1 VAJ KEEB KWM 9

Cov Uas Rov Tim Npanpiloos Los

(Nehemyah 11:3-19)

1 Ua li ntawd ib tsoom Ixayees sawv daws sau npe cia raws li lawv caj ces li keeb kwm thiab cov npe no tau muab sau rau hauv Ixayees tej vajntxwv phau ntawv keeb kwm lawm.  Mas Yahdah raug kuav coj mus nyob rau hauv tebchaws Npanpiloos vim lawv lub siab tsis xib rau (יחוח)Yahweh lawm.

2 Thawj pab uas rov qab los nyob hauv lawv tej vaj tse uas yog lawv tug hauv lawv tej moos yog cov pov thawj, cov Levis thiab cov qhev ua haujlwm hauv lub tuam tsev.

3 Muaj qee leej hauv xeem Yahdah xeem Npeeyamees xeem Efa‑is thiab xeem Manaxes nyob hauv Yeluxalees,

4 yog Uthais uas yog Amihus tus tub, Amihus yog Oolis tus tub, Oolis yog Ilis tus tub, Ilis yog Npanis tus tub, Npanis yog Yahdah tus tub Peles li ib ceg xeeb ntxwv.

5 Ntawm cum Silaus yog Axayah uas yog tub hlob thiab nws cov tub.

6 Ntawm Xelag caj ces yog Ye‑us‑ees thiab nws cov kwvtij, muaj rau pua cuaj caum leej.

7 Ntawm xeem Npeeyamees yog Mesulas tus tub Xalus, Mesulas yog Haudayah tus tub, Haudayah yog Haxenu‑as tus tub,

8 thiab Yelauhas tus tub Yineyah, thiab Uxis tus tub Elas uas yog Mikhis tus xeeb ntxwv, thiab Sefathiyah tus tub Mesulas, Sefathiyah yog Le‑u‑ees tus tub, Le‑u‑ees yog Yiniyas tus tub,

9 thiab lawv cov kwvtij raws li lawv caj ces li keeb kwm uas sau cia, muaj cuaj pua tsib caug rau leej. Cov no sawvdaws yog cov uas ua thawj hauv tej cum raws li lawv tej cum.

10 Hauv cov pov thawj yog Yedayah, Yahyolis, Yakhis,

11 thiab Axaliyah uas yog Hikhiyah tus tub, Hikhiyah yog Mesulas tus tub, Mesulas yog Xadaus tus tub, Xadaus yog Melayaus tus tub, Melayaus yog Ahithus tus tub uas yog tus thawj uas saib (יחוח)Yahweh lub tuam tsev.

12 Thiab Adayah uas yog Yelau-has tus tub, Yelauhas yog Pasaws tus tub, Pasaws yog Makhiyah tus tub, thiab Ma‑axais uas yog Adi‑ees tus tub, Adi‑ees yog Yaxelas tus tub, Yaxelas yog Mesulas tus tub, Mesulas yog Mesilemis tus tub, Mesilemis yog Imaws tus tub,

13 thiab lawv cov kwvtij uas ua thawj hauv lawv tej cum, huvsi muaj ib txhiab xya pua rau caum leej, yog cov uas txawj txawj ua haujlwm hauv (יחוח)Yahweh lub tuam tsev.

14 Hauv cov Levis muaj Semayah uas yog Hasus tus tub, Hasus yog Alikhas tus tub, Alikhas yog Hasanpiyah tus tub, uas yog Melalis caj ces.

15 Thiab Npanpakhas, Helev, Kalas thiab Mathaniyah uas yog Mikhayah tus tub. Mikhayah yog Xikhis tus tub, Xikhis yog Axas tus tub.

16 Thiab Obadyah uas yog Semayah tus tub. Semayah yog Kalas tus tub, Kalas yog Yeduthus tus tub, thiab Npelekhiyah uas yog Axas tus tub. Axas yog Eekhanas tus tub uas nyob hauv cov Nethaufas tej zos.   

17 Cov uas zov tej rooj loog yog Salus, Akhus, Thamoos, Ahimas thiab lawv cov kwvtij, Salus ua tus thawj.

18 Los txog niaj hnub nimno lawv nyob ntawm lub Rooj Loog Vajntxwv sab hnub tuaj. Cov no yog cov Levis uas zov tej rooj loog.  

19 Salus yog Khaules tus tub, Khaules yog Enpiyaxas tus tub, Enpiyaxas yog Khaulas tus tub, thiab nws cov kwvtij uas yog Khaulas caj ces yog cov uas saib xyuas haujlwm thiab yog cov uas zov lub qhov rooj tuam tsev ib yam li lawv tej poj koob yawm txwv tau saib thiab zov (יחוח)Yahweh lub tsev ntaub lub qhov rooj.

20 Ele‑axas tus tub Finehas yog tus uas kav lawv yav thaum ub, (יחוח)Yahweh nrog nraim nws nyob.

21 Meselemiyah tus tub Xekhaliyah yog tus uas zov lub qhov rooj tsev ntaub sib ntsib.

22 Cov uas raug xaiv ua cov uas zov tej rooj loog, muaj ob puas kaum ob leeg. Lawv nce npe raws li lawv caj ces li keeb kwm thiab raws li tej zos uas lawv nyob. Daviv thiab Xamuyees uas yog xibhwb hais pom tom hauv ntej tau tsa lawv ua tes haujlwm tseem ceeb no.

23 Yog li ntawd lawv thiab lawv cov tub ki ua cov uas saib thiab zov tej rooj loog ntawm (יחוח)Yahweh lub tuam tsev uas yog lub tsev ntaub.

24 Cov uas zov tej rooj loog nyob rau plaub fab, yog nyob sab hnub tuaj, sab hnub poob, sab ped thiab sab nrad.

25 Thiab tej lub sijhawm lawv cov kwvtij uas nyob hauv lawv tej zej zog yuav tau tuaj nrog lawv nyob xya hnub pab ua haujlwm.

26 Plaub leeg uas ua thawj zov tej rooj loog uas yog cov Levis ntawd, yog cov uas saib xyuas tej chav tsev thiab tej txhab nyiaj hauv (יחוח)Yahweh lub tuam tsev.

27 Lawv muaj chaw so puag ncig (יחוח)Yahweh lub tuam tsev, rau qhov lawv tej haujlwm yog zov thiab lawv yuav tau qhib txhua tagkis.

28 Muaj qee leej yog cov uas saib thiab tu tej cuab yeej uas siv ua (יחוח)Yahweh tes haujlwm, rau qhov lawv yuav tau suav txhua zaus uas rho mus thiab coj rov los cia.

29 Thiab muaj qee leej raug tsa ua cov uas saib xyuas txhua yam uas nyob hauv thiab saib xyuas tej cuab yeej uas dawb huv huvsi thiab saib tej hmoov mog zoo zoo thiab tej cawv txiv hmab thiab tej roj thiab tej hmoov tshuaj tsw qab thiab tej txuj lom.

30 Thiab qee leej uas yog cov pov thawj cov tub mas lawv tov tej txuj lom.

31 Mattithyah uas yog ib tug Levis, yog Salus tus tub hlob, yog Khaulas caj ces, nws li haujlwm yog saib xyuas cov uas ua tej ncuav ci hauv yias.  

32 Thiab lawv cov kwvtij qee leej uas yog Khauhas caj ces ua cov uas saib tej ncuav uas xyeem txawb rau ntawm (יחוח)Yahweh xub ntiag, thiab lawv yuav tau npaj ua txhua hnub Sabbath.

33 No yog cov hu nkauj uas yog cov thawj hauv xeem Levis tej cum. Lawv nyob hauv tej chav hauv (יחוח)Yahweh lub tuam tsev thiab tsis ua lwm yam haujlwm, rau qhov lawv li haujlwm yog nyob tos nruab hnub hmo ntuj.

34 Cov no yog cov thawj hauv xeem Levis tej cum, raws li lawv caj ces li keeb kwm uas sau cia, lawv yog cov thawj coj uas nyob hauv Yeluxalees.

​

Vajntxwv Sha-ul Caj Ces

(1 Vaj Keeb Kwm 8:29-38)

35 Ye‑i‑ees uas yog Kinpe‑oos txiv nyob hauv lub moos Kinpe‑oos, nws tus pojniam hu ua Ma‑akhas. 36Nws tus tub hlob hu ua Adoos, thiab muaj Xuv, Khij, Npa‑as, Naws, Nadas,

37 Kedaus, Ahiyaus, Xekhaliyah thiab Milauj.  

38 Milauj yog Sime‑as txiv. Cov no nyob npuas lawv cov kwvtij thiab nrog lawv nyob ua ke hauv Yeluxalees.

39 Naws yog Khij txiv, Khij yog Sha-ul txiv. Sha-ul yog Yahnathas, Makhisuas, Anpinadas thiab Esanpa‑as txiv.

40 Yahnathas tus tub yog Melinpa‑as, Melinpa‑ as yog Mikhayah txiv.

41 Mikhayah cov tub yog Pithaus, Meles, Thale‑as thiab Ahas.

42 Ahas yog Yalas txiv, Yalas yog Alemes thiab Amaves thiab Xilis txiv.  Xilis yog Mauxas txiv.

43 Mauxas yog Npine‑as txiv, Npine‑as tus tub yog Lefayah. Lefayah tus tub yog Ele‑axas, Ele‑axas tus tub yog Axees.

44 Axees muaj rau tus tub.  No yog nws cov tub li npe, yog Axikhas, Npaukhelus, Yisama‑ees, Se‑aliyah, Obadyah thiab Hanas. Cov no puav leej yog Axees cov tub.