwv Pus lub siab (Pus yog Axilias tus vajntxwv Thikapinexaws) mas nws thiaj muab xeem Lunpees, xeem Nkas thiab ib nrab xeem Manaxes kuav mus thiab coj lawv mus rau lub moos Halas thiab Hanpaus thiab Halam thiab mus txog tus dej Kauxas nyob txog niaj hnub nimno.